Albistea entzun

Eloy Alvarez Pelegry. Orkestrako Energia Katedrako burua

«Energia alternatiboak ohiko erregaiekin biziko dira, eta guztiak hobetu»

Bidaiari garraioan bestelako energiak erabiltzea gomendatu du txosten batean Orkestrak, ohiko erregaiek eragiten duten kontsumoa eta igorpenak murrizteko. Nabarmen barneratu nahi dituzte merkatuan.
- / Tamaina handiagoan ikusi

Zuberoa Iturburu Lopez-Pantoja -

2017ko maiatzak 30 - Bilbo

Deustuko Unibertsitateko Orkestra Lehiakortasunerako Euskal Institutuko Energia Katedrak txosten bat osatu du Arabako, Bizkaiko eta Gipuzkoako bidaiarien garraioa aztertuta. Izenburu hau du: Bidaiarien garraiorako energia alternatiboak. Eloy Alvarez Pelegry ingeniari eta ekonomialaria da Energia Katedraren zuzendaria, eta txostenaren gako nagusiak azaldu ditu.

Txostenak dio garraioa eraldatzea oinarrizkoa dela, zergatik?

Bi arrazoi nagusi daude. Batetik, ibilgailuen igorpen kutsakorrak murriztea tokiko esparruan; bestetik, ekarpena egitea berotegi efektuko gasen igorpenak murrizteko. Lehenak eragin handiagoa dauka gure inguruan, eta bigarrenaren eragina, berriz, orokorragoa da.

Zure iritziz, badago nahikoa petrolio garraioa hornitzeko, baina txostenak aipatzen du hura erabiltzeari uko eginez joan behar dela. Beraz, zergatik?

Gure ikerketan, argi geratu da petroliotik eratorritako gaiek betekizun garrantzitsua izango dutela garraioan aurrerantzean ere, eta teknologia eta energia desberdinak aldi berean erabiliko direla. Energia alternatibo batzuek dauzkaten ingurumen eta diru abantailak direla eta, mota horretako ibilgailuek progresiboki indarra hartuko dute —elektrizitatea, GLP edota gas natural konprimatua—. Ibilgailu horien kopurua %1 azpikoa da, eta, beraz, ezin dezakegu itxaropenik sor eraldatzea gauetik goizera gertatuko dela; ezin dezakegu esan egungo energiak desagertuko direnik. Pentsatu behar dugu ohiko energiek, gasolioak eta gasolinak, asko murriztu dituztela CO2 eta NOX igorpenak erregulazio hobekuntzei esker, eta hobetzen jarraituko dutela. Beraz, merkatuan jarraituko dute.

Zein da erronka nagusia?

Ikuspegi orekatu batekin, energia alternatiboak gehituz joatea ahalbidetuko duen plana indartzea. Ikerketaren bidez ondorioztatu da ez dagoela konponbide bakarra helburu guztietarako, hainbat energia aldi berean erabiliko direla. Arrazoi desberdinak direla medio, daukaguna hobetuko da ingurumen eta teknologia aldetik, eta berritasunek lagunduko dute etorkizunean bestelako garraio mota bat izaten.

Ohiko erregaiak erabiltzen dituzten ibilgailuak guztiz ordezkatuko dira?

2035. urtera arteko azterketa egin dugu. Zaila da kalkulu fidagarriak egitea, baina uste dugu ordurako ohiko erregaien erabilera gutxituko dela eta beste energia batzuena handituko dela: elektrizitatea, gasa eta GLP. Bioerregaiak ohiko energien barruan sartuta daude. Egoeraren arabera, energia alternatiboak gehiago edo gutxiago barneratuko dira, baina ohiko erregaiekin biziko dira, eta guztiak hobetuko dira.

Batez ere, ibilgailu hibrido eta elektrikoak eta gasa aipatu dituzue. Horiek nagusituko dira?

Nazio mailako ekinbide esparruak gas naturala, GLP eta elektrizitatea energia alternatibo gisa dauzkanez, normalean, analisietan horiek hartzen ditugu aintzat. Baina ohiko hibridoek eraginkortasuna —eta, hein batean, autonomia— hobetzen dute, eta, gure ustez, garrantzia daukate, eta gehiago sartuko dira merkatuan. Halere, esan bezala, ohiko erregaiak ere erabiliko dira.

Zer gas mota dira GLPak?

Petrolioaren gas likuatuak dira, eta CO2 igorpen jakinak murriztea ahalbidetzen dute. Gure herrian, findegi bat daukagu, eta, beraz, etorkizunerako gai garrantzitsua da. Azterketan ez dugu esan GLP desagertuko denik; alderantziz: GLP garraiorako energia alternatibotzat hartzen da. Abantaila dauka, badaukalako azpiegitura, eta ibilgailuak egokitzea gutxiago kostatzen delako. Gainera, CO2 igorpen maila funtsean hobetzen da. Ezinezkoa da esatea 2020an edo 2025ean erabiliko diren energia kopuruak zeintzuk izango diren, baina uste dugu energia alternatiboak egongo direla.

Azpiegitura aipatu duzu. Energia alternatiboek ere beharko dituzte ibilgailuak egiteko tokiak edo kargatzeko guneak?

Energia batzuek badaukate nolabaiteko azpiegitura; beste batzuek, ez. Ibilgailuen autonomiaren arabera, kargatzeko gune gehiago edo gutxiago beharko dute. Gainera, horietarako ereduak ere eragina izango du: izan litezke etxean kargatzekoak eta errepideetan ere egon beharko lirateke. Hartara, abantailak dauzkaten energiak merkaturatuz joan ahalko dira, garraio sistema hobetzeko.

Horretarako beharrezkoak izango dira administrazioak?

Administrazioak inplikatzea garrantzitsua da. Txosten honen aurkezpenean, Eusko Jaurlaritzako Garraio Sailak eta Energiaren Euskal Erakundeak parte hartu zuten. Horrek erakusten du euren erabakia auzi honi heltzeko. Dagoeneko ekiten ari dira: erakundeen politikek asmoa daukate garraioan petrolio produktuen kontsumoa eta CO2 igorpenak murrizteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joseba Segura Bilboko apezpiku izendatzeko elizkizuna, 2019ean. ©Miguel Toña/ Efe

Bilboko Elizbarrutia hamalau apaiz ikertzen ari da sexu abusuengatik

Edurne Begiristain

Joseba Segura Bilboko gotzainak baieztatu du elizbarrutian sortutako ikerketa batzordeak hamalau apaiz identifikatu dituela abusuen ustezko egile gisa. Gainera, erabateko sinesgarritasuna eman die biktimen lekukotzei.

Migrante batzuk, Irungo Harrera Sarekoen azalpenak entzuten, atzo, herriko plazan. ©JAGOBA MANTEROLA / FOKU

Zeharkaldirako sareak eraikiz

Jone Arruabarrena

Egunero heltzen dira etorkinak Irunera, Lapurdiko muga igarotzeko asmoz. Irungo Harrera Sareko kideek han egiten diete ongi etorria, eta bidaia ahalik eta modu seguruenean egiteko informazioa eskaintzen diete. Aurten, bi gazte hil dira muga Bidasoa ibaitik gurutzatu nahian.
Suteak Akitanian

Ireki dute Biriatuko muga ibilgailu mota guztientzat

Jone Arruabarrena - Oihana Teyseyre Koskarat

Gauean zehar muga igaro ahal izan dute, baina 07:00etatik aurrera berriz itxi diete, Gironda departamenduan piztutako suteagatik. 7.400 hektareatik gora kiskali ditu suak han, eta 10.000 pertsona ebakuatu behar izan dituzte.

Txartelak balioztatzeko makinak Bilboko Metroan ©Marisol Ramirez / Foku

Bilboko Metroak iragarri du deskontuak aplikatuko dituela garraio publikoa sustatzeko

Berria

Bizkaiko Garraio Partzuergoaren erabakiaren zain dago, teknikoki nola egin erabakitzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...