Albistea entzun

Muturreko neurriak proposatu ditu Cameronek immigrazioa mugatzeko

Sei hilabetean lana aurkitzen ez duena kanporatu egin nahi du.

Laguntzak jasotzeko, lau urte

Xabin Makazaga -

2014ko azaroak 29

Urte erdi falta da Erresuma Batuko hauteskundeetarako, eta David Cameron lehen ministroak Europako Batasuneko herritarren immigrazioari aurre egiteko neurri sorta «muturreko bat» aurkeztu du. Cameronek bigarren agintaldia lortuz gero soilik jarriko luke indarrean, eta helburu horixe du haren proposamenak, Alderdi Laboristari eta UKIP eurofoboari aurrea hartzea, neurri populista batzuekin.

Estatuko laguntzak jaso ahal izateko, EBko herritarrek lau urtean bizi beharko dute aurrez Erresuma Batuan, Cameronen proposamenaren arabera. Eta sei hilabetean lana aurkitzen ez duena kanporatzeko bideak aztertuko lituzke. Seme-alaba bakoitzeko laguntza eskatzen duten migrante kopurua ere murriztu egin nahi du, eta Erresuma Batuan ezartzen denak eraman dezakeen senide kopurua gutxitu.

Delituren bat egin edo eskean aritzen direnak deportatzeko bideak azkartzeaz gain, Europako Batasuneko kide egin berriak diren herrialdeetako migratzaileei sarrera ukatu ere egin nahi die Cameronek, harik eta herrialde horien ekonomiak bazkideen mailarekin parekatzen diren arte. Eta, Erresuma Batuan sartzeko, EBko herritarrei lan eskaintza bat badutela egiaztatzeko ere exijitu nahi die Cameronek, beste neurri murriztaile batzuen artean.

Cameronek proposatutako neurri asko ez datoz bat EB barruan pertsonen mugimendu askatasuna bermatzen duten arauekin, baina Europako Batzordeko bozeramaile Margaritis Schinasek atzo esan zuen lehen ministro tory-aren plana «debatearen parte» dela eta «dramarik gabe, lasai» eztabaidatu beharko dela.

Alemaniako Gobernuak, bestalde, 1.000 milioi jarri ditu, lander eta udal administrazioek asiloa eskatu duen migrante oldeari aurre egin ahal izateko. Aurten 135.634 eskaera jaso dituzte, iaz urte osoan baino gehiago.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

 ©JAGOBA MANTEROLA / FOKU

«Afrikan ere, emakumeak borrokan ari dira euren eskubideen alde»

Arantxa Elizegi Egilegor

Munduko Medikuak erakundeko kidearen esanetan, herrialde askotan egoera hobetu bada ere, nesken eta emakumeen aurkako praktikak oso errotuta daude oraindik nekazaritza eremuetan.

Erasoa gertatu den kalea, itxita. / ©Essexeko Polizia

Amess diputatuaren hilketa «ekintza terrorista» da, Poliziaren arabera

Jon Ordoñez Garmendia

Poliziak 25 urteko gazte bat atxilotu du, eta muturreko islamista bihurtzeko arriskuan dauden pertsonen zerrendetan egon zela zabaldu dute.

Armadaren eraso batek Thantlang herrian (Chin, Myanmar) eragindako kalteak. ©THE CHINLAND POST / EFE

ASEANen goi bileratik kanpo utzi dute Myanmarko juntako burua

Iosu Alberdi

Herrialdeko gatazka konpontzeko urratsik ez egitea leporatu diote junta militarrari. Aung San Suu Kyirekin biltzea galarazi diote erkidegoaren ordezkariari. Otsailaren 1etik 1.171 manifestari hil dituzte

Hiru indar politikoetako kideak, gaur Berlinen, prentsaren aurrean ©CLEMENS BILAN / EFE

Sozialdemokratek, berdeek eta liberalek elkarrizketa formalak hasiko dituzte

Igor Susaeta

Koalizio gobernu bat osatzeko bidean, testu bat adostu dute hiru indarrek, eta klima larrialdiari aurre egiteko neurriak ditu ardatz; baita eskakizun liberalak, hala nola, zerga gehiago ez ezartzeko konpromisoa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna