Albistea entzun

LOMCEren ezarpena atzeratzea nahi du orain Nafarroako Gobernuak

Jarrera aldatu du Iribas kontseilariak: DBHko eta Batxilergoko aldaketak irailean ez egiteko eskatu du.

Epeak bete behar direla esan du Madrilek
Iribas Nafarroako kontseilaria, ezkerraldean, atzoko bileran.
Iribas Nafarroako kontseilaria, ezkerraldean, atzoko bileran. BALLESTEROS / EFE

Garikoitz Goikoetxea -

2015eko urtarrilak 15

Bidelagun, Espainiako Hezkuntza Ministerioaren bidelagun aritu da Nafarroako Gobernua orain arte. LOMCE hezkuntza erreforma erabat ezarri du aurten Lehen Hezkuntzan eta Lanbide Heziketan. Izatez, UPN da erreformaren kontra agertu ez diren alderdi bakanetako bat. Orain, ordea, jarrera aldatu du Jose Iribas kontseilariak: Bigarren Hezkuntzako ezarpena atzeratzeko eskatu dio Espainiako Gobernuari. Era horretan, LOMCEren kontra ari diren erkidegoen mezuarekin bat egin du Nafarroak. Madrilek ez du jarrera aldatu, halere: epea nahitaez bete behar dela erantzun du.

Erreformaren egoera aztertzeko bilera egin zuten atzo Hezkuntza Ministerioak eta erkidegoetako arduradunek. Mahai gainean, bi gai nagusi: DBH Derrigorrezko Bigarren Hezkuntzako eta Batxilergoko curriculuma, eta Lehen Hezkuntzan egin beharreko proba orokortua —9 urteko haurrei egingo diete—. Jose Ignacio Wert ministroa bileran izan zen, baina ondorengo agerraldian ez zuen parte hartu —kazetariei izkin egiten ari zaie azken hilabeteetan—.

Iribas kontseilaria ere ez zen aritu hedabideen aurrean, baina Montserrat Gomendio Estatu idazkariak bileraren berri ematean jakinarazi zuenez, Nafarroako Gobernuak LOMCE atzeratzeko eskatu du. Aldaketa handia da hori, orain arte epeak erabat bete baititu UPNren gobernuak. Erkidego batzuen argudioa da Madrilek berandu argitaratu dituela edukiak —orain bi aste—, eta astirik ez dutela irailerako osatzeko. Gomendiok erantzun die Ceuta eta Melillarako egingo duela ministerioak curriculum osoa, eta hori erabil dezaketela erkidegoek.

Jaurlaritza, auzitegietan

Ez du atzerapenik eskatu Jaurlaritzak: LOMCE bera bertan behera uztea galdegin du Cristina Uriarte sailburuak. Auzitegietako bidean jarraitzeko asmoa du Gasteizko gobernuak: DBHko eta Batxilergoko curriculumei helegitea jartzea aztertzen ari da. Uriartek berretsi du elkarlanean ari dela hezkuntzako eragileekin LOMCEren «alderdi negatiboak» saihesteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mutilentzat bakarrik den Erain ikastetxea, artxiboko irudi batean ©Gorka Rubio/ Foku

Eusko Jaurlaritzak finantzaketa etengo die ikasleak sexuaren arabera banatzen dituzten ikastetxeei

Edurne Begiristain

Jokin Bildarratzek esan du «ahalik eta modu adostuenean» egin nahi dutela prozesua, eta ikastetxeekin harremanetan direla. Eusko Jaurlaritzak halako sei ikastetxe ditu itundurik.

Sindikatu Medikoko ordezkariak, atzo, Iruñean egin zuten agerraldian. ©AITOR KARASATORRE / FOKU

Sindikatu Medikoak ezezkoa eman dio Osasunbidearen eskaintzari, eta eskaerak gogortu ditu

Ion Orzaiz

Sindikatu ultrakontserbadorea ez da azaldu Nafarroako Gobernuarekin zuen bilerara, eta esan du biharko greba deialdiari eutsiko diola «eskaintza zoragarri bat jaso ezean»

Araban %70eko jarraipena izaten ari da greba, letradu elkarteen arabera. ©Juanan Ruiz / Foku

Epaitegiak «kolapsatuta», letraduen grebaren ondorioz

Maite Asensio Lozano

Hego Euskal Herriko letraduek astea bete dute gaur greba mugagabean. Soldatak igotzeko eskatu diote Espainiako Justizia Ministerioari.

Galduriko emakumea bilateko operazioan parte hartu duen lagileetako bat. ©SOS Deiak

Hilda topatu dute Loiun galduriko emakumea

Berria

Igandetik ari ziren 78 urteko andrearen bila.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.