Albistea entzun

Sanchez Mazas pasealekuaren izena aldatzera behartu du epai batek Bilbo

Lau Haizetara Gogoan elkarteak eginiko eskarietan bakar bat onetsi du ebazpenak.

Alkate frankisten koadroen auziaren mamian ez da sartu
Azkuna frankismoko biktimak oroitzen, Sanchez Mazas pasealekuan.
Azkuna frankismoko biktimak oroitzen, Sanchez Mazas pasealekuan. M. R / ARP

Arantxa Iraola -

2014ko urriak 21

Falangismoaren sortzaileetako bat izan zen Rafael Sanchez Mazas espainiar idazle eta politikaria (1894-1966), aski esanguratsua; ¡Arriba España! goiburua asmatu zuen, Cara al Sol abestiaren hitzak. Francoren diktadura goresteko ikurrak erretirarazteko eskatzen du Espainiako Memoria Historikoaren Legeak —2007koa da—, baina, hala ere, Bilbo erdialdean orain arte izan da gizon hura oroitarazteko leku izen bat: Rafael Sanchez Mazas pasealekua. Eta justiziak esku hartu behar izan du erretirarazteko; Bilboko Administrazio Auzietarako lehen Epaitegiak epai bat atera du izen hori egokia ez dela esanez, eta hori onetsiz hartu du erabakia udalak. Argudiatua zuen izenari eutsi nahi ziola Sanchez Mazasek kulturarekin izan zuen lotura goratzeko, baina epaiak ez du onartu.

Lau Haizetara Gogoan elkarteak Bilboko Udalak frankismoko ikurren auzian izan duen jarrera gaitzetsiz abiatu zuen auzibide bati erantzun dio epaiak. Diktadurako hainbat ikur zerrendatu zituzten, Sanchez Mazasi eskainitako pasealekuaz gain, eta kentzeko eskatu zuten. Lista horretan sartu zituzten, besteak beste, Derioko hilerrian Francoren aldekoak oroitzeko jarritako leloa, Moiua plazan Ogasun Ministerioak duen eraikineko armarri frankista, eta Bilboko Udaletxean alkate frankistak oroitzeko ipinitako margolanak. Baina soilik Sanchez Mazas pasealekuaren eskaria onetsi du ebazpenak; gainerakoak erretiratu direla dio, edo ez dela udalaren lana kentzea.

EAJ eta PSE-EE elkar hartuta

Alkate frankisten margolanen auziaren mamiari ez dio erantzun epaiak, forma akats baten harira baztertu du eskaria. Auzi polemikoa izan da. Izan ere, kentzeko eskariak egon badira ere, «behin-behinean» baino ez zituzten erretiratu. Iñaki Azkuna alkateak irmo defendatu zuen margolan horiek udaletxean egotea, eta PSE-EEk eta EAJk bat egin zuten horretarako; legea betetzeko, beste areto batean sartuko zituztela esan zuten, eta «testuinguru historikoan» kokatuko dituztela.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Hezkuntza Legearen aurkako manifestazioa, atzo, Bilbon ©Marisol Ramirez / FOKU

Jaurlaritzak esan du irakasleen %33,1ek bat egin dutela hezkuntzako grebarekin

Irati Urdalleta Lete

Atzo greba egin zuten Arabako, Bizkaiko eta Gipuzkoako eskola publikoetan, ELA, LAB eta Steilas sindikatuek deituta. Haien arabera, parte hartzea %60koa izan zen.

Greban dauden errepideetako langileak gaur, Gipuzkoako Batzar Nagusien atarian. / ©BERRIA

EAJ eta PSE-EEk ELAri esan diote Aritzetako isurketen auzia epaitegietan argitu behar dela

Jone Arruabarrena

Gipuzkoako Batzar Nagusietan agerraldia egin du ELAk, eta Eusko Abertzaleak eta Eusko Sozialistak taldeek «akusazio larriak» egitea egotzi diote.

Diagnostikatu gabeko GIB kasuen inguruan ohartarazi dute ECDCk eta OMEk

Diagnostikatu gabeko GIB kasuen inguruan ohartarazi dute ECDCk eta OMEk

Arantxa Iraola

Pandemia aurreko datuen aldean «ugaritze» bat ikusi dutela esan dute, eta testak egiteko bideak erraztu behar direla; eritasunaren nazioarteko egunaren harira mintzatu dira, gaur baita

Euskarazko hedabideak babesteko eta sustatzeko elkartasun jai bat Artziniegan (Araba) ©Juanan Ruiz/ Foku

Euskarazko hedabideak «bereziki babestu» behar direla esan du Eusko Legebiltzarrak

Edurne Begiristain

EAJren eta PSE-EEren ekinbidea onartu du ganberak. EH Bilduk Eusko Jaurlaritzari galdegin dio molda dezala diru laguntzen agindua, eta baldintza berriak ezar ditzala tokiko eta euskarazko hedabideekin batera adostuta.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.