Albistea entzun

Bi podium eta hiru bikote lehen hamarren artean, aurtengo Altitoyn

Hirugarren izan dira Pantxo Saint Martin gizonetan eta Leibar-Campos bikotea emakumeetan
Eskiatzaileak, Altitoyko ibilbideko ertzetan aurrera egiten.
Eskiatzaileak, Altitoyko ibilbideko ertzetan aurrera egiten. MAYAYO OXIGENO Tamaina handiagoan ikusi

Unai Ugartemendia -

2017ko otsailak 28

Iragan den asteburuan jokatu zen Pirinioetan, Luz-Saint-Sauveurren (Okzitania), X. Open Altitoy Ternua saria. Aurten ere lasterkariek ezin izan dute Andoni Areizagak bere garaian amesten zuen ibilbidea egin. Grand Courseko egutegitik kanpo jokatu den arren, bertan ikusitako maila handia izan da. Urtero bezala, euskal herritarrak bikain ibili dira, eta protagonista izan dira azken sailkapenetan: gizonetan, Pantxo Saint Martin hirugarren izan da, eta lehen hamar postuetan Euskal Herriko hiru bikote sailkatu dira; emakumeetan, berriz, hirugarren postua lortu du Lide Leibarrek eta Igone Camposek osaturiko bikoteak.

Gizonetan Wilfrid Jumere eta Loic Thevine izan ziren garaileak. Jumerek garaipena lortu zuen duela bi urte, orduan Alain Bellagambarekin. Antoine eta Jean Rodriguez izan ziren bigarren, eta Pantxo Saint Martin senpertarra eta Mickael Sans hirugarren.

Euskal Herriko bikoteen artean Mikel Navarro gipuzkoarrak eta Juanjo Goikoetxea nafarrak osaturiko bikotea izan zen lehena, sailkapen nagusiko zazpigarren postuan. Horien atzetik, Jabi Dominguezek eta Arkaitz Iruretak osatutakoa, bederatzigarren. Eta hamargarren postuan, berriz, Iñigo Lariz eta Igor Alzelai sailkatu ziren.

Emakumeetan, irteeran faborito zirenek irabazi zuten: Lula Martinez eta Ares Izard katalanek. Ez zuten aurkarien itzalik sentitu ere egin asteburu guztian. Bi egunetan, bi garaipen. Bi ibilbideak osatzeko 7 ordu eta 36 minutu behar izan zituzten. Euskal Herriko parte hartzaileen artean Lide Leibar eta Igone Campos gipuzkoarrak izan ziren asteburuko albisterik pozgarriena. Bi egunetan lorturiko denborei esker sailkapen nagusiko hirugarren postua lortu zuten.

Bide gogor eta ikusgarriak

Aurten ere Altitoyk bi ibilbide izan ditu. A ibilbidea, ia 40 kilometrokoa eta 5.000 metroko desnibel positibokoa, bi egunetako ibilbideak aintzat hartuta. 132 bikotek lortu dute amaitzea, tartean emakumeen sei bikotek. Ibilbide luzeei eta malda handiko aldapei aurre egin behar izan diete. Lasterketa herrikoiagoa duen B ibilbidean, berriz, guztira 117 bikotek parte hartu dute. Emakumeetan Agurtza eta Itziar Gurrutxaga ahizpak izan dira garaileak; gizonetan, Gorka Otamendik eta Jon Altubek bigarren postua lortu dute.

Bitxikerien artean, aipagarria da Carlos Soria (78 urte) alpinista espainiar ezagunak Altitoyn parte hartu duela, Carlos Muñoz-Repisorekin (75 urte) bikotea osatuz, B ibilbidean. Soriak, baina, lesio bat izan zuen lehen egunean, eta ibilbidea amaitu ezinik geratu ziren.

Aurtengo atsedenaren ondoren, datorren urtean berriro ere mendiko eskiko Grande Course zirkuituan izango da Altitoy Ternua saria. Berriro ere, beraz, kirol horretako izarrak izango dira irteera puntuan: Kilian Jornet, Damiano Lenzi, Laetitia Roux...

Lehiak bukatuta, gustura zegoen Jaione Rubio antolatzailea: «Lasterketa osoan ez dugu inolako arazorik izan, eta hori oso garrantzitsua izaten da bi egunetako proba hauetan. Orokorrean, jendea oso gustura gelditu da bi ibilbideekin, eta, alde horretatik, hitz onak besterik ez dugu izan».

Orain, Bandres-Karolo

Altitoykoaren ondoren, Antxon Bandresen eta Carlos Imirizaldu Karolo-ren omenez egiten den lasterketa jokatuko da asteburuan Izaban (Nafarroa). Euskal Herriko mendizaleen eta eskiatzaileen artean oso maitatuak ziren biak, eta oso estimatua dute haien oroimenezko proba. Larunbatean kronoigoera jokatuko da, eta igandean, berriz, lasterketa.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Paris 365 futbol taldeko kideak, sanduzelai peñaren aurkako partida hasi baino lehen. ©Idoia Zabaleta / Foku

Futbolaren poeta paristarrak

Edurne Elizondo - Nafarroako Hitza

Iruñeko Paris 365 jantoki sozialaren zenbait erabiltzailek futbol talde bat osatu dute, zelaian eta handik at eragiteko asmoz. Karrika izan dute anitzek etxe, baloia jotzeko oinetakoak jantzi dituzten arte. Kirolak helduleku bat eskaini die aurrera egiteko bidean.

 ©BERRIA

«Emakumeak islamaz baliatzen dira justizia eskuratzeko»

Arantxa Elizegi Egilegor

Granadako Unibertsitateko irakaslearen arabera, Mendebaldeak bere interesak «zuritzeko» baliatzen du «ahotsik gabeko emakume arabiarraren irudia».
Kilian Mbappe, gaur sartu duen bi goletako bat ospatzen. ©Georgi Licovski / EFE

Frantzia eta Ingalaterra, final-laurdenetara

Paulo Ostolaza

Mbapperen bi golekin, Frantzia nagusitasunez gailendu zaio Poloniari (3-1). Ingalaterrak ere aise hartu du mendean Senegal (3-0).

Lionel Messi eta Julian Alvarez, Argentinaren lehen gola ospatzen. Biek sartu zituzten argentinarren golak. ©A. ESTEVEZ / EFE

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...