Albistea entzun

Hauxe, zure talde kutun berria

Karsiyaka Turkiako taldearen zaleen osagarri ohiko bat ikurrina da. Ez antzeko suzedaneo bat; Aranarena bera. Euroligan ariko da lehen aldiz.
Karsiyakaren aldagelaren atea, 2013ko EuroChallengearen finalean.
Karsiyakaren aldagelaren atea, 2013ko EuroChallengearen finalean. BERRIA

Danel Agirre -

2015eko urriak 15

CAFek duela urte batzuk Turkiako kostaldeko Izmirren tren batzuk muntatu zituenean, izango zen horman harro zintzilikatzeko ikurrina eraman zuen behargin goierritarren bat. Eta harrituko zuen alferrik ari zela egiaztatzeak, hiria egituratzen duen badiaren iparraldean dagoen Karsiyaka auzoko dendetan aise erosi ahal izango baitzuen ikurrina.

Izan ere, kolore berde, gorri eta zuriekin janzten den tokiko kirol klubaren sinboloetako bat da euskal ikurrina. CAFeko trenak baino lehenago Izmirrera iritsitako produktua, gainera.

Volkan Derya Karsiyakako semeak Athleticen aldizkari ofizialari duela urte batzuk azaldu zionez, bera izan zen 80ko hamarkada erdialdean inportazio berezia egin zuena. Bilbora lanera ailegatu bezain pronto maitemindu omen zen ikurrinarekin, bere betiko taldearen hutsunea biziki sentitu eta haren kolore berberak zituelako.

Izmirrera itzuli, eta harmailetako ezagunei Deryari berari bezain egokia iruditu zitzaien osagarri berria. Urteekin, Karsiyakaren merchandising-aren produktu klasiko bilakatu da ikurrina. Euskal Herrian aspaldi erabiltzen dena, marra lodikoteekin, eta klubaren ezkutua gainetik duela.

Azaroaren 8a kolore berde eta gorriko errotuladoreekin markatu dute zaleek agendan. Goztepe dator auzora, Karsiyakaren aurkari intimoena. Europako futbol derbi beroenetakoa da, bi taldeak bigarren mailan izanda ere. Goztepek, noski, gorriz eta horiz janzten du.

Futbolaz gain billarra, bola jokoa, bela eta antzeko sailak ere baditu Karsiyakak, baina saskibaloiak harrotu du aspaldian auzoko giroa. Berrogeita hamar urte daramatza taldeak Turkiako lehen mailan, eta ekainean bigarrenez txapeldun izan zen, bere aurrekontua lauzpabost aldiz biderkatzen zuten Efes Pilsen edo Fenerbahceren aurrean. Suspense aste batzuen ondoren —Pinar babesle leiala edukita ere, diruarekin xelebre samar jokatu ohi du klubak—, Euroligako C multzoan arituko zela baieztatu zen. Kontinentean ikurrina paseatzeak izango ditu bere eragozpenak. Taldeak ezingo du bere Karsiyaka Arena erabili. 5.000 ikusle sartzeko ere txiki samarra den eraikina ezaguna da, zaleak oihuka hasi eta 125 dezibeletik gorako zarata eragin izan dutelako. Handiagoa eta erosoagoa den Halkapinar Arena auzotik urrun samar dago, eta ikusi beharko da han aritzeak harmaila eta bostekoa hozten dituen ala ez. Pibot moduan Colton Iverson ariko da, Laboral Kutxako jokalari ohia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Miguel Artxanko 'Osasuna auziko' epaiketan. ©Jesus Diges/ EFE

Osasunako lehendakari ohi Miguel Artxanko inputatu dute, enbargoa eragozteko dohaintzak egiteagatik

Ainhoa Larretxea Agirre

Artxankorekin batera, haren emaztea eta bi semeak ere inputatu dituzte. 'Osasuna auziko' enbargoei ihes egiteko dohaintzak egitea leporatzen diete. 

Laboral Kutxa Masterreko bikoteak eta antolatzaileak, atzo, Bilboko Euskal Museoan eginiko aurkezpenean. ©M. RAMIREZ / FOKU

Pilota mistoko binakako master laburra jokatuko dute, mistoko eta gozoko luzeen ordez

Julen Etxeberria

Osasun egoerak hala behartuta, pilota mistoko binakako master laburra jokatuko dute mistoko eta gozoko binakako luzea jokatu beharrean

 ©JUANJO MARTN / EFE

Realak berdindu egin du Real Madrilen zelaian, azkenera arte irabazten joan eta gero

Jon Ander De la Hoz

Realak berdindu egin du Real Madrilen zelaian, irabazten joan eta gero. Txuri-urdinek 54. minutuan lortu dute aldea; etxekoek 88. minutuan orekatu dute partida

Zamudio, Euskaltelen egoitza, taldeen aurkezpena. ©Oskar Matxin Edesa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna