Albistea entzun

Korapiloa ez da askatu

ERCk Masen baldintzak onartu arren, «akordiorako borondate argirik» ez izatea egotzi dio CDCk.

Presidentea CiUko buruzagiekin bildu da
Oriol Junqueras eta Artur Mas, Kataluniako Parlamentuko bilkura bat amaitu ostean hizketan.
Oriol Junqueras eta Artur Mas, Kataluniako Parlamentuko bilkura bat amaitu ostean hizketan. MARTA PEREZ / EFE

Xabin Makazaga -

2015eko urtarrilak 13

Kataluniako burujabetza prozesuak zer bide hartuko duen argitzeko aste erabakigarrian sartuta, ERCk baldintzarik gabe onartu du Artur Mas presidenteak mahai gainean jarritako proposamenetako bat. Hauteskunde plebiszitarioak lehenbailehen egitea ahalbidetzeko, ERC prest agertu da bere zerrendak alderdiko kideekin soilik osatzeko, «zilegitasunik gabeko baldintza bat» dela nabarmendu arren. Azken deialdietan, izan ere, errepublikanoek hautagai independenteak sartu izan dituzte. Anna Simo ERCko bozeramaileak jakinarazi du, alderdiaren batzorde iraunkorra bildu ostean, «inposizioari men» egin diotela eta Masek mahai gainean jarritako proposamenetatik hirugarrena «erabat, puntuz puntu eta kakotxez kakotx» onartzen dutela. Oriol Junqueras ERCko presidenteak Twitter bidez berretsi du elkarte zibilek eginiko proposamena onartu dutela.

ERCren ikuspegitik akordioa «jada eginda» dagoela erantsi du Simok, «datozen ordu edo egunetan ixteko». Baina Masen alderdiak, CDCk, uzkur erantzun die errepublikanoei. «Men egin eta inposizioa bezalako hitzek ez dute akordiorako borondate argirik erakusten», adierazi du Merce Conesa Convergenciako bozeramaileak. Beren ustez aukerarik onena zerrenda bakarra aurkeztea dela berretsi du. Convergenciaren eta ERCren arteko korapiloa, beraz, oraindik ez da askatu.

Gaur legegintzaldi erdiaren balantzea egiteko agerraldia dauka Masek, eta argibideren bat emango duela espero da. Aterabidea aste honetarako agindu zuen Kataluniako presidenteak, eta berritasun esanguratsuak «ostegunean edo ostiralean» izan daitezkeela esan zuen atzo Françesc Homs gobernu bozeramaileak.

Mas eta Junqueras abenduaren 27an ANC Biltzar Nazional Katalanarekin, Omnium Culturalekin eta AMI Independentziaren aldeko Udalerrien Elkartearekin bildu ostean, Kataluniako presidenteak hiru aukera jarri zituen mahai gainean: prozesu konstituziogile baten oinarriak lantzea legebiltzarrean, eta hori amaitu arte legegintzaldiari eustea; independentziaren aldeko indarrak zerrenda bakar batean biltzea —bere proposamena—; eta hautagaitza bereiziak izatea, gizarte zibilaren ordezkari nagusiak Masen beraren zerrendan batuta —ANCk, Omniumek eta AMIk eginiko proposamena da—, baina ERCk bere zerrenda hautagai independenterik gabe osatzeko baldintzarekin.

ERCk dio independentzia prozesuaren bide orriaz hitz egin nahi duela, zerrendei buruzko eztabaida gaindituta, eta horregatik onartu dituela Masen baldintzak. «Nahi genuen hautagaitza egiten ez digute utzi, eta independenterik gabe joan beharko dugu, zer erremedio», esan zuen atzo Lluis Salvado ERCko idazkariordeak.

CDCk, ordea, «sakrifiziorik handiena» Convergenciak berak egin duela nabarmendu du, hauteskunde plebiszitarioetara alderdiaren ohiko markarik gabe joateko prest agertu delako eta parlamentutik kanpoko indar bihur daitekeelako. Eta ERCri ere eskuzabal jokatzeko eskatu dio. Halaber, Conesak gogor kritikatu du Masi baldintzak jarri dituela leporatzea: «Proposamen hori ez da Masena; suberanismo zibilaren elkarteek egina da».

Jarrera «kafkarra»

A-9ko herri galdeketaren ondoren independentistek «abiada irabazi eta aireratze pista bat» hartu behar zutela zirudienean, CUPeko buruzagi David Fernandezek deitoratu egin du «soilik hauteskunde zerrendez» hitz egitea, eta ez bide orriaz. Eta Masi «independentistak monopolizatzeko nahia» egotzi dio: «Kafkarra da inork gizarte zibil plural bat patrimonializatu nahi izatea». Quim Arrufatek, bestalde, Masek hauteskunde plebiszitarioen deialdia atzeratu izana kritikatu du: «Deialdiak konpromiso automatikoa izan behar zukeen, eta presidentearen alderdiaren profila indartzeko xantaia gisa erabili dute». Zerrendei buruzko eztabaidaren eraginez, «herritarren gogo beroa galtzen» ari dela erantsi du CUPeko diputatuak.

Ezker independentistako eragile nagusiekin elkartuta, «hautagaitza independentista eta antikapitalista zabal bat» aurkeztuko du CUPek, eta «ahalik eta independente gehien» sartuko ditu zerrendan

Masek, bestalde, CiUko buruzagi nagusiekin bilera egin zuen atzo arratsaldean Generalitatean. Josep Antoni Duran i Lleida Unioko burua, Josep Rull Convergenciako idazkari nagusia, Ramon Espadaler, Josep Maria Pelegri eta Luis Corominas hartu zituen Kataluniako presidenteak, aurrez iragarri gabeko bilera batean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gerald Darmanin Frantziako Barne ministroa eta Gilles Simeoni Korsikako gobernuburua elkarri eskua ematen, iragan uztailean, negoziazioen lehen bilkura amaitu ostean, Parisen ©CHRISTOPHE PETIT TESSON / EFE

Korsikako hautetsien eta Frantziako Gobernuaren arteko negoziazioak, oinarri bila

Ander Perez Zala

Darmaninek atzeratu egin du bihar uhartera egitekoa zuen bisita, «eztabaida bare baterako baldintzarik» ez dagoela argudiatuta. Protestak antolatu dituzten gazte mugimenduek aho batez eskatu dute elkarrizketak hausteko.

Autodeterminazioaren eta Amnistiaren Aldeko Akordio Sozialaren prentsaurrekoa, gaur, Bartzelonan. ©INTERSINDICAL

Kataluniako berrehun udalerri daude amnistiaren eta autodeterminazioaren alde

Mikel Elkoroberezibar Beloki

Hirurehun erakundek eman diote babesa Autodeterminazioaren eta Amnistiaren Aldeko Akordio Sozialari, tartean alderdi politiko independentistak, zenbait sindikatu eta ikasle antolakunde.

Danimarkako lehen ministro Mette Frederiksen, gaur, Kopenhagen egindako agerraldian. ©Liselotte Sabroe / EFE

Danimarkako bozak azaroaren 1era aurreratu ditu lehen ministroak

Mikel O. Iribar

Gobernu sozialdemokrata babesten duten alderdiek behartuta hartu du erabakia Mette Frederiksenek.

Suhiltzaile batzuk, atzo, bonbardaketa batek Kharkiven (Ukraina) txikitutako lantegi batean lanean. ©SERGEY KOZLOV / EFE

Zelenskik berretsi du ez duela Putinekin negoziatzeko asmorik

Igor Susaeta

Errusiako goi ganberak Ukrainan partzialki okupatutako lurrak anexionatzeko itunak onartu ditu. Kremlinen mapek erakusten dute Moskuren indarrek segitzen dutela gerra frontean atzera egiten

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.