Albistea entzun

Sanferminak. EZAGUN BAT IKUSI NUEN

Biharko Bill Clintonei segika

Joxerra Senar -

2015eko uztailak 9

Nork daki. Beharbada, XXI. mendeko etorkizuneko AEBetako presidenteren baten paretik igaro gara gaur, eta ez dakigu. Bill Clintonek zortea izan zuen. Sare sozialik eta Internetik gabeko Iruñe batera etorri zen gaztetan. Bestela, nork daki, Monica Lewinskyren afera baino eskandalagarriagoak izan zitezkeen argazkiak izan zitzakeen Alderdi Errepublikanoak saguaren klik eskas bat eginda. Biharko Bill Clintonek zailago izan dezakete.

Onartzen dut zirrara eragiten didala biharko agintaririk boteretsuenetako bat iturri batetik botatzeko prest dagoen basatia izateak. Senide batek esaten duen bezala: «Eta hauek dira munduko lehen potentzia?». Errazkeria horietan erortzeko tentazioa izan ohi dugu sanferminetan Iruñera etortzen diren atzerritar batzuk —dena esan beharra dago— ikusita. Alta, apustuetan asmatzea baino eragiketa zailagoa izan daiteke biharko AEBetako presidenteari, Erreserba Federaleko buruari edo Australiako lehen ministroari antzematea —bide batez, nor da egungo lehen ministroa?—.

Irudimen ariketa bera egiten dut mozorroturen bat ikustean. Behinola Yolanda Barcinak esan zuen gogoko zuela mozorrotu eta ezker abertzaleko erradikalen parean parranda egitea. Barcinak berak asmatutako kondairak paranoia modukoa eragin dezake. Eta zure alboan den hipster ile luzea Mariano Rajoy bada edo Jose Mari Aznar. «Inxidiax» edo azentu mexikarrarekin «estamos trabajando en ello» esan zuten horiei berehala antzemango litzaieke. Horrelako jokoek ezusteak eman ditzakete. Behin, aspaldi, Moskuko taxi gidari gazte bat ezagutu nuen Nabarrerian. Egun hura gogoan, ziur naiz gizon hura Vladimir Putin zela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©GORKA RUBIO / FOKU

«Argazkiak badauka benetakoaren zigilua, eta hitzek ez»

Enekoitz Telleria Sarriegi

Argazkilaritza dokumentalean sinisten du Morelesek: «Informazioa edukitzea kontzientzia edukitzea da, eta horrek ekitera eramaten zaitu». 'Urtzearen aztarna' paratu du Donostian, klima aldaketaz ohartarazteko.

 ©JON URBE / ARGAZKI PRESS

Basogintza eredu berri baterantz

Unai Etxenausia

Ez dago «baso perfektua» sortzeko errezeta magikorik, aldakorra baita Euskal Herriko paisaia. Errez kooperatibako kideak eredu berri bat ari dira lantzen eta proposatzen: baso bakoitzak espezie autoktonoak eta genetika ezberdinekoak izan behar dituela diote, «baso irregularrak» bihur daitezen.
Kotoi markak Irizarren autobusetako ehuna erabiliz sortutako jantziak. ©GORKA RUBIO/ FOKU

Moda egiteko beste modu bat

Amaia Jimenez Larrea

'Ekomoda' erakusketa jarri dute Ezkioko Igartubeiti baserri-museoan, maiatz hasierara arte. Autobusetan erabili gabeko ehunekin egindako jantziak daude ikusgai.
Naizen elkartearen aurkezpen eguneko argazkia, Donostiako Antzoki Zaharrean. ©GORKA RUBIO / FOKU

Naizendarren festa

Ane Insausti Barandiaran

Naizen elkarteak Bigarren Hezkuntzarako sortutako ikus-entzunezkoak eta kamiseta berriaren diseinua aurkeztuko ditu gaur, urteroko festan

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...