Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

BIRA

Alu izua

Samara Velte -

2016ko ekainak 12

Zergatik ote dio jendeak halako izua aluari? Indianako unibertsitateko ikertzaile talde batek planteatutako galdera da, kontuan izanda emakume askok gehiagotan ikusten dutela euren dentista euren hankartea baino, eta gizonezko askok mapa bat behar dutela inguruotako tolesturetan ez galtzeko. Lehenbiziko aldiz, emakumeok geure buruari plazera emateko erabiltzen ditugun teknikei buruzko ikerketa xehe eta zabala egin dute: AEBetako bizileku, adin eta jatorri desberdinetako mila emakume ingururi elkarrizketa luzeak egin dizkiete masturbatzeko moduei buruz, eta, emaitzekin, gainerako guztiontzako tresna zoragarri bat osatu dute: www.omgyes.com webgune interaktiboa. Bertan, erabiltzaileak aukera du pantailan agertzen zaion alu bat laztantzeko, ikerketaren emaitzek emandako pistei jarraituta. Izena ematerakoan ordaindu egin behar da, baina proba egitera animatzen zaituztet. Alde batetik, anatomia ikasgai eta praktika bikaina delako batzuentzat zein besteentzat, eta, bereziki, mapa behar duten horientzat. Eta, bestetik, ikerketa batek behingoz serio hartzen duelako emakumeen plazera, esplikazio biologiko aspergarrietatik behatu ordez. Elkarrizketatuetako batek webgunean bertan dioen bezala: «Guztiok egiten badugu, zergatik kostatzen zaigu hainbeste ozen ahoskatzea?».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.