Noiz sortua: 2017-06-01 00:30:00

Euskara, generoa, jatorria eta klasea aztertuko dituzte UEUko ikastaroen barruan

Udako Euskal Unibertsitateak, Jakinek eta Usurbilgo Udalak antolatu dituzte jardunaldiak, eta uztailaren 13an eta 14an izango dira
JUAN CARLOS RUIZ / ARGAZKI PRESS Tamaina handiagoan ikusi

Mikel Lizarralde -

2017ko ekainak 1
«Nola kudeatuko dugu kultur aniztasuna, euskararen normalizazioan eten bat izan gabe eta, areago, euskararen normalizazioa bultzatuz?». Besteak beste, galdera horri erantzun bat emateko asmoarekin antolatu dute Udako Euskal Unibertsitateak, Jakinek eta Usurbilgo Udalak Euskara, generoa, jatorria eta klasea gurutzatzen diren lekua topaketak. Uztailaren 13 eta 14an egingo dira jardunaldiak, Usurbilgo (Gipuzkoa) Artzabal baserrian, eta, bi egunez izango diren hitzaldiez gain, kultur programazio bat ere antolatu dute herrian.

Izenburuak dioen moduan, bidegurutzean jarriko dute arreta jardunaldiek. Feminismo intersekzionalaren praktikatik tiraka, menderatuak edo ez-hegemonikoak diren sektoreak elkarrekin jarriko dituzte. «Menderakuntza mota horiek denak gurutzatu egiten dira. Batzuetan ez pertsona batean, baina beste batzuetan bai. Pertsona bat izan liteke emakumea, izan liteke etorkina, etor liteke hizkuntza gutxitu batekin, eta etor liteke egoera prekario batetik. Baina izan litezke beste konbinazio batzuk ere», azaldu du Lorea Agirre Jakineko zuzendariak. Gurutzaketa horiek guztiak aztertu nahi dituzte, «burujabetza edo ahalduntzea» elkarrekin egitea proposatzen duelako feminismo intersekzionalak: «Hizkuntza normalizazioa pasatuko da feminismotik; feminismoa pasatuko da hizkuntzatik...».

Bi egunetan egingo dira jardunaldiak. Lehenengoa «akademikoa» izango da, nahiz eta horri ñabardura bat ere jarri Agirrek: «Akademiaren izenean datozen horiek asko hitz egingo dute bizipenetatik». Lehenengo egunean ariko dira Mari Luz Esteban antropologoa, Ignazio Aiestaran filosofoa, Maria Reimondez idazle galiziarra eta Itziar Gandarias psikologo soziala. Bigarren egunean, berriz, «bizi-ibilbideei» erreparatuko diete Amelia Barquin kulturartekotasunean adituak, Tarana Karim SOS Arrazakeriako kideak, Petra Elser Banaiz Bagara elkarteko zuzendariak, Jessica Chalampuente Ecuador Etxeko kideak eta Aminata Diop Seck Amher elkarteko kideak. Guztiek hitz egingo dute, eta, ondoren, haien artean mintzatuko dira, norbere bizipenez eta norbere hizkuntzarekin.

Usurbilgo Udalarekin hiru urterako lankidetza hitzarmena sinatu dute Jakinek eta UEUk, eta, horrenbestez, Jakin Jardunaldiak antolatuko dituzte udako ikastaroen barruan hiru urte horietan.

Albiste gehiago

Martxoaren 29an eguneratua, 14:00etan. ©BERRIA

Koronabirusaren azken datuak

Berria

Euskal Herrian 7.773 gaixok eman dute positibo koronabirusaren proba eginda, administrazioen arabera. 350 hil dira. COVID-19 gaitza izandako 1.528 pertsonari eman diete alta. Grafikoak, albiste barruan.

Urkullu, atxiboko irudi batean. ©Juanan Ruiz / Foku

Madrilek entzungor egin dio Urkulluren eskaerari

Berria

Eusko Jaurlaritzako lehendakariak gutun bat bidali zion atzo Pedro Sanchez Espainiako presidenteari, eta eskatu zion autonomia erkidego bakoitzak erabaki ahal izatea zeintzuk diren jarduera kritikorako lagungarriak eta beharrezkoak diren jarduerak eta enpresak. Maria Jesus Montero eledunak erantzun dio Madrilek ezin dituela "desberdintasunik egin" erkidego autonomoen arabera.

Mapa: koronabirusaren zabalpena herriz herri

Mapa interaktiboak: koronabirusaren zabalpena herriz herri

Berria

Koronabirusak Hego Euskal Herrian zer nolako zabalpena duen ikus liteke administrazioek emandako datuekin BERRIAk sortu duen mapa honetan. COVID-19aren bilakaera grafikoetan.

Arnaldo Oregi, artxiboko irudi batean. ©Jon Urbe / Foku

Madrilen neurriak "berandu" heldu direla esan du Arnaldo Otegik

Edu Lartzanguren

Alderdi, sindikatu eta enpresaburuen mahai bat eskatu du, krisitik ateratzeko estrategia bat eratzeko, eta langileek ez ditzaten kalteak ordaindu

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Mikel Lizarralde

Informazio osagarria

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna