Albistea entzun

ATZEKOZ AURRERA. Marcelo Katz. Aktorea eta 'clown'-a

«Norberak barruan eraman behar du sudur gorria»

Interpretaziorik gabe bizitzak ez luke zentzurik Marcelo Katzentzat. Hogei urtetik gora darama horretan. Bizi egiten du lanbidea, eta pasio hori bere ikasleei eta ikusleei kutsatzen saiatzen da.
MONIKA DEL VALLE / ARGAZKI PRESS

Nagore Etxeberria -

2015eko urriak 1 - Donostia

Clown-a, aktorea, Argentinako zirku berriaren sortzailea eta zuzendaria, clown irakaslea, dantzaria... eta bidaiaria da Marcelo Katz (Buenos Aires, Argentina, 1965). Itsasoa zeharkatzen duen aldiro, hilabeteko egonaldiak egiten ditu, ikastaroak eman, obrak zuzendu edota proiektu berrietan sartzeko. Egun hauetan Durangon da (Bizkaia), maskara eta clown ikastaroak ematen, San Agustin kultur gunean.

«Hamalau ofizio, hamabost miseria», dio esaerak.

Bai, bai, hala da, lanbide hau ez baita erraza bizia aurrera ateratzeko. Gazte nintzela, antzezteari, zuzentzeari eta irakasteari gustua hartu nion. Gauza batekin eta bestearekin bizitzeko lain ateratzen hasi nintzen. Egun, hiruretan aritzen naiz.

Aberats sentitzen zara, beraz?

Aberatsa, lagunen aldetik, sentimenduen aldetik... Aberatsa, gustuko dudana eta nahi dudana egiten dudalako. Barru-barrura iristen zaidan lanbidea eta jarduera da interpretazioa. Hunkitu, gogoberotu egiten nau jendearekin lan egiteak. Helburuak lortuta klasetik irtetean, beteta, gustura irteten naiz; sartu naizenean baino metro bat gehiago dudala sentitzen dut. Lanbide hau ez da aberasteko, baina ni aberats sentitzen naiz.

Ez da aberasteko lanbidea, baina hogei urtetik gora daramazu honetan. Zer eskaintzen dizu, bada?

Aktore eta clown modura oso ongi pasatzen dut. Publikoarekin harremanetan jartzeko eta jolasteko modu egokia dela deritzot, eta hori asko gustatzen zait. Zuk zure materiala eramaten duzu, baina gero publikoak nola erantzuten duen ikusi behar da, eta horren arabera moldatu. Emanaldia nola joango den eta nolako ikuskizuna irtengo den ez jakite hori da hunkitzen nauena. Publikoari barre eginaraztea ere zirraragarria da. Hori da, azken batean, clown-aren egitekoa: gauza oso sinpleekin jendeari barre eginaraztea, jendeari hunkiaraztea.

Ikastaroan helduei jolasten irakatsi diezula azaltzen da. Ez al dakite, bada, jolasten?

Jolasten irakatsi baino jolasteko plazera berreskuratzen laguntzen diet ikasleei. Ia heldu guztiak jolastu izan baitira inoiz, baina jolasteko gozamen hori galduz joaten da. Jolasteko plazera berreskuratzea da nire lanaren zati handi bat. Gero, material eszeniko interesgarri bihurtu behar da plazer hori.

Ez omen da esperientziarik behar antzezteko. Edonork jantz dezake, beraz, sudur gorria?

Edonork jantz dezake, bai. Ez dago mugarik ez adin aldetik, ez fisikoaren aldetik, ez esperientziaren aldetik... Behar den gauza bakarra da ongi pasatzeko gogoa, publikoarekin komunikatzeko plazera eta emozionatzeko asmoa. Gainerakoa, landu egin behar da, beste lanbide guztiak bezala. Denbora eskatzen duen lanbidea da clown-arena; sei urte baino gutxiagoan clown bihurtzea oso zaila da.

Eta baikorra izatea derrigorrezkoa da?

Ez, ez da ezinbestekoa. Nork bere burua onartzea eta horrekin lan egiten eta dibertitzen jakitea da ezinbestekoa. Hori da, azken batean, clown baten egitekoa. Inor ezkorra bada, ezkortasun hori onartu eta horrekin jolasten jakitea da gakoa. Clown ezkor bat ere oso dibertigarria izan daiteke.

Eta zu baikorra zara?

Bai, nahiko baikorra, amorratua eta maitekorra naiz nire gertuko munduarekin, nire jendearekin, nire lanbidearekin, nire proiektuekin... Munduarekin, baina, ez naiz hain baikorra. Egunetik egunera gero eta gehiago harritzen naute munduan gertatzen diren gauza askok.

Beti eramaten duzu sudur gorria aldean?

Bai, beti. Ikasleei ere horixe esaten diet beti: norberak barruan eraman behar du sudur gorria, eta gogoa duen aldiro atera.

Beti zaude irribarrez? Bada irribarrea ezabatzen dizun ezer?

Taula gainean zein agertokitik kanpo barre egitea asko gustatzen zait, eta ongi pasatzen dut. Irakasle bezala barre asko egiten dut, esaterako, baina egunerokoan ez naiz beti barrezka ari. Dena den, ahalegintzen naiz ongi pasatzen, gauzak ahalik eta modu baikorrenean hartzen eta irri egiten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Nagore Legarreta

«Sagardoaren prezioa igotzea erabaki behar izan du sektoreak»

Miren Garate - Gipuzkoako Hitza

Mitxelenak esan du sagardotegi garai "berezia" datorrela aurten; izan ere, lehen asteetan, behintzat, ezingo da zutik kontsumitu. Mahaira ekarriko dute sagardoa, pitxerretan edo botila gardenetan, iaz bezala.

Bizikleta zuri bat jarri dute istripua gertatu zen toki berean. ©URTZI URKIZU

Behar ez zuen ezbeharra

Urtzi Urkizu

Mila txirrindularik baino gehiagok Jon Rodriguez omendu dute: aurreko asteburuan hil zen, errepidean. Bizikleta zuri bat jarri dute istripua izan zen tokian, Gaintxurizketan, Irunen.

1 ©GORKA RUBIO / ARGAZKI PRESS

«Arrano Etxearen historia amaitu egin da»

Enekoitz Telleria Sarriegi

«Bizi proiektu bat» animalien zaintzari emana. Horixe da Albisu eta Garcia senar-emazteek Igeldoko euren etxean sortu eta jorratu dutena: teilatupea eta babesa. Aitortza nahikorik gabeko boluntario lana.
<em>Sin huellas</em> telesailaren grabaketak. Hori izango da euskarara bikoiztu edo azpidatziko duten lanetako bat. ©AMAZON PRIME

Espainiako Amazonek fikzio berriak euskaratuko ditu

Urtzi Urkizu

Ordainpeko plataformak iragarri du lan berriek euskarazko, katalanezko eta galegozko bikoizketak edo azpidatziak izango dituztela

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Nagore Etxeberria

Informazio osagarria