Albistea entzun

Udalbiltzak bere jarduna «egokitu» nahi du «errealitate politiko berrira»

Gogoeta prozesu bat hasiko du, hautetsien, herritarren eta eragileen ekarpenak jasotzeko
Loren Arkotxa, Naiara Sampedro, Luis Intxauspe eta Mertxe Aizpurua, Donostian atzo eginiko agerraldian.
Loren Arkotxa, Naiara Sampedro, Luis Intxauspe eta Mertxe Aizpurua, Donostian atzo eginiko agerraldian. JON URBE / ARP Tamaina handiagoan ikusi

Jokin Sagarzazu -

2017ko urtarrilak 25 - Donostia

Ez da «birfundazio» prozesu bat. Ezta bere geroa ezbaian jartzeko eztabaida ere:«Beharrezkoa da oraindik ere». Helburua da azkenaldiko «aldaketa politiko eta instituzionaletara egokitzea» bere antolamendua eta lan ildoak. «Oso gertakari politiko garrantzitsuak jazo dira 1999az geroztik, Udalbiltza sortu zenez geroztik, eta egoerak eskatzen du egungo errealitatera egokitu beharra», azaldu du Luis Intxauspe Hernaniko alkate (Gipuzkoa) eta Udalbiltzako lehendakariak.

Udalbiltza Bagabiltza gogoeta prozesua jarri du martxan erakundeak: apirilean, udal hautetsien iritziak bilduko ditu; maiatzean, herritarrenak; eta ekainean, eragileenak. Bilera irekiak egingo ditu hainbat eskualdetan; edonork parte har dezake saio horietan, eta aukera egongo da Internet bidez ere ekarpenak egiteko. Uztailean, ondorioen txostena osatuko du, eta udazkenean aurkeztuko du.

Azken urteetako gertakariei buruz, Udalbiltzako lehendakariak hauek nabarmendu ditu: Euskal Elkargoaren sorrera, Nafarroako «aldaketa politikoa», legez kanporatzeen aroaren amaiera eta horrek eragin duen «errealitate instituzional berria», eta ETAk bere jardun armatua utzi izana. Uste du egoera horretan «normalizatu» egin daitezkeela Udalbiltzaren eta beste instituzioen arteko harremanak eta, funtsean, erakundearen beraren lana. Bide horretan, azaroan izan ziren Markel Olano Gipuzkoako ahaldun nagusiarekin, eta «laster» bilduko dira Bizkaikoarekin eta Arabakoarekin, eta baita Eudel eta Nafarroako Udalerri eta Kontzejuen Federazioko kideekin ere. Hiriburuetako alkateekin biltzeko eskaerak ere egin ditu Udalbiltzak.

«Beste inork ez du egingo»

Intxauspek gogoratu duenez, 2013an ekin zion berriz Udalbiltzak, legez kanporatzeen prozesu luze bati aurre egin ondoren. Azkenengo urteetan ere jo dute erakunde horren aurka, baina legezkotzat jo dute bai Udalbiltza partzuergoaren jarduna, bai udalek erakunde horri emandako diru laguntzak, Espainiako Gobernuak Euskal Autonomia Erkidegoan zuen ordezkari Carlos Urkijok jarritako salaketen auzietan epaitegiek ebatzi dutenez.

Gaur egun, 62 udalek osatzen dute partzuergoa —horren bitartez kudeatzen du udaletatik jasotzen duen dirua—, eta milatik gora hautetsik babesten dute erakundea; EH Bildukoak eta EH Baikoak bereziki, eta independente batzuk. Intxauspe da lehendakari iazko otsailetik.

Donostiako udaletxean egindako agerraldian, Udalbiltzak aurretik izandako bi lehendakarirekin izan da Intxauspe, Loren Arkotxarekin eta Mertxe Aizpuruarekin —Naiara Sampedro EH Bilduko zinegotziak ere parte hartu du—. Hirurek gogoratu dute «erakunde publiko nazional bakarra»dela Udalbiltza, eta azpimarratu dute haren lana «beharrezkoa» dela «gaur egun ere».

«Udalbiltzak betetzen duen funtzioa ez du beste inork betetzen», adierazi du Intxauspek, eta horren adibideak jarri ditu Aizpuruak: «Udalbiltzak gauza txikiak egiten ditu, baina uzten duen arrastoa sakona da; historikoki bizkar emanda bizi diren herri asko elkarlanean jartzen ditu, eta egituratu egiten du desegituratuta dagoen herri bat». Azken urteetan garatutako proiektuetatik bat azpimarratu du: Pirinioetan Lan eta Bizi programa. Arkotxak, berriz, udal hautetsiek euskal politikan jokatzen dute rola nabarmendu du. «Euskal Herriak bere garai historikoetan beti jo du udal hautetsiengana. Haiek dute herritarren konfiantza zuzena. Herri honen arazoen irtenbide gehienak hautetsien bitartez konpon daitezke; tokian tokitik hel daitezke toki guztietara».

1999an sortu zen Udalbiltza, EAJ, EA eta EHk babestuta. Orduan adostu zituzten bost printzipioak indarrean jarraitzen dutela gogoratu du Arkotxak. Lizarra-Garaziko prozesuaren hausturarekin batera, bitan banatu zen, eta 2003an legez kanporatu zuten ezker abertzaleko hautetsiek osatzen zutena. 2011n absolbitu zituzten auzipetu denak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Milaka lagun elkartu ziren atzo Donostian egindako manifestazioan. ©JON URBE / FOKU

Milaka urrats «etxera bidean»

Maddi Ane Txoperena Iribarren

Euskal presoak Euskal Herrira ekartzea, «bizi osorako» zigorrak etetea eta gradu progresioei bide ematea galdegin dute Donostian. Urtarrilaren 8an berriro kalera ateratzeko deia egin du Sarek
Maria Txibite, PSNren buru gisa berretsi dutenean, Iruñean. ©IÑIGO URIZ / FOKU

Maria Txibite PSNko idazkari nagusi izendatu dute berriro ere

Gotzon Hermosilla

Botoen %97,22 eskuratu ditu alderdiaren XII. batzarrean. Txibiteren ustez, PSN beharrezkoa da «Nafarroak aurrera egiten jarrai dezan»
Kataluniako preso ohi independentistak, Mertxe Aizpurua EH Bilduren Espainiako Kongresuko ordezkariarekin, gaur, Donostian. ©JON URBE / FOKU

Rull: «Espainiak salbuespen politika amaitu behar du»

Iosu Alberdi

Txalo artean hartu dituzte manifestazioan espetxean izan diren Kataluniako buruzagi independentistak. Alderdi eta sindikatuetako ordezkari guztiek eskatu dute salbuespeneko espetxe politikaren amaiera.

 ©JON URBE / FOKU

«ETAko presoei besteei bezalako tratua ematen diegu»

Maddi Ane Txoperena Iribarren

Gizarteratzean sinesten du Morenok, baita hirugarren graduak ematen dituen aukeretan ere. Horren lekuko dira datuak: Martuteneko presoen ia erdiak erregimen irekian daude.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.