«Nahi dena esatea eta ulertzea» eskainiko die AEK-k ikasle berriei

Abian jarri dute ikasturte berrirako matrikulazio kanpaina, 'Euskara praktikoa' lelopean.

13.000 ikaslek izena ematea espero dute
Besteak beste, Mertxe Mugika eta Sara Cozar, aurkezpenean.
Besteak beste, Mertxe Mugika eta Sara Cozar, aurkezpenean. M.DEL VALLE / ARP

Pello Zuazo -

2015eko irailak 3

Azken urteotan gora egin du nabarmen AEKn euskara ikasi nahi dutenen kopuruak. Adibidez, joan den ikasturtean aurrekoan baino 300 ikasle gehiago izan zituzten, eta aurten 13.000ra iristea espero dute. Horretarako, matrikulazio kanpaina jarri dute martxan, Euskara praktikoa lelopean, eta nahi duenak hilabete osoa izango du izena emateko.

Mertxe Mugika AEKren koordinatzaile nagusiak 2015-2016ko ikasturterako matrikulazio kanpainaren nondik norakoak azaldu zituen atzo Bilbon egindako agerraldi batean. Aurten ere, bigarrenez, Sara Cozar aktorea eta AEK-ko ikasle ohia izan da kanpainaren aurpegia eta aurkeztu duten iragarkiaren protagonista.

«Euskara egunerokoan edo lanean erabili nahi dutenek metodo eraginkorra aurkituko dute, euskara praktikoa, eguneroko premietara egokitutakoa», azpimarratu zuen Mugikak. «AEKrekin lortuko duzue nahi duzuen guztia ulertzea, nahi duzuen guztia esatea». Horretarako «komunikazioan oinarritutako metodologia aurreratua» eskaintzen dutela azaldu zuen: euskalduntze ikastaroak maila eta ordutegi guztietan, titulu homologatuak prestatzeko ikastaroak, ikastaro trinkoak, autoikaskuntza sarean, mintzapraktika eta beste baliabide ugari. «AEKn ikasteak abantaila asko ditu. Izena eman eta hilabete gutxira EGA atera nuen», berretsi zuen Cozarrek Mugikak esandakoa.

Ikasturtea urriko lehenengo astean hasiko da AEK-k Euskal Herri osoan dituen ehun euskaltegietan baino gehiagotan. Horietako bat Altsasukoa (Nafarroa) da; eraberritu ondoren, irailaren 18an irekiko ditu ateak.

Iaz Oinarrizko hiztegia estreinatu zuten euren webgunean, eta, izan duen harrera ona ikusita, aurten, berrikuntza modura, sakelako telefonorako aplikazioa sortu dute. Oinarrizko elkarrizketetan erabiltzeko hainbat esamolde eta akuilu bildu dituzte bertan, baita euskaltegien inguruko informazio osoa ere. Doan eskura daiteke, AEKren webgunean bertan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko alde zaharreko terraza bat, hutsik. ©JESUS DIGES / EFE

Nafarroa itxi egin dute

Joxerra Senar

Bihar gauerditik ezingo da ez sartu eta ez irten, funtsezko arrazoiengatik ez bada. Ostalaritzak ateak itxiko ditu, eta jarduera oro 21:00etarako amaitu beharko da

PCR probak egiten, Ordizian, uztailaren hasieran izandako agerraldian. ©Juan Herrero / Efe

Jaurlaritzak ez du beharrezko ikusten herriak ixtea

Irati Urdalleta Lete

«Transmisio handia» dagoela aitortu du, baina ez du itxierarik egingo. Baheketak egingo dituzte Ordizian eta Durangon

Nafarroako erietxeko oheak garbitzen, iragan apirilean. ©Iñigo Uriz / Foku

«Berriz hura bada?»

Arantxa Iraola

Nafarroako Ospitale Guneko hiru solairu daude COVID-19a dutenez beteta. Langileek diote oraingoan lana «progresiboki» ugaritu dela

Jendea maskarak jantzita Alemanian. ©RONALD WITTEK / EFE

40 milioi lagunetik gora kutsatu ditu COVID-19ak munduan

Maria Ortega Zubiate

Mundu osoko kasuen erdiak baino gehiago AEBetan, Brasilen eta Indian zenbatu dira. Europan eta Amerikan izan du gorakadarik handiena pandemiaren bigarren olatuak

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna