Albistea entzun
Emakumeen aurkako indarkeriari ez
Emakumeen aurkako indarkeriari ez

'GOOD BYE', FERMIN

Hemen ez da ezer gertatu

Bukatu dira sanferminak, baina ez da apokalipsirik izan. Honezkero frankistak ahantzi egin du ikurrina jarri zutenik ere. Uztailaren 15eko Iruñea ia hutsik topatu du.
Iruñeko kaleak hutsik geratzen dira uztailaren 15ean, eta taberna gehienak itxita egoten dira goizez.
Iruñeko kaleak hutsik geratzen dira uztailaren 15ean, eta taberna gehienak itxita egoten dira goizez. IÑIGO URIZ / ARGAZKI PRESS

Iker Tubia -

2015eko uztailak 15 - Iruñe apokaliptikoa

Begiak ireki, eta eskua zuzenean eraman dut aurpegira, eguzki izpietatik babesteko. Bat-batean etorri da buruko mina. Gora begiratu, eta ezkerrera Gazteluko plazako kioskoa ikus dezaket. Onena hemendik alde egitea izanen da. Hiru arte kontatu, eta altxatzeko saialdi egin dut. Ezin dut. Alderik alde begiratu, eta konturatu naiz zerbaitek lotzen nauela etzanda nagoen bankuari. Gerrikoa. Eskuak atzera bota ditut, baina ezin dut justu nire azpian dagoen korapiloa askatu. Hamabost minutuz zain egon naiz, libratuko ninduen norbait igaro arte.

Halakoak gertatzen dira sanferminetan. Banku batean lokartzea arriskutsua izan daiteke. Lortu dut zutik geratzea. Lurrean dago kaskoa, eta barnean, La Resistencia fanzine ultraeskuindarraren bigarren zenbakia. Kaleko salmentan ibiltzen direnei nola, erosiko nion Gazteluko plazako zuloren batean aurkitutako adiskideren bati. Twitterrez mintzo da fanzinea, eta nola txiolari batzuek abertzale eta gorriak jazartzeari ekin dioten.

Tira, ez nago irakurtzeko gogoz, eta sabelean zuloa antzeman dut, beraz, jateko zerbait bilatuko dut. Arraroa da, ez da musikarik aditzen inondik inora. Aurrera egiteko, nire zapatila orain belztuetan baizik ez dut paratu soa. Ezkerrera begiratu, eta ez da inor. Eskuinera; deus ez. Idortutako belar birakari bat baizik ez da igaro. Tabernak itxita daude. Gazteluko plaza basamortua da, bero goria, eta oasia kioskoaren iturrietan. Hurbildu, eta burua sartu dut, ura gardena ez izan arren.

Espoz y Mina kalera abiatu naiz. Kalean dabiltzan gutxi horiek garbi-garbi doaz, goitik behera, atorra lisaturik eta zapatak distiratsu. Halako batean, aspaldiko adiskide bat aurkitu dut parez pare, baina begirada ukatu dit. Erakusleiho baten aurrean gelditu naiz, eta goitik behera eman diot begiratua neure buruari. Ni naiz zuriz —edo— jantzita doan bakarra. EH Bilduren apokalipsia ez dakit, baina sanferminek hiria isilarazi dutela dirudi.

Batzuek gaizki begiratzen dute, begi bazterrez. Beste batzuek haien artean komentatu dute nire piura. Zinikoa behar da. Atzo zuriz jantzita ziren horiek. Batek daki, agian uztailaren 7an zuhaitz batean gora ibili zen hura, edo kale kantoi batean lotan bestea. Liburu bat balitz, Eta hemen ez da ezer gertatu dei geniezaioke gaur Iruñean gertatzen ari denari.

Danba! Suziri bat aditu da. Agian ez dira sanferminak bukatu? Espoz y Mina zeharkalean behera zarata handituz doa. Badator, geroz eta gertuago daude oihu eta algarak. Entzierroa? Estafetan gora datoz, zuriz jantzita, zapia lepoan, lasterka. Batzuek txanoak daramatzate, beste batzuek plastikozko lorez osatutako lepokoak. Gazte batek pistola bat atera du. Baina ez ditu balak botatzen, xaboi burbuilak baizik.

Ez dakit zerengandik egiten duten ihes, baina korrika hasi naiz ni ere. Jendetzaren artean, txirrindulari bat dago. Hemen dira San Fermini sorbaldan eusten dioten gizonak ere. Haiek pasatuta, begiak igurtzi ditut eskuekin. Bai, bera da, Txarlie tximinoa, Taconeran hainbeste barrabaskeria egiten zituen animalia hura. Hau bai oasia, Iruñea idorrean.

Zezen plazara ailegatu, eta denak hasi dira kantuan. Eskuak altxatu dituzte, eskumuturrak alderik alde mugituz, eta hasi dira Eurovisionen doinua lololo kantatzen. Eta gero dianak, denak. Pamplonesa ere ez dute behar.

Leku arriskutsuak

Aldendu naiz harrabotsetik. Oinak lehertzear ditut, eta hankek dar-dar egiten didate. Conde de Rodeznoko 1.era sartu aurretik, egunkari bat erosi dut, baita txurroak ere. Amatxi lo dago, bunkerreko ohatzean. Ez da deusez konturatu. Eta ni? Egia esateko, kasik ahantzi dut ere ikurrina paratu zutenik. Eta gainerakoan? Berbena Gurutzeko plazan, mezak eta prozesioak, erraldoiak eta zezenak. Ez dirudi apokalipsia heldu denik.

Enrique Maia alkate ohiak gogorarazi du euskal ikurra, badaezpada ere. Hiru «gertaera negatibo» aipatu ditu: Argan hildako gaztea, sexu erasoa eta ikurrina. Hori ere, iruindar zintzo eta onentzat, beste gertaerak bezain negatiboa baita. Eraso bat izan da.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Herritar ugarik produktuz beteriko poltsak utzi dizkiete Elikagai Bankuko boluntarioei. ©JAIZKI FONTANEDA / FOKU

Elkartasunez bete dira orgak

Aitor Biain

Hego Euskal Herriko Elikagai Bankuek bilketa nagusia egin dute, urtero bezala. Ehunka tona elikagai eta oinarrizko produktu bildu dituzte dendetan eta supermerkatuetan.
 ©Gorka Rubio / FOKU

«Arima pixka bat falta da orain, bai unibertsitatean eta bai hedabideetan»

Unai Zubeldia - Gipuzkoako Hitza

Bokazioz irakaslea dela aitortu du Joxerra Garziak, baina lan asko egindakoa da bai bertsolaritzan eta bai komunikabideetan. Erretiroa hartuta ere, ikastaroak eman eta eman ari da oraindik.

 ©IÑIGO URIZ / FOKU

«Trantsizioa egitea, nola esan... zoriontasun eztanda bat da»

Iker Tubia

Gorputza estaltzen duten babesetan gordetzen da Gomez izotz hockeyan aritzeko. Ia bizi osoan gorde behar izan du emakume zela, baina orain ez du ezkutatzen. Partida hor dago oraindik.
Gazte Euskaltzaleen Sarekoek protesta egin zuten EITBren Bilboko egoitza aurrean, azaroaren 16an. ©KLAK

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...