Albistea entzun

Eten egin dute 'Topatu' eta Ernaiko kideen aurkako epaiketa

Herri harresi bat egin dute gazteek ahozko saioa hasi aurretik, eta epaimahaiak kanporatu egin ditu.

Zigor eskaerei eutsi die fiskaltzak
Auzipetuak, Espainiako Auzitegi Nazionalak San Fernando de Henaresen duen egoitzaren aurrean, atzo.
Auzipetuak, Espainiako Auzitegi Nazionalak San Fernando de Henaresen duen egoitzaren aurrean, atzo. J. DANAE / ARP

Igor Goikolea, Berriemaile berezia -

2015eko maiatzak 29 - Madril

Ernai ezker abertzaleko gazte erakundearen zazpi kideren eta Topatu.info-ko kazetari baten aurka atzo Espainiako Auzitegi Nazionalean hasi behar zuen epaiketa etetea erabaki du epaimahaiak, eta ekainaren 11 arte atzeratzea, auzipetuek beraiek ahozko saioen lehen egunean eginiko protesta batengatik. Auzipetuek ekintza hori egin zuten duela hiru aste Auzitegi Nazionalak zigortu eta espetxeratzeko agindu zuen zazpi gazte independentistei elkartasuna agertzeko eta euren aurkako auzia salatzeko.

Fiskaltzak hemezortzi hilabete eta 2 urte arteko espetxe zigor eskaerak egin ditu zortzi gazteentzat, 2013ko martxoan Urduñan eginiko Gazte Danbadan «terrorismoa goratzea» egotzita; zehazki, martxoaren 30ean Frantziako espetxe batean hildako Xabier Lopez Peña ETAko buruzagiaren heriotzarekin loturik ustez eginiko mobilizazio eta adierazpen batzuengatik. Honako hauek dira auzipetuak: Ernaiko Irati Sienra, Gotzon Elizburu, Maialen Etxebarria, Mikel Button, Aitor Anda, Garazi Mugertza eta Mikel Moreno eta Topatu.info-ko Iraitz Salegi kazetaria. Periko Solabarria ezker abertzaleko militante historikoa ere auzipetuta zegoen, baina, herenegun, jakinarazi zioten ez zutela epaituko, «osasun arrazoiengatik».

Epaiketa hasi aurretik, auzipetu guztien izenean hitz egin zuen Aitor Andak, eta «zirku juridikotzat» jo zuen auzia: «Ustezko terrorismo delitu batengatik izan behar ginen epaituak gaur, baina argi daukagu akusazioa guztiz faltsua dela eta benetan gaur epaitu nahi dutena dela ukazioaren kontra eta inposaketaren aurka euskal disidentziak egiten duen lana».

Salegik ere hitz egin zuen komunikabideen aurrean, eta baita lekuko gisa deklaratzera Madrilera joandako Axier Lopez Argiako kazetariak ere. Topatu.info-koak azaldu zuen «ekitaldi publiko baten berri» eman zuelako nahi dutela epaitu. Argia-koak, berriz, Salegi eta Topatu.info-ren lana defendatu zuen. «Euskal kazetaritzaren parte dira, eta, beraz, guztiz zilegia izan zen euren lana eta gaur egun egiten dutena».

Ondoren, eta epaitegi barruan jada, defentsak, fiskaltzak eta akusazioak hartu zuten hitza lehenik. Orain arteko akusazio eta zigor eskaerei eutsi egin zieten fiskaltzak eta herri akusazioa ordezkatzen duen AVT elkarteak. 2013ko Gazte Danbadan «gudariei omenaldia» egitea leporatu zieten zortzi gazteei, eta, horrenbestez, «terrorismoa goratzea». Defentsak, aldiz, hainbat dokumentu gehitu zituen kausara, epaimahaiak aintzat har ditzan. Horien artean, 500 kazetari eta hedabidek Salegiren kasua salatzeko sinatu duten Kazetaritza ez da delitua izeneko agiria.

Aldeek epaiketa hasi aurretiazko zalantzak argitu ondoren, auzipetuek deklaratzeko txanda iritsi zen, baina soilik batek hartu ahal izan zuen hitza. Maialen Etxebarriak bere abokatuaren aurrean deklaratzen bukatu zuenean, zortzi auzipetuak altxatu egin ziren, «Euskal Gazteria aurrera!» oihuen artean. Azkeneko asteetan atxilotutako zazpi gazteen aurpegiak euren kamisetetan ikus zitezkeen, eta, epaimahaiari bizkarra emanez, herri harresi bat irudikatu zuten. Horren aurrean, Angela Murillo epaimahaiburuak agindu zuen auzipetuek ez beste guztiek aretoa uzteko; hori bete ostean, esertzeko agindu zien auzipetuei, epaiketa haiekin bakarrik jarraitzeko. Zutik, eskutik helduta eta oihuka jarraitzen zutela ikusita, haiek ere kanporatzeko agindu zuen, eta Madrilera babesa ematera joandakoen txaloen artean irten ziren epaitegitik. Ia ordubete kanpoan egon ostean, aretoan sartu ziren berriz zortzi auzipetuak, fiskala, abokatuak eta akusazioa, eta, orduan, epaimahaiak jakinarazi zien epaiketa bertan behera gelditzen zela eta ekainaren 11n jarraituko zutela. Aldi berean, fiskaltzak eta AVTk epaimahaiari eskatu zioten auzipetuek egindakoa delitutzat har daitekeen aztertzeko eta aretoan zeuden pertsonen jarrera ere kontuan hartzeko.

Murga anaiak, aske

Bestalde, Patxo eta Isidro Murga anaiak aske geratu ziren atzo. Ia zortzi urte preso eman eta gero, goizean utzi zuten Leongo espetxea (Espainia). Auzitegi Nazionalak epaitu eta zigortu zituen 18/98 sumarioaren barruan, Egin egunkariko administrazio kontseiluko kide izateagatik, ETAri laguntza ematea leporatuta. 74 urte ditu Patxo Murgak, eta 69 Isidrok. Zigorra osorik bete ondoren irten dira espetxetik.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera

Beatriz Artolazabal eta Ramiro Gonzalez, gaur, Gasteizen ©L. Rico / Efe

Gasteizerako proiektu «kontinuista eta berritzailea» gidatuko duela esan du Artolazabalek

Edurne Begiristain

EAJren Arabako Lurralde Batzarrak Arabako hiru barrutietarako hautagaiak berretsi ditu gaur. EH Bilduk oniritzia eman die Arabako zortzi udalerrietako zerrendaburuei, eta Ahal Dugu-k hiriburuetako hautagaiak aurkeztu ditu.

Senpereko herriko etxeko oposizioak ere dimititu egin du

Senpereko herriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...