Noiz sortua: 2015-12-01 00:30:00

BEGIZ

Errespetua eta hitza

Haizea Barcenilla -

2015eko abenduak 1
Ikasle batek proposatuta, Abel Azkonaren Pederastia lanari buruz hitz egin genuen aurreko astean klasean. Komunikabideetan izandako oihartzunaren ondoren, gehienek zuten polemikaren berri. Arte garaikidean jakitunak izan gabe —taldeko gehienak Historia eta Geografiako graduetakoak dira, eta Artearen Historiako gutxik ezagutzen dute egungo artea ondo—, iritzi interesgarriak emateko ahalmena erakutsi zuten.

Errespetuaren ideia izan zen agertzen lehenetakoa. Alde batetik, Azkonak ostiak «bahitzean» ospakizun erlijiosoan parte hartzen zutenekiko errespetua urratu ote zuen galdetzen zuten batzuek. Baina beste batzuek galdetu zuten ea ez den elizaren instituzioa bera, pederastia ezkutatuz eta ez jazarriz, sinesleak bertan behera uzten dituena. Baten batek opa zuen halako ekintzek sinesleen pasibotasuna uxatu eta elizari pederastiaren kontrako ekimen zorrotzagoak eskatzeko balio izatea. Hunkigarria izan zen ikasle batek sineslea dela aitortu zuenean, ordura arte besteek izaki abstraktu gisa aipatzen zutena gorpuztuz, eta, ostiak horrela erabilita ikustea gogorra egiten zitzaion arren, mezua beharrezkoa zela adierazi eta horren alde ezarri zenean.

Errespetua, hala ere, ez zen artelanaren prozesua eta mezuarekin lotu soilik: erabatekoa izan zen artelana erakusketatik kentzeko aukeraren gaitzespena. Guztiak ados ziren lana probokatzailea bada ere beharrezkoa den gai bat aurkezten duela, eta ezin dela horren gaineko zentsurarik onetsi. Ikasle batek ondo laburbildu zuen kontua iritzi aniztasuna aldarrikatzean. Gizarte plural batean bizi izanda, ikuspegi ezberdinak ditugu, baina horrek ez digu besteen iritzia baztertzeko eskubiderik ematen. Are gutxiago, pederastiaren mailako gai onartezin baten kasuan. Niri Azkonaren lana zenbaitetan bortitza iruditzen zait, baina, dudarik gabe, badu bere lekua gizartean. Izan ere, pozten nau arteak erreakzioa pizteko indarra duenean, eta nire ikasleen artean eztabaida sutsu baina errespetuz betea sortzeko gai denean. Horrengatik jada, zure alde, Abel Azkona.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 5ean eguneratua, 14:00etan. ©

Koronabirusaren azken datuak

Berria

Euskal Herrian 11.701 gaixok eman dute positibo koronabirusaren proba eginda. 693 hil dira. COVID-19 gaitza izandako 3.709 pertsonari eman diete alta. Grafikoak, albiste barruan.

Iñigo Urkullu lehendakaria, bideokonferentzia batean. ©Irekia

Iñigo Urkulluk «normaltasunera bueltatzeko plan bat» eskatu du

Berria

Eusko Jaurlaritzako lehendakariak babesa adierazi dio Pedro Sanchez Espainiako Gobernuko presidenteak alarma egoera apirilaren 26ra arte luzatzeko egindako eskaerari. Ekonomiaren jarduera etetean «malgutasunez» jokatu izana eskertu dio.

Nafarroako erietxeko langileak, txalo jotzen, iragan asteazkenean. ©Idoia Zabaleta / Foku

Sanchez aztertzen ari da sintomarik gabeko gaixoak kiroldegietan bakartzea

Berria

Pedro Sanchezek bilera bat egin du autonomia erkidegoetako presidenteekin, eta azpiegituren zerrenda bat eskatu die hilaren 10erako, atzemandako kasu positibo asintomatikoak kokatzeko. Adierazi die milioi bat test banatuko dituela «detekzio goiztiarrerako».

Arnaldo Otegi EH Bilduko koordinatzaile nagusia, artxiboko argazki batean. ©Andoni Canellada / Foku

Otegirentzat, Moncloako Itun berriek «eskubide sozialak eta ekonomikoak urratzea» eragingo lukete

Berria

EH Bilduk astelehenean erabakiko du alarma egoera luzatzeari buruzko jarrera. Dena dela, orain artekoarekin «koherentea» izango dela esan du Arnaldo Otegik. Aurreko aldietan abstentziora jo dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna