Albistea entzun

BIRA

Amona biluzik

Miren Amuriza -

2016ko irailak 15

Amonak badu gauza magiko bat, edonoren begi bistan egonik ere, berak bakarrik ikusten duena. Amonari keinuak zimurtu zaizkio; ilea urdindu, bekainak mehetu; lehen begi beltz zirenak, gris urtsuak dira orain; belarri gingilak erori zaizkio, jaio orduko egin zulotxoak ebaki luze bihurtu; haginak jausi, ezpainak aho barrurantz biratu; masailetan orbain moreak agertu eta bizartxoak kokotsean. Amonak azala zintzilik du zaman eta besoetan; eskeletoa deformatu zaio eta bost zentimetro txikitu, konkortu da; besapeetako biloa galdu du; titiak maskaldu zaizkio, ipurmasailak argaldu, jausi; pubisean ez ditu hiru-lau iletxo zuri besterik. Amonaren zilborra... Hara! Amonak zilborra du eta! Amonaren zilborra apenas bereizten den haragi zimurrean. Amonari eskuak uzkurtu zaizkio; izterrak lehortu eta arrakalatu; belaun buruak nabarmendu; behatz oskolak luzatu eta sendotu, atzapartu. Amonak ez zuen erretratuetan agertzea maite Manabu Yamanaka argazkilaria ezagutu zuen arte. Getxophoton daude ikusgai artista japoniarraren irudiak: fondo zurien gainean, espazio deskontestualizatuetan, 90 urtetik gorako andrazko biluziak; bakoitzaren bizi ibilbidetik harago, testuinguru soziopolitiko baten testigantza gordetzen duten figura ederrak.

Amonak badu gauza magiko bat, edonoren begi bistan egonik ere, berak bakarrik ikusten duena: bere gorputza.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.