Albistea entzun

HABANAKO LEKUKOA

Zazpi milioi

Iñaki Petxarroman -

2016ko abenduak 2

Kubako hedabideetan —denak alderdiaren aldekoak, zeresanik ez— esaten ari dira zazpi milioi lagunek hartuko dutela parte, era batera edo bestera, Fidel Castro komandante iraultzailearen agur ekitaldietan. Datua ulertzeko, kontuan eduki behar da 11 milioi biztanle dituela Kubak. Habanako ekitaldien berri edukitzeko aukera izan duenak badaki jendetza oso handiak esan diola adio Castrori. Nazioarteko agintariek parte hartu zuten mitin politikoan, Iraultza plazan ez zen hutsunerik ia, eta, herenegun, jendetzak agurtu zuen Castroren errautsen karabana, Habanan ez ezik, pasatu zituen gainerako herri eta hirietan ere.

Margaritak turismorako etxe bat dauka Habana zaharrean, eta ñabardura bat egin du egunotako jendetzaren parte hartzearen garrantzia nabarmentzeko: «Hemen, Maiatzaren Lehenean nahitaezkoa da plazara igotzea; bestela, egun horretako soldata kentzen dizute. Lehengo ekitaldian ez zen nahitaezkoa, eta, hala ere, askoz ere jende gehiago zegoen, ekitaldia oso berandu izan arren. Iraultzarekin dituzten iritziak gorabehera, herritarrek Fidel bera agurtu nahi izan dute, herri honen ikur bat delako».

Zeresana ematen ari da, adibidez, hainbat artistak sistemarekin kritiko izan arren Fidel Castroren aldeko mezuak eta doluminak jakinaraztea. Hori da, esate baterako, Ray Fernandez trobadorearen kasua, Facebooken doluminak emateko mezu bat igorri baitu hildako iraultzailearentzat, nahiz eta abesti batzuetan gogor kritikatu duen. Horregatik, deserrian —bereziki Miamin— bizi diren kubatarrek kritika asko egin dizkiote Fernandezi. Halakoak aintzat hartu gabe, zaila litzateke baloratzea egunotan bildu den jende andanaren garrantzia.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Eric Ciotti, Valerie Pecresse eta LRko presidente Christian Jacob, hurrenez hurren. ©CHRISTOPHE PETIT TESSON / EFE

Valerie Pecresse aukeratu dute LRko presidentegai izateko

Arantxa ElizegiEgilegor

Emakumezko presidentegai bat izango du lehen aldiz eskuin tradizionalak. Militanteen botoen %61 eskuratu ditu Ile-de-France eskualdeko hautagaiak primarioetako bigarren itzulian
Auzi-mediku talde bat Irak iparraldeko Baduxko espetxearen ondoan, bertan topatu zuten hobi komuna azertzen, joan den ekainean. ©AMMAR SALIH / EFE

NBEk «inflexio puntu bat» iragarri du Estatu Islamikoa nazioartean epaitzeko

Gorka Berasategi Otamendi

Unitad ikerketa taldeak adierazi duenez, nahikoa zantzu bildu du frogatzeko fundamentalistek gerra krimenak eta gizateriaren kontrakoak egin zituztela

 ©ALBERTO VALDS / EFE

Txileko ofizialismoak jakinarazi du Kasten alde egingo duela 19ko bozetan

Igor Susaeta

Sichelen esanetan, «ezkerreko populismoa garaitzeko» erabiliko du bere botoa. Bi presidentegaiak publikoki hitz egitekoak dira Parisirekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.