Albistea entzun

Dolores Redondo: «Orain 30 urte sekta batek hildako haurtxo bat da aitzakia»

'Eskaintza ekaitzari' nobelarekin, genero beltzeko Baztango trilogia itxi du idazleak.

Fernando Reyk eta Mikel Vilchesek euskaratu dute
Dolores Redondo, atzo.
Dolores Redondo, atzo. G. RUBIO / ARP

Igor Susaeta -

2014ko abenduak 3 - Donostia

Baztango trilogia osatzen duten genero beltz eta mitologikoko hiru eleberriei esker, 300.000 ale baino gehiago saldu ditu Dolores Redondo idazleak (Donostia, 1969) azken urte eta erdian. Mundu osoko 32 argitaletxek erosi dituzte hiru liburuak, eta Erein etxeak euskaraz editatu ditu. Eskaintza ekaitzari dauka izena trilogia ixten duen 600 orrialde pasatxoko aleak, eta tramako pertsonaia nagusiak, Amaia Salazar detektibeak, lotuta zeuzkan hariak nola deslotzen diren ikusiko du, bi hilabeteko haurtxo baten krimena gertatu ondoren. Bigarren alearen moduan —Hezurren ondarea izan zen hura, eta Zaindari ikusezina aurrenekoa, Josu Zabaletak itzulitakoa—, Fernando Reyk eta Mikel Vilchesek euskaratu dute.

Aurreko biek bezala, hiru zutarri dauzka. Batetik, detektibeak garatzen duen ikerketa; bestetik, tokian tokiko mitologiak istorioan daukan pisua; eta, azkenik, protagonista nagusiaren barne mundu nahasi eta gorabeheratsua. Oraingoan, gainera, inoiz baino argiago azaleratzen da, Redondok atzo Donostian jakinarazi zuenez.

Duela hogeita hamar urte gertatutako benetako krimen bat dauka oinarrian nobelak. «Orain 30 urte sekta batek hildako haurtxo bat da aitzakia». Redondok gogoratu zuen prentsan kaleratutako albiste hori ikertzen jarraitu zuela, eta deskubritu zuela Lesakako (Nafarroa) baserri batean gertatu zela, eta hildakoa 14 hilabeteko neskatila bat zela: Ainara. «Kasua zabalik dago oraindik».

Millennium sagaren ekoizleak Zaindari ikusezina-ren eskubide zinematografikoak erosi ditu, eta hurrengo urtean Baztanen bertan filmatuko dute. «Gidoia gainbegiratuko dut». Redondok ez dio berriro Baztani buruz idazteari uko egiten, «gozoki bat baita».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar bat, asteon, Donostiako areto bateko karteldegiari begira. ©GORKA RUBIO / FOKU

LEKUA EGIN NAHIAN

Ainhoa Sarasola - Ainize Madariaga

Zinema areto, jaialdi eta ziklo gehienetan, euskarazko filmen eta azpidatzien presentzia txikiagoa da beste hizkuntzetakoekin alderatuta. Hainbat eragilek azaldu dute pixkanaka kopuru hori handituz doala, baina ehunekoei erreparatuta, salbuespenak salbuespen, oreka lortzetik urrun dago oraindik.

Cordal, erakusketako lanetako batekin. ©Aritz Loiola / Foku

Egunero, atsedenik hartu gabe

Amaia Igartua Aristondo - Bizkaiko Hitza

Isaac Cordal artistak etengabe produktiboak izatearen beharra jorratu du ’24/7′ erakusketan. Bilboko SC Gallery aretoan dago ikusgai, hilaren 28ra arte.

Cat Power, azken diskoaren promozio argazki batean. ©MARIO SORRENTI

Bizitza bat bertsioetan

Alex Uriarte Atxikallende

Cat Powerrek 'Covers' albuma plazaratu du. Bere ibilbide musikalean funtsezkoak izandako 11 egileren kantuen bertsioak egin ditu, eta 'Hate' izeneko bere abestia berrinterpretatu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.