Sanferminak. EZAGUN BAT IKUSI NUEN

Esperpentoa kentzen badigute, zer?

2015eko uztailak 10

Atzo, arratsaldeko hondar orduetan, Faemino eta Cansado ikusi nituen Jarautako tabernazulo ilun batean. Barran bermatuak zeuden biak ala biak, koñak kopa eskuan, lurrari so. Isil-isilik zeuden. Kopetilun.

«Gureak egin du», esan zuen Faeminok, hasperenka. Cansadok, berriz, buruarekin baiezko keinua egin, eta aurpegia esku artean ezkutatu zuen. Jakin-minak jota, haien arranguraren arrazoiez galdetu nien azkenik. «Ez al dituzu Roberto Jimenezen adierazpenak entzun?», itaundu zidan Faeminok, sakelakoa patrikatik atereaz. Grabazio bat erreproduzitzen hasi zen. PSNko buruzagi ohiaren ahotsa zen: «Ni ezkertiarra naiz, baina, batez ere, essssspañola!»; «alkate eta zinegotzi abertzaleak soldata jaisteko prest daude, lehendik ere lau pezeta kobratzen zituztelako»; «parlamentua gaztetxe bat da orain»...

Orduantxe ulertu nuen. Umoristek jai dute konpetentzia honekin, esperpentoa inork baino hobe irudikatzen baitu Jimenezek. «Eta esperpentoa kentzen badigute, zer eginen dugu guk?», galdetu zidan Cansadok. Erantzunaren bila nabil oraindik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut