Netanyahuk «lehenbailehen» aurreratuko ditu hauteskundeak

Koalizioko desadostasunek bultzatuta, Lapid eta Livni kargutik kendu eta legebiltzarra desegingo du Israelgo lehen ministroak.
Polizia hedatu da Hebronen, Zisjordanian, Israelgo Gobernuaren desegonkortasuna dela eta.
Polizia hedatu da Hebronen, Zisjordanian, Israelgo Gobernuaren desegonkortasuna dela eta. AL HASHLAMOUN / EFE

Adrian Garcia -

2014ko abenduak 3

Israelgo lehen ministro Benjamin Netanyahuren koalizio gobernuak ez du asko iraun. Hogei hilabete, hain justu. Gobernu krisia errotik konpontzea erabaki du lehen ministroak. Yair Lapid Finantza ministroa eta Tzipi Livni Justiziakoa kargugabetu ditu, eta parlamentua «lehenbailehen» desegiteko eskatu du, bozak aurreratzeko. «Azken asteetan, eta, batez ere, azken 24 orduetan, Lapid eta Livni ministroek gogor eraso diote nik zuzentzen dudan gobernuari. Ez dut onartuko oposizio gehiago nire gobernuan», azaldu du lehen ministroak zuzeneko emanaldi batean. Knesset (parlamentua) aste honetan desegitekotan, martxoaren erdialdean egingo lirateke bozak. Berez, bi urte barru ziren egitekoak. Netanyahuk, baina, nahiago izan du aurreratzea, «Israel gidatzeko mandatu argi bat» jasotzeko.

Urteko aurrekontuak, Lapiden etxebizitzaren gaineko zergak murrizteko proposamena, baina, batez ere, Israel legez «judu herriaren nazioa» deklaratzeko Netanyahuren asmoak hautsi du gobernua. Gobernuko kide moderatuagoek ez ezik, Israelgo fiskal nagusiak eta nazioarteak ere gaitzetsi dute herrialdeko gutxiengoak legez baztertzeko asmoa. Hainbat analistak diotenez, Jerusalemen hainbat palestinarrek egindako erasoen ondotik eskuin muturra baretzeko beharra du Netanyahuk. Helburu berarekin abiatu izango lituzke berriro palestinar susmagarrien etxeak eraisteko politikak eta lurralde okupatuetako koloniak hedatzeko proiektuak.

«Gobernu paranoikoa»

Hatenua alderdiko buru Livnik beharrezkoa ikusten du «gobernu erradikala, probokatzailea eta paranoikoa» ordezkatzea. «Horrela ezinezkoa da herrialdea gobernatzea», adierazi zuen Justizia ministroak kargugabetu aurretik.

Netanyahu eta Lapiden arteko azken liskarra herenegun izan zen. Orduan eman zuen ultimatuma lehen ministroak, lehendik ere hauskorra zen koalizioa guztiz apurtu duena. Gobernuaren aurkako erasoak bertan behera uzteko eskatu zion Netanyahuk, bereziki Jerusalemen eraikitzeko proiektuen eta AEBekiko harremanen ingurukoak. Gainera, Defentsa Ministerioari diru gehiago emateko eta Israel estatu judua izendatzeko legea babesteko eskatu zion; eta, azkenik, haren etxebizitzaren zerga murrizketen proposamenaz ahazteko.

«Lehen ministroak erabaki du alferrikakoak diren hauteskundeetara eramatea», azaldu du Lapidek. «Bilera iruzur bat izan da. Netanyahuk aldez aurretik zuen hartua erabakia».

Yesh Atid eta Hatenua alderdiko parlamentarien babesik gabe, Netanyahuren Likud alderdiak gehiengoa galduko luke parlamentuan. Gobernu koalizioak 120 eserlekuetatik 68 ditu egun. Baina, Lapidek zuzentzen duen Yesh Atid alderdiaren hemeretzi eta Hatenuako sei parlamentaririk gabe, gehiengo osoa galduko luke. Lapidek Netanyahuri leporatu dio alderdi ultraortodoxoen babesa lortu nahi izatea gehiengo osoa eskuratu eta hurrengo urteko aurrekontua onartzeko. Haatik, Shas alderdi ultraortodoxoko buruzagi Arie Derik adierazi du ez dagoela akordiorik egiteko prest hauteskundeak aurreratu ezean.

Netanyahuk, bestalde, Lapidi egotzi dio boteretik kanporatzen saiatzea. Haren esanetan, «arduragabeki» eraso dio, eta hauteskundeetara deitu gabe beste alderdiekin koalizio alternatibo bat osatzen saiatu da.

Gazaren aurkako erasoaren aurretik ere handiak ziren koalizio barruko desadostasunak. Desberdintasun ideologikoetatik harago, koalizio kideen arteko etsaitasunak eta konfiantza faltak higatuta hautsi da gobernua.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna