Albistea entzun

Herritarra entzuten duen arkitektura

Kezka sozialei erantzuten dieten proiektuen hamar adibide bildu dituzte 'Architectus Omnibus?' erakusketan. Hilaren amaierara arte ikusi ahalko da Donostiako Tabakaleran
Donostiako Tabakalerako plazan daude ikusgai erakusketa osatzen duten hamar proiektuak.
Donostiako Tabakalerako plazan daude ikusgai erakusketa osatzen duten hamar proiektuak. GORKA RUBIO / ARGAZKI PRESS

Ainhoa Sarasola -

2016ko urriak 4 - Donostia

Proposamen estetikoari garrantzi handiagoa eman izan diote zenbait arkitektok beren eraikinetan. Beste zenbaitek, berriz, erabilgarritasunari edo kokatuta dagoen testuinguruari gehiago erreparatu izan diote. Bi aukerek ez dute zertan izan elkarren kontrakoak izan, ezta bakarrak ere, argi baitago arkitektura ulertzeko eta praktikara eramateko ikuspegi bat baino gehiago dagoela egun. Eta ikuspegi horietako bat, arkitekturan kontzientzia jasangarria aldarrikatzen duena islatzen du Architectus Omnibus? erakusketak. Galdera ikurra nahita erantsi diote izenburuari. Izan ere, arkitektoaren irudi «jainkotu» batetik urrun, bizi den gizartea entzuten dakien sortzailearena islatu nahi izan dute erakusketan, arduradunek azaldu dutenez. Ikuspegi horretatik landutako hamar adibide biltzen ditu erakusketak, eta Berlindik nahiz Madrildik pasatu ostean, Donostiako Tabakaleran ikusgai daude orain denak. Arkitekturaren Nazioarteko Egunean, atzo ireki zuten erakusketa, eta hilaren amaierara arte egongo da zabalik.

Espainiako Cervantes Institutuak eta Goethe-Institut Madrilek antolatutako VI. Topaketa Hispaniar-Alemaniarraren emaitza da erakusketa. Horren harira, beren proiektuak aurkezteko deialdia egin zieten Espainiako eta Alemaniako arkitektura estudio nahiz ikasleei, eta ehundik gora proposamenetatik hamar aukeratu zituzten erakusketarako. Guztiek oinarri bera partekatzen dute: Andres Jaque arkitektoak sortutako dekalogoa, zeinak «arkitekturaren praktikan joera hegemonikoei» aurre egiteko bideak aztertzen dituen. Hortaz, «ardura sozialaren testuinguruan» dauden proiektuek osatzen dute erakusketa.

Kutxa edo panel itxurako egurrezko hamar egitura baliatu dituzte euskarri gisa, haietariko bakoitzean proiektu bat erakusteko. Zirkuluan kokatu dituzte, Tabakalerako plazan; euskarri bakoitzak, kanpoaldetik, adibideetako bat aurkezten du, pantaila batek, irudiek edo objektuek lagunduta, eta barrualdetik, berriz, esertzeko aukera ematen dute egiturek.

Proiektuen artean dago, esaterako, Marina Fernandez Ramosen Kalea ehuntzea izenekoa: Caceresko Valverde de la Vera udalerriko (Espainia) kaleetan, emakumeek neguan kakorratzekin eta produktu berrerabilgarriekin sortutako itzalkinak jarri zituzten udan. Berlingo Stiftung Freizeit estudioak Worgl hirian martxan jarritako ekimena ere ikusgai dago: biztanleek hiria hobetzeko zituzten proposamenak adierazi eta eztabaidatzeko, Desiren bulegoa sortu zuten bertan. Gisa horretako beste zortzi proiektu bildu dituzte erakusketan.

Erakusketaren osagarri, bi solasaldi antolatu ditu M-Etxea kolektiboak. Bihar egingo dute lehena, eta hilaren 19an, bigarrena. Hainbat hiritan esperientziak aztertuko dituzte horietan, haietan aritutako kolektibo eta estudioetako kideak gonbidatuta.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Kepa Junkera, erdian, gaur Bilboko Arte Ederren museoan egindako liburuaren aurkezpenean ©Aritz Loiola/ Foku

Kepa Junkerak bere obra osoa berrikusten duen arte liburua kaleratu du

Iñigo Astiz

Musikariaren diskografia osoa errepasatzen du Berpiztu lanak, eta, gainera, 40 artistak propio sortutako obra bana eta Junkerak sortutako kanta guztien partiturak ere badakartza. Musikariak berak parte hartu du argitalpenaren aurkezpenean.

 ©Joanes Etxebarria

«Anitz egin da hitz berrien asmatzeko, baina zahar anitz galdu ditugu»

Joanes Etxebarria - Ipar Euskal Herriko Hitza

Liburu edo pastoraletan, historia landu du bereziki, olerkiekin batean. Idazlan luzeak gehiago ez egitea deliberatu du. Uste du aitzinatu dela euskararen alorrean, baina lan asko dela egiteko.

<em>Maus</em> liburuko lau bineta. ©ASTIBERRI

Saguen txilioak holokaustoan

Uxue Rey Gorraiz

Gurasoek holokausto nazian bizitakoetan oinarrituta sortu zuen Art Spiegelmanek 'Maus' komikia. Pulitzer saria irabazi zuen 1992an. Euskarara ekarri dute berriki.

Soinu txikia XIX. mendearen amaieran hedatu zen Euskal Herrian. ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.