Albistea entzun

Open Altitoy Ternua 

Eguraldi txarra eta lehia estua

Eguraldi txarrak ezin izan du zapuztu Pirinioetan ospatzen den festa. Aurten, gainera, Grande Courseren barruan jokatu da Open Altitoy Ternua. Gazteen mailan, mutiletan, Iñigo Martinez de Albornoz eta Pablo Oderizek irabazi dute, eta, nesketan, Carla Martinez de Albornoz hirugarren izan da. Helduek postu duinak lortu dituzte.
Kilian Jornet eskiatzaile kataluniarra, Baregesen lehiatzen.
Kilian Jornet eskiatzaile kataluniarra, Baregesen lehiatzen. ALTITOY

Unai Ugartemendia -

2016ko martxoak 1 - Bareges

Lasterketak hasi aurretik itzal egiten die, bai lehiakideei, bai probei berei, izan mendiko eskian, izan mendi lasterketetan. Lehia hasi orduko, protagonista izaten da, eta bere itzala handitzen du. Hala izan da Open Altitoy Ternuan ere, asteburuan, Baregesko eski estazioan (Okzitania). Kilian Jornet mendiko eskiatzaile eta korrikalari kataluniarra da. Ez hura bakarrik, ordea: bikoteka lehiatzen da, eta Jornetek Matheo Jacquemod eskiatzaile frantziarra izan zuen alboan.

Bi egunetan jokatzen den probak ez zuen eguraldia alde izan. Probaren ibilbidean aldaketak egin zituzten antolatzaileek.

Lehia oso estua izan zen bi egunetan. Jornetek eta Jacquemodek aurkari binkainak izan zituzten, italiarrak: Matteo Eydallin eta Damiano Lenzi, batetik, eta Robert Antonioli eta Michele Boscacci, bestetik.

Larunbatean, hiru bikoteak elkarrekin iritsi ziren helmugara, lau segundo eskaseko aldearekin. Eydallin-Lenzi bikoteak irabazi zuen, baina Jornet-Jacquemod bikotea segundo berean sartu zen. Herenegun ezagutu zen irabazlea, beraz. Hasieratik jarri ziren buruan Jornet eta Jacquemod, baina aurkariek haien itzalaren atzetik ibili ziren, metro gutxitara, azken metroetaraino. Helmugara iristeko 100 metro falta zirela, korrika egiteko unean, Jornetek eta Jacquemodek aurrea hartu zuten. Azkenean, bederatzi segundoren aldea besterik ez zieten atera. Bederatzi segundo, bi egunetan, ia lau orduko lehia jokatu eta gero.

Roux eta Mollaret nagusi

Lehen euskal herritarrak Iñigo Lariz eta Igor Alzelai izan ziren, 18. postuan. Horien atzetik, elkarren segidan, Lander Alvarez eta Joseba Tobar 35. postuan eta Arkaitz Irureta eta Javi Dominguez 36.ean. Emaitza bikainak, Grande Courseko proba dela aintzat hartuta.

Emakumeetan faboritoek irabazi zuten: Laetitia Rouxek eta Axel Mollaretek. Bi egunetan irabazi zuten, eta hamargarren izan ziren sailkapen nagusian.

Nahia Quincoces mendexarra zen Euskal Herritik joandakoen artean aukera gehien zuena, baina larunbatean erori egin zen, eta, ondorioz, herenegun parte ez hartzea erabaki zuen. Uxue Fraile eta Lide Leibar zortzigarren izan ziren. Frailek ezin izan zuen iazko garaipena errepikatu.

Gazteen mailan izan ziren albiste pozgarrienak. Iñigo Martinez de Albornoz donostiarraren eta Pablo Oderiz iruindarraren bikoteak irabazi zuen mutiletan. Lehen egunean B ibilbidean aritu baziren ere ?motzagoa eta desnibel positibo gutxiagorekin?, bigarren egunean A ibilbidean lehiatu ziren, helduekin. Bederatzigarren izan ziren.

Carla Martinez de Albornozek ere podiumera igotzeko aukera izan zuen. Chloe Formigue lagun frantziarrarekin hirugarren postuan sailkatu zen donostiarra.

Eguraldiak ez zuen asko lagundu bi egunetan. «Ibilbideak asko baldintzatu gaitu», zioen Carlos Hernando lasterketako zuzendariak. Espero zuten: «Asteazkenean iritsi ginenean bagenekien eguraldia nolakoa izango zen, eta bete-betean asmatu dute».

Balorazio gazi-gozoa egin zuen proba amaitu berritan. «Larunbatarekin nahiko gustura gelditu gara, baina igandearekin ez». Ibilbide gogorragoak nahi zituen antolakuntzak. Hala ere, neurri batean haien etsipena berdindu du lehia estuak.

Datozen urteetan Grande Courseren barruan jarraitzeko aukera handiak dituzte, zirkuituko arduradunek antolatzaileei jakinarazi zietenez: «Oso pozik daude lasterketarekin, eta egiten zuen eguraldia ikusita lasterketa bera egitea ikaragarria izan dela esan digute».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Argazkian irteteko gogo handia dago, eta gauzak egiteko, aldiz, oso txikia»

Julen Etxeberria

Urtetik urtera, handituz doa Zuazok jokalariekin eta entrenatzaileekin duen zorra. Haitok eta Velascok argi dute «kito» esan behar zutela: «Normaltzat jo dugu prekaritatea, eta ezin da onartu».
Sherpa Ai binakako txapelketako finalistak, herenegun, aurkezpean. ©AITZIBER ARZALLUS / UROLA KOSTAKO HITZA

Xerpak, txapelaren bila

Jon Ander De la Hoz

Sherpa Ai binakako aizkolari txapelketa jokatuko dute gaur, Zestoan. Lau bikote ariko dira maila nagusiko finalean, eta hiru promoziokoan
Iker Muniain Iñaki Williamsen bizkar gainera igota, gaueko lehen golaren ospakizunean. ©BIEL ALIÑO / EFE

Mendekua urtebetera hartu dute

Beñat Mujika Telleria

Nagusitasunez lortu du Athleticek garaipena. Laugarren urtez jarraian izango dira Kopako finalerdietan

 ©RAFA GOMEZ / SPRINT CYCLING / SPRINTCYCLING

«Behar nuen aldaketa; gogoa eta ilusioa berreskuratu ditut»

Eñaut Agirrebengoa

Movistarren «urte zailak» bizi ostean, sasoi honetan Kern Pharman ariko da Elosegi. Gora egiten lagundu nahi dio taldeari, ondo arituz «lasterketa guztietan».

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.