Albistea entzun

Talibanek aldarrikatu dute Afganistanen atzerriko tropak garaitu dituztela

ISAF nazioarteko indarrak bukatutzat eman du eginkizuna, hamabi urteren ondoren.

Matxino islamisten ustez, borroka eremutik ihesean doaz
ISAFek eginkizuna bukatzeko herenegun egindako ekitaldia, Kabulen.
ISAFek eginkizuna bukatzeko herenegun egindako ekitaldia, Kabulen. CPL JANINE FABRE / EFE

Mikel Rodriguez -

2014ko abenduak 30

NATOk bukatu du ISAF Afganistanen Segurtasuna Laguntzeko Indarraren misioa, hamabi urteren ondotik. ISAF erretiratu da, baina gerra ez da bukatu, eta talibanek garaipentzat aldarrikatu dute hori. «Ez dugu galdu, Estatu Batuekin ez dugu akordiorik sinatu gerra bukatzeko; orduan, zer zentzu dauka AEBek gerra bukatzeak? Horrek erran nahi du AEBak eta haien aliatuak erabat garaitu ditugula eta borroka eremutik ihesean doazela», adierazi du Zabiullah Mujahid-ek, talibanen bozeramaileak. Etzitik, NATOk bertze misio bat hasiko du Afganistanen, armada eta Polizia trebatzeko. Mujahiden arabera, ordea, NATOk porrota ezkutatu nahi du Afganistanen jarraituta.

AEBek Afganistan inbaditu eta hiru hilabetera sortu zen ISAF, NBE Nazio Batuen Erakundearen Segurtasun Kontseiluaren baimenarekin. AEBek Erresuma Batuaren laguntzarekin martxan zeukaten Askatasun iraunkorra operazioa, talibanen eta Al-Qaedaren aurka. ISAFen helburua Afganistanen segurtasuna zaintzea zen, talibanak boteretik bidali ondoren erregimen aldaketa gauzatzeko. 2006an, ordea, talibanek zeukaten indarra ikusita, borroka operazioak egiten ere hasi zen. Tarte horretan, 2003an, NATOk hartu zuen nazioarteko indarra zuzentzeko ardura.

Guztira 51 herrialdek parte hartu dute ISAFen, eta 2011n izan zuen soldadu gehien: 130.000. Datu ofizialen arabera, 2002tik ia 3.500 soldadu hil dira, gehienak borroka eginkizunetan. 30 herrialdetakoak dira hildakoak, gehienak AEBetakoak (2.254). Herrialde bakoitzeko biztanle kopurua kontuan hartuta, ordea, proportzioan Erresuma Batuak, Kanadak eta Danimarkak izan dute galera handiena. Mujahiden arabera, berriz, ISAFeko indarrek 20.000 miliziano hil dituzte.

ISAFek utzitako lorratzik mingarriena zibilen hilketak dira, nagusiki bonbardaketetan. Unama NBEren Afganistango misioaren arabera, ISAFek aire erasoetan 136 zibil hil zituen 2012an, eta bertze 118 iaz. Hilketa horiek arriskuan paratu zituzten Hamid Karzai presidentearen eta AEBen segurtasun alorreko negoziazioak, Karzaik elkarrizketak bertan behera uzteko mehatxua egin baitzuen.

Akordioa egin zuten, hala ere, eta AEBek 10.800 soldadu mantenduko dituzte. NATOk, berriz, lau bat mila. Barack Obama AEBetako presidentearen arabera, ISAFi esker AEBak seguruago daude, baina, hamabi urteren ondoren, «Afganistan toki arriskutsu bat da oraindik».

Errusiaren kritikak ISAFi

Errusiak erretiratzea kritikatu du, «ezegokia» delakoan. «Segurtasun Kontseiluaren bileretan NATOko kideek harro diote helburu guztiak bete dituztela», adierazi du Kremlineko Afganistanerako ordezkari Zamir Kabulovek. «Baina zer egin dute? Alde egin behar dute, nahiz eta talibanak 2011n bezain indartsuak izan». Sobietar Batasunak 1979-1989 artean inbaditu zuen Afganistan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

1 ©ALBERTO ESTVEZ / EFE

Erreferendumak zer ekarri zuen

Igor Susaeta

Galdeketara deitu zuten, lege bat onartu zuten horretarako, eta herritarrek bozkatu egin zuten, Poliziaren indarkeriari aurre eginez. Madrilek errepresioaren bidean segitu zuen, eta kartzelatzeak eta erbesteratzeak heldu ziren.
Pere Aragones Kataluniako presidentea, gaur, politika orokorreko eztabaidan ©Quique Garcia, EFE

Erreferendum bat noiz eta nola egin zehazteko argitasun akordio bat proposatu du Aragonesek

Gorka Berasategi Otamendi

Proposamen horren aldeko akordioa jostera deitu ditu Kataluniako alderdiak eta gizartea. JxCk gobernu akordioa betetzeko eskatu dio; bestela, konfiantza arazo batera aurkezteko galdegingo diola ohartarazi du.

Pertsona bat, atzo, Ukrainako Zaporizhia eskualdeko hautesleku batean, bozkatzeko pronto. ©EFE

Errusiarekin bat egitearen alde bozkatu dute Ukrainan okupatutako lurraldeetan

Igor Susaeta

Kievek traizioa egotziko die galdeketetan «moduren batean» parte hartu dutenei. Moskuk prest ditu anexioa gauzatzeko botere «legegilea, exekutiboa eta juridikoa»
Kremlinen ustez, NATO ez da sartuko Ukrainan, arma nuklearrak erabilita ere

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...