Albistea entzun

Hautagaiak aukeratzeko bozketak hasiko dira Podemos Ahal Dugu-n

Nafarroan bihartik astelehenera egingo dute.

Laura Perezek bere taldea aurkeztu du.

EAEn hilaren 27tik 30era izango da bozketa
Laura Perez Nafarroako Podemos Ahal Dugu-ko idazkari nagusia —lehen lerroan ezkerretik laugarrena— eta haren taldea, atzo, Iruñean.
Laura Perez Nafarroako Podemos Ahal Dugu-ko idazkari nagusia —lehen lerroan ezkerretik laugarrena— eta haren taldea, atzo, Iruñean. IÑIGO URIZ / ARP

Erredakzioa -

2015eko martxoak 24 - Donostia

Hego Euskal Herrian Podemos Ahal Dugu-koak maiatzeko hauteskundeetarako primarioetan dira bete-betean. EAEn datorren ostiraletik astelehenera izango dute Arabako, Bizkaiko eta Gipuzkoako foru bozetarako hautagaiak aukeratzeko bozketa, eta Nafarroan parlamenturako hautagai zerrenda bihartik astelehenera hautatuko dute. Bi kasuetan, hilaren 31n jakingo dira zein diren hautagaiak eta zerrendetako ordena.

Laura Perez Nafarroako Podemos Ahal Dugu-ko idazkari nagusiak primarioetako hamazazpi laguneko taldea aurkeztu zuen atzo, Iruñean: hartaz gain dira, Fatima Andreo, Ainhoa Aznarez, Mikel Buil, Fanny Carrillo, Guillen Carroza, Ubaldo Gonzalez, Carlos Couso, Jose Ramon Loayssa, Iñigo Pascual, Bruno Perez, Tere Saez, Lenin Valverde, Ruben Velasco, Eduardo Santos, Noemi Solanas eta Fermin Tarragona. Primarioetarako beste hautagai batzuk ere badira Nafarroan, baina ez taldeetan bilduak. Perezek esan du bere taldearen xedea Nafarroako «aldaketa» sustatzeko «gehiengo soziala» eratzea dela.

EAEko Denok Bat hautagaitzak atzo arratsaldean eman zuen Araba, Bizkai eta Gipuzkoako Batzar Nagusietarako bozetarako osatu duen zerrenda «bateratuko» hautagaien berri, Bilbon. Ana Viñales, Mikel Isasi, Amaia Hernandez, Arantza Beitia eta Juantxo Iturriak eman zituzten azalpenak. 153 laguneko talde bat osatu dute —lurraldeko, 51—, baina hautagaiak hurrenkeran jarri gabe. Parekidetasuna aintzat hartuta, boto gehien dutenek osatuko dituzte hiru foru zerrendak. «Euskadiko egoera ekonomiko, sozial eta politikoak aldaketa eta eraldaketa» behar dituela deritzo.

Erkidego bereko Podemoseko Ekin ildoak argitu du bera ez dagoela Roberto Uriarte idazkari nagusiaren aurka azaldu den taldearen atzean. Babesa eman dio Uriarteri, nahiz eta Ekinek berak primarioetarako beste hautagaitza bat aurkeztu duen; Diego Guerin, Jon Gorrotxategi, Mari Carmen Gomez, Antonio Rodriguez eta Leire Rioja daude.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Jakes Abeberri abokatu, politikari, dantzari eta euskaltzale abertzalea, Miarritzen. ©DANIEL VELEZ

Abertzaleen ibilbidean erreferente

Jone Arruabarrena Ekhi Erremundegi Beloki Iñaki Etxeleku

Jakes Abeberri hil da, 92 urte zituela. Enbata mugimenduaren sortzaileetako bat izan zen, eta izen bereko aldizkariaren zuzendari. Astelehenean omenduko dute, Miarritzeko elizan

Euskal kulturaren «pizkundearen sortzailetzat» jo dute Abeberri

Ainize Madariaga

Euskal Dantzarien Biltzarreko presidente izan zen. Abeberrik dantza profesionalizatzearen alde eginiko lana nabarmendu du Filgi Claveriek

Jakes Abeberri hil da, abertzaletasun mugimenduan erreferentea

Jone Arruabarrena - Ekhi Erremundegi Beloki-Ainize Madariaga

Enbata mugimenduaren sortzaileetako bat eta izen bereko aldizkariaren zuzendari izan zen Abeberri. 92 urterekin zendu da.

Foro Sozialak gonbidatuta, «Memorien elkarrizketa» proiektuan parte hartu duten boluntarioak, Nafarroako Parlamentuan. ©Iñigo Uriz / FOKU

Foro Sozialak 'Memorien elkarrizketa' proiektua aurkeztu du Nafarroako Parlamentuan

Ion Orzaiz

Indarkeriaz gogoeta egin eta «elkarrizketarako espazioak» sortzeko beharra aipatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.