Albistea entzun

Zalantzak nagusi, zaborra kudeatzeko planari buruz

Sustrai Erakuntza Fundazioak susmoa du Nafarroako Gobernua testu berria osatzen ari dela epaileen balizko kontrako sententzia bat bazter utzi ahal izateko; Nafarroako Justizia Auzitegi Nagusiak baliogabetu zuen aurrekoa.

Edurne Elizondo -

2014ko azaroak 13 - Iruñea

Hondakinen kudeaketa jorratu du Sustrai Erakuntza Fundazioak energia subiranotasunari buruzko bere proposamenean. Gai horrek elkarte horren kezka piztu du, hasieratik. Nafarroako Gobernuak 2010. urtean onartu zuen herrialde horretako hondakinak kudeatzeko plan integrala, baina Nafarroako Justizia Auzitegiak bertan behera utzi zuen, 2013an, Sustrai Erakuntzak berak aurkeztutako helegitearen harira. Epaileen erabaki horren aurka helegitea jarri zuen Nafarroako Gobernuak, eta Espainiako Auzitegi Gorenari dagokio, orain, auzi horri buruz erabakitzea.

Bitartean, urratsak egiten jarraitu du Nafarroako Gobernuak. «Ustez plana moldatzen ari dira; susmoa dugu plan berria osatu nahi dutela, Auzitegi Gorenetik etor daitekeen balizko kontrako epaia bete ezinik utzi ahal izateko», azaldu du Sustrai Erakuntza Fundazioko kide Pablo Lorentek. Informazio zehatzik ez dagoela erantsi du, hala ere.

Prestatzen ari den testuari zuzenketak aurkezteko epea zabaldu zuen gobernuak, joan den urriaren 28an. Hilaren 21ean amaituko da epe hori. «Zuzenketak zeri egin ez dakigu, ordea, ez baita deus agertzen gobernuaren web orrian», nabarmendu du Lorentek. Nafarroako Justizia Auzitegi Nagusiak baliogabetutako testua bertzerik ez da ageri webgunean. Gobernuaren «gardentasunik eza» salatu du Sustrai Erakuntzak.

Bilera kontseilariarekin

Fundazioak argi du gobernuak bere plangintza egina duela jada. «Baina ez dute deus erraten, guri erantzuteko aukerarik ez emateko». Urrian, mankomunitateetako ordezkariekin bilera egin zuen Nafarroako Gobernuko Landa Garapen, Ingurumen eta Toki Administrazio kontseilari Jose Javier Esparzak, hondakinak kudeatzeko plana berrikusteko urratsei buruz, hain zuzen ere.

Ez zuen argitu gobernuak zer asmo duen. Balorizazio energetikoari buruz mintzatu zen bileran, eta Europako hamaika herritan «beldurrik gabe» egiten dutela erran zuen. Esparzak Europako zuzentarauek ezartzen dituzten mugak onartu zituen, hala ere.

Nafarroan, Portlandek Olatzagutian duen fabrika zaborra errausteko erabiltzeko aukera mahai gainean dago. Sustrai Erakuntzak helegitea aurkeztu zuen proiektua udalez gaindiko egitasmo bilakatzeko planaren aurka, baina oraindik ez dago ebazpenik haren inguruan. Parlamentuan ere informaziorik eza agerikoa dela salatu dute hainbat taldek. Mozioa aurkezteko asmoa agertu du Bilduk.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Auto ilara bat, Bilbo inguruan, artxiboko irudi batean. ©ANDONI CANELLADA / FOKU

Munduko batez besteko gas emisioak halako bi isurtzen da Euskal Herrian

Iosu Alberdi

Gaindegiak '2022ko adierazle galeria nagusia' txostena osatu du, lan publikoan eten baten ostean. Datu demografikoak, ekonomikoak, sozialak eta ingurumen arlokoak landu ditu behategiak
Osasun Bidasoa plataformako ordezkariak, atzo, Eusko Legebiltzarrean. ©BERRIA

Osakidetzaren kudeaketa eredua auzitan jarri du oposizioak legebiltzarrean

Edurne Begiristain

Oposizioko talde guztiek kritikatu dute Jaurlaritzaren Osasun Sailaren jarduteko era «bertikala». EAJk eta PSEk elkarrizketa defendatu dute
Euskal Eskola Publikoaz Harro-ren agerraldia, atzo, Bilbon ©MARISOL RAMIREZ / FOKU

Salatu dute matrikulazioa aldatu arren Jaurlaritzak itunpekoa babestuko duela

Irati Urdalleta Lete

Euskal Eskola Publikoaz Harro-k ohartarazi du ikasle kalteberak sareen artean banatzeak haiek estigmatizatzeko arriskua eragiten duela
Azagran emaztea hiltzea egotzi dioten gizona, atzo, epaiketan. ©JESUS DIGES / EFE

Gizon bat epaitzen hasi dira, andrea hiltzen saiatzea egotzita

Berria

Gizonak, emaztea hiltzat jo ondoren, Lizarrara jo zuen, polizia etxera, bikotekidea hil zuela esanez

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...