Albistea entzun

PSEk kontzertu ekonomikoa aintzat hartuko duen eredu federala nahi du

Konstituzioa aldatu eta estatu federala osatzearen alde egin du Mendiak, «marra gorria» euskal singulartasuna izango litzatekeela zehaztuta
Idoia Mendia, atzo, ehun eguneko agintaldia baloratzen.
Idoia Mendia, atzo, ehun eguneko agintaldia baloratzen. LUIS JAUREGIALTZO / ARP

Aitziber Laskibar Lizarribar -

2014ko abenduak 30 - Bilbo

Aldaketa eta berrikuntza defendatu ditu Idoia Mendia PSE-EEren idazkari nagusiak, karguan ehun egun bete dituen egunean. Politika egiteko modu berriak behar direla adierazi du, eta horretan ari dela bera. Herritarrengana gerturatu behar dela, eta horiekin egin behar direla itunak; «ez alderdi politikoekin». Politika «arinagoa» egin nahi du, eta agerraldia egiteko aukeratu duen eredua hori ikusarazi nahian prestatutakoa izan da: kazetarien aurrean atril gabe jardun du PSEko buruak; mikrofono handirik gabe, belarrira lotutako mikrofono txiki harigabe batekin. Telebistako aurkezleen gisara aritu da ehun egunen balorazioa egiteko orduan. Argazki eta eskema mugikorrak izan ditu lagungarri albo bateko pantailan.

Politikan ohikoa izan den zurruntasunetatik aldentzeko gogoa irudikatu du Mendiak. Kargua hartu zuenean bere helburua horixe zela esan zuen. Liskar antzuetatik urrundu, kalera atera, eta herritarren ondoan egonda konpondu nahi zituela haien arazoak. Haren esanetan, horretan aritu da alderdiko buru gisa egin dituen lehen ehun egunetan, eta hala segituko du.

Eredu politikoari dagokionez, PSOEk defendatzen duen eredu bera aldarrikatzen duela adierazi du: estatu federala nahi duela Espainian. Horretarako «konstituzioaren ituna» berritu behar dela azaldu du, eta lurralde egituraketa hobetu behar dela. Horrek zenbait liskar historiko gaindituko lituzkeela iruditzen zaio. Hori bai, konstituzioa aldatu eta federalismoa ezartzeko orduan «marra gorriak» ere behar direla azaldu du: PSEren ustez, «kontzertu ekonomikoa eta euskal singulartasuna» errespetatu beharko direla.

Elkarbizitzari dagokionez, biktima guztiak sufrimenduan berdinak direla esan du Mendiak, eta guztien eskubideak errespetatu behar direla elkarbizitzan sakontzeko. «Horregatik egon nintzen Santi Brouard eta Josu Muguruzaren omenaldian, ez dudala indarkeria mota bat ere onartzen erakusteko». Biktima guztiak aitortzeko premia azaldu du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Juan Carlos lglesias Chouzas, Auzitegi Nazionalean, martxoan. ©Emilio Naranjo / EFE

Fiskaltzak ez du Juan Carlos Iglesias Chouzasen absoluzioaren aurka egingo

Iosu Alberdi

Atristainen kasuak ezarritako jurisprudentzian oinarrituta absolbitu zuen Auzitegi Nazionalak. Fiskaltzak ondorioztatu du ez dagoela akusazioari eusteko nahikoa froga.

Miren Larrion, artxiboko irudi batean. ©Endika Portillo / Foku

Hiru urteko espetxe zigorra ezarri diote Miren Larrioni

Berria

Ikusteko dago zigorra exekutatuko ote den, Larrionek hura lan komunitarioengatik ordezkatzeko aukera aipatu baitzuen, akordio bat egin ostean.

Mertxe Aizpurua, gaur goizean, Espainiako Kongresuan. ©J.J. Guillen / EFE

EH Bilduk Ikus-entzunezkoen Lege proiektuaren kutsu «ekonomizista» kritikatu du

Iosu Alberdi

Hamar zuzenketa aurkeztu ditu koalizioak, eta ostegunera bitarte lortu ditzaketen adostasunen arabera bozkatuko du osoko bilkuran.

Herritar bat bozkatzen, iragan apirilean, Frantziako presidentetzarako bozetan. ©GUILLAUME FAUVEAU

Diputatu izateko lehian 32 hautagai izanen dira Ipar Euskal Herrian

Oihana Teyseyre Koskarat

Lasserre eta Bru berriz aurkeztuko dira. EH Bai hiru hautesbarrutietan izanen da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...