Albistea entzun

Indarkeria matxistaren «askotariko formen» aurka egitera deitu dute

Apirilaren 9an protesta nazionala egingo du Euskal Herriko mugimendu feministak Gasteizen
Mugimendu feministako kideak, mobilizazioen berri eman zutenean, atzo, Gasteizen.
Mugimendu feministako kideak, mobilizazioen berri eman zutenean, atzo, Gasteizen. BERRIA

Aitor Biain -

2016ko otsailak 13 - Gasteiz

Indarkeria matxista salatzeko manifestazio nazionalera deitu du Euskal Herriko mugimendu feministak. Apirilaren 9an izango da, Gasteizen, 11 eraso, 12 erantzun. Feministok prest! lelopean. «Kaleak betetzeko gonbidapena egiten dugu; gure aliantzak erakusteko, eta altu eta ozen eraso bakoitzaren aurrean egongo garela esateko prest gaude», adierazi zuen atzo mugimenduko bozeramaile Zuriñe Rodriguezek.

Hain zuzen, mobilizazioak hiru helburu dituela nabarmendu dute antolatzaileek: batetik, eraso matxistak gaitzestea; bestetik, «azkenaldian gertatzen ari den mugimendu feministaren kriminalizazioa» salatzea; azkenik, bortizkeriari buruzko hausnarketa sozial bat sustatzea.

Izan ere, indarkeria matxistaren «forma askotarikoak» eta «konplexutasun guztiak» ulertu eta kontuan hartzea «beharrezkoa» dela uste dute. «Bortizkeria matxistak ez dira kolpeak eta hilketak soilik; kontu estrukturala da, eta sistema batean oinarritzen da», azaldu du Rodriguezek.

Beraz, ildo horiek ere kontuan izan behar dira, mugimendu feministaren arabera, eta modu horretan adieraziko dute mobilizazioan ere. «Arazoaren muinari heltzeko ordua da, konpromisoak hartzeko ordua. Badakigu bere jatorriak zeintzuk diren, eta aurre egiteko prest gaude».

Egitura «agerian utzi»

«Bortizkeria matxista ez da bakarra; gure jendarteak eraikitzen duen egitura sendoa da», adierazi du Rodriguezek. Bada, egitura hori osatzen duten espazio guztiak «agerian» uztearen beharra azpimarratu dute.

Instituzioen jarrera salatu dute manifestazioaren deitzaileek. «Agintariak genero bortizkeriagatik oso arduratuta agertzen diren bitartean, errealitatea bestelakoa da». Izan ere, berdintasun aurrekontuetan murrizketak egin direla gogoratu dute; horrek bortizkeria saihesteko baliabideak koordinatzen dituztenak «gutxiesten» dituela erantsi dute. «Feminizidoa ez da kasualitatea. Gure jendartearen erdigunean dago, generoen instituzionalizazioaren bitartez», adierazi du Eli Etxebarriak.

Era berean, ekonomia kapitalistak emakumeengan eragiten dituen ondorioez ere ohartarazi nahi izan dute; sistema berak bultzatzen baitu bortizkeria, haien hitzetan. Hala, kapitalismoak zerbitzu sozialak «murriztu» eta andreak «prestigiorik gabeko lanak egitera» behartzen ditu, mugimendu feministako kideen arabera.

Gaua ere espazio horietako bat da. «Batzuentzat jaiak ondo pasatzeko espazioak diren bitartean, beste batzuentzat erasoak, bazterkeria eta beldurra sentitzeko espazioak dira», salatu du Bego Karrandik. Izan ere, alkoholaren, gauaren eta jaiaren aitzakian, nabarmen areagotzen dira andreen aurkako erasoak. Hain zuzen, azken egunotan inauterietan izandako eraso matxistak gogoan izan dituzte.

Heteroaraua ere kritikatu dute. Kattalin Minerrek salatu du arau horietatik «ihes» egiten dutenek bortizkeria matxista ere jasaten dutela. Bada, lesbianen, transexualen eta arauz kanpoko funtzionaltasuna dutenen aurkako erasoak ere bortizkeria matxista direla nabarmendu du.

Gauzak horrela, egoerari aurre egiteko «prest» daudela adierazi dute, eta apirilaren 9an Gasteizera joateko deia egin dute. Eguna iritsi bitartean, baina, atxikimendu kanpaina bat abiarazi dutela ere jakinarazi dute.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gotzone Sagardui, Eusko Legebiltzarrean. ©Raul Bogajo / Foku

Donostia aldeko ESIan «pertsonen aldaketa bat» behar zela nabarmendu du Sagarduik

Jon O. Urain

Sailburuak azaldu du zuzendaritza berriak eta Osakidetzako buruzagiek «ikuspegi bera» dutela, eta «gertaera kate baten» ondorioz beharrezkoa zela Donostia aldeko ESIko zuzendaritza aldatzea.

Rebeka Ubera eta Maddalen Iriarte, Eusko Legebiltzarrean, artxiboko irudian ©Raul Bogajo/ Foku

EH Bilduk eta Elkarrekin Podemos-IUk ere azalpenak eskatu dizkiote Sagarduiri

Edurne Begiristain

Elkarrekin Podemos-IUk eta PP+C’s-k agerraldi bat egiteko eskatu diote sailburuari. PP+C's-ek Sagardui kargutik kentzeko eskatu dio lehendakariari.

Donostia ospitalea, artxiboko irudi batean. ©Andoni Canellada / Foku

Osakidetzaren «politika suizida» salatu dute Donostiako ESIko 30 bat zerbitzuburuk

Ion Orzaiz - Paulo Ostolaza

Gutun batean, osasun zerbitzu publikoaren zuzendaritzaren dimisioa eskatu dute, zentzugabeko kudeaketarengatik, eta «sektarismoa eta trakeskeria» leporatu dizkiote.

Agustin Agirre. / ©Goiena Komunikazio Taldea

Agustin Agirre izendatuko dute Donostia aldeko ESIko jarduneko zuzendari

Jon O. Urain

Osakidetzako zuzendaritzak ostiralean kendu zuen kargutik Itziar Perez. Loreto Marquet erizaintzako zuzendariordeak ere dimisioa eman du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.