Albistea entzun

Barakaldoko baratze okupatuko inputatuak usurpatzea ukatu du

Ekologistak Martxan-ek 2014an garbitu zuen lursaila, hiri ortuak jartzeko.

Usurpatzea egozteko, jabeak orubetik joateko eskatu behar du

Ibai Maruri Bilbao -

2016ko urtarrilak 12

Ordubete pasatxo igaro zuen atzo Javier Marques Ekologistak Martxan taldeko kideak Barakaldoko 1. Instrukzio Epaitegiko epailearen galderak erantzuten. «Baikor» atera zen. 2014ko udan Barakaldoko (Bizkaia) Lutxana auzoko Serralta inguruan abandonatuta zegoen lursail bat okupatu zuen taldeak, garbitu, txukundu eta hiri baratzeak sortzeko. Marques zen programaren arduraduna, eta hura da auzian ikertuko duten bakarra. Usurpatze delitua egin duen ikertzen ari da epailea. «Jabeek lursaila utzi behar genuela esan ote ziguten galdetu dit, eta nik argi eta garbi erantzun diot ezetz». Hori da usurpatzea egozteko Espainiako Zigor Kodeak jasotzen duen baldintzetako bat. «Identifikazio eske etorri ziren ertzainak baino ez dira handik igaro».

Orubea norena den ere ez du oso argi Marquesek. «Serralta Parkearen Exekuzio Unitatearen Batzordeak salatu omen gaitu, eta jakin dugu batzorde horretan hainbat enpresa eraikitzaile daudela». Besteak beste, Sareb Espainiako bankuen aktibo toxikoak kudeatzeko sortu zen bankua eta Eretza Barakaldoko udal etxebizitza enpresa dira kideetako bi. Orube horretan etxebizitzak eraikitzeko proiektua dago. Marquesek ez daki publikoa, pribatua edo zati bat pribatua eta bestea publikoa den. Proiektua martxan noiz hasiko den ere zehazteke dagoela azaldu du.

Lursaila okupatu aurretik orduko udal gobernuarekin egin zuten berba, hiri ortuen programa azaltzeko. Ingurumen zinegotziarekin bildu zirela gogoratu du Marquesek. Baina ez zuten ez babesik, ez aurkako jarrerarik jaso. «Udalak eman digun erantzun bakarra salaketa hau izan da. Antza denez, aurreko alkatearen [Alfonso Garcia sozialista] ideia izan zen gu salatzea». Iazko hauteskundeetatik sortutako gobernuarekin ere bildu dira. Ortuen proiektua azaldu diete, eta salaketaren berri ere eman diete. «Guk esan arte ez dute jakin udalak sustatuta salaketa ipini digutenik». Hiri baratzeen inguruan ez dute ezer adostu. Baina Ekologistak Martxan-eko kideak prest daude lursailaren jabeekin eta udalarekin behar beste negoziatzeko. «Etxebizitzak eraikitzen hasi arte ortuak lantzen jarraitu nahi dugu. Nahi genuke udalak gehiago sortzen laguntzea».

Erakunde publikoek halako egitasmoekiko duten jarrera salatu du Marquesek. Kontraesana iruditu zaio herri mugimenduek sortzen dituztenean aurkako jarrera agertzea, baina NBEk iaz Milanen (Italia) Hirietako Elikagaien Politikaren Ituna sustatu zuenean Bilbok sinatu eta hiri ortuen sarean sartu izana.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Egoiliar baten eskua, langile batenari helduta. ©BRAIS LORENZO /EFE

«Larriki mugatutako» bizitzak

Maria Ortega Zubiate

Bizkaiko Bioetika Batzordeak txosten bat egin du salatzeko pandemian zahar etxeetako egoiliarren eskubide eta askatasunak ez direla behar bezala errespetatu. Neurriak leundu ditzatela eskatu du

 ©BERRIA

«Epaitegi espezializatuek ez dute bermatzen emakumeek tratu hobea jasotzea»

Maite Asensio Lozano

Espainiako Gobernuaren sexu askatasunerako legeari CGPJk egindako kritiken harira, nabarmendu du arazo askoren konponbidea ez dagoela zigor zuzenbidean.
Suteak eragindako kalteak. ©@112_SOSDeiak

Bi pabiloi erre ditu Azpeitiako suteak

Berria

Sua pintura enpresa batean piztu zen, 22:00ak aldera, eta 4:00etarako kontrolatu dute. Ez da inor zauritu, baina kalte material ugari eragin ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.