Sanferminak. EZAGUN BAT IKUSI NUEN

Festetako kronika ezinezkoak

2015eko uztailak 7

Ernest Hemingwayk Fiesta idatzi zuenetik, askotariko pertsona ospetsuen topaleku bihurtu dira sanferminak: Orson Welles, Ava Gardner, Charlton Heston, Spike Lee, Arthur Miller... Bill Clinton bera ere izan zen hiri buruzagian 1980ko hamarkadan, artean aknedun kakamutiko bat besterik ez zela, eta urte hartan Nabarreriako iturritik behera salto egiten ikusi zuela zin egiten duenik ere bada.

Baina harrobia agortzen ari zaigu, azken urteotako famosoen eskasia dela eta. Horregatik, gaurtik aitzinera, pasadizo mamitsuak bilduko ditugu zutabe honetantxe. Kronika asmatuak izanen dira, noski, baina ez al da hori, finean, sanferminzale peto-petoek egiten dutena? Bada, lehen kronika ezinezkoa, hauxe:

Giannis Varufakis ikusi genuen kuadrillakook txupinazoan. Udaletxean ibili zen, Aranzadikoek gonbidatuta haren omenez zintzilikatu zuten Greziako bandera. Telefonoz ari zen, eta zera aditu genion: «Bai, Alexis? Aizu, ez nizun ezer komentatu, baina Iruñean nago, oporretan. Eta pentsatu dut ez naizela itzuliko. Mahai gainean utzi dizut dimisioa, sina dezazun».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut