Albistea entzun

Proposamenak zehazteko garaia

Bozetara nola aurkeztu erabakiko du Podemosek, eta erkidegoetako buruak hautatuko ditu
Hannot Sansinenea, atzo.
Hannot Sansinenea, atzo. J. E. / EFE

Erredakzioa -

2015eko urtarrilak 4

Herri kontseiluetako kideak aukeratuta, Podemosekoek hasi dute udal eta herrialdeetako proiektu eta estrategiak zehazteko prozesua. Orain arte esandakoari jarraiki, berretsi dute udal bozetara ez direla aurkeztuko Podemos izenarekin, baina ez dute baztertzen foru hauteskundeetara hala egitea. Hego Euskal Herriko hiriburuetako idazkari nagusiek eginiko lehen agerraldietan, gai nagusia udalerrian zer aukera babestuko duten izan da.

Bilbon, Lander Martinez hango herri kontseiluko idazkari nagusiak azaldu du beraiek prest daudela herritarren plataformaren bat babesteko han —Bilbo Irabaziz plataforman parte hartzen ari dira Podemoseko zenbait kide—. Udal politikari dagokionez, esan du udalaren kontu ikuskaritza bat sustatzea dela beren asmoa.

Donostian, Hannot Sansineneak gaineratu du gaur-gaurkoz ez dagoela babestuko luketen plataformarik. «Beti esan dugu ez dugula babestuko alderdiak atzean dituen siglen zopa bat», esan du IU-Ezkerrak, Equok eta Alternativa Republicanak zenbait herritan sortu dituzten Irabazi plataformei erreferentzia eginez —Bilbo Irabaziz plataformak ez dauka loturarik horiekin—. Gasteizen, berriz, Fernando Iglesiasek ia guztiz baztertu du Araban Ikune hautetsi independenteen plataformarekin aurkeztea.

Nafarroan, herrietako kontseiluetako idazkari nagusiek bilera egin dute Orkoienen, eta agiri bat plazaratu dute; bertan beren burua eskaini dute lurralde horretan «aldaketa sozialaren lidergoa» hartzeko. Azpimarratu dute euren xede nagusia erakundeekiko konfiantza berreskuratzea dela, eta, egungo egoeraren aldean, beste gizarte eredu bat eraikitzea, giza eskubideak oinarri hartuta.

Euskal Hiria

Urtarrilean eta otsailean aukeratuko ditu Podemosek erkidegoetako kontseiluak. Euskal Autonomia Erkidegoan hautagaitza aurkeztuko duela jakinarazi du Euskal Hiria plataformak. Adierazi dute hautagaitza «plurala» izango dela eta joera ideologiko «transbertsala» izango duela. Hautagaitza honako hauek osatzen dute: Begoña Bilbao Zuzenbidean lizentziadunak, Rafael Sainz de Rozas abokatu eta Zigor Zuzenbideko irakasleak, Ana Viñals Publizitatean lizentziadunak, Roberto Uriarte EHUko Zuzenbide Konstituzionaleko irakasleak, Dominique Saillard Itzulpengintzan lizentziadunak, Luis Alejos soziologoak, Gonzalo Larruzea filologoak, Rafa Ajangiz EHUko Politika Zientzietako irakasleak eta Gilen Nuñez ingeniariak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Idoia Mendia, atzo. ©PSE-EE

PSEk «legediaren» balioa goraipatu du

Edurne Begiristain

Mikel Unzalu PSEko legebiltzarkide zena oroitu dute. Estatutua goretsi du Mendiak
Isabel Rodriguez eta Olatz Garamendi, atzo, Madrilen. ©FERNANDO ALVARADO / EFE

Beste bi transferentziari buruzko proposamena egingo du Madrilek urrian

Gotzon Hermosilla

Bizitzeko gutxieneko diru sarrera eta trenbideak dira Jaurlaritzari eskualdatu beharreko eskumenak. Transferentzia aurten itxi nahi dute
Ehunka lagunek egin dute bat Arrasaten, Sare-ren deialdiarekin

Ehunka lagun Arrasaten, euskal presoen eskubideen aldeko bilkuran

Iñaki Agirre - Jon Ordoñez Garmendia

Eguerdian euskal presoen eskubideen aldeko 50etik gora bilkura egin dira Euskal Herrian, Sarek atzo bertan behera utzi zuen martxaren ordez. Ertzaintza Voxen bilkuraren aurka protestan ari ziren antifaxistei oldartu zaie Arrasaten, eta taberna batean zegoen gizon bat zauritu du.

Arnaldo Otegi EH Bilduko koordinatzailea, artxiboko irudian ©Gorka Rubio/ Foku

Otegi: «XXI. mendean burujabetzak estatu izena du»

Edurne Begiristain

EH Bilduk Konferentzia Politikoa egin du gaur goizean Donostian, aurrera begirako erronkak zehazteko. Lan politikoaren, hezkuntza proposamenaren eta plan feministaren inguruan bozkatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna