Albistea entzun

Bengoetxea-Larunbe 22 Jaka-Zabaleta 17

Eta orain, zain egon behar

Bengoetxea VI.a-Larunbek irabazi egin diete Jaka-Zabaletari, eta gaurko Irribarria-Rezusta eta Olaizola II.a-Untoria lehiak ematen duenaren zain daude finalean ariko diren jakiteko
IñIGO URIZ / ARGAZKI PRESS Tamaina handiagoan ikusi

Julen Etxeberria -

2017ko martxoak 26

Iraupena. 70.80.

Pilotakadak. 529.

Sakez. Bengoetxea VI.ak bost; Jakak batere ez.

Markagailua. 0-2, 1-2, 1-3, 2-3, 2-6, 3-6, 3-7, 4-7, 4-9, 7-9, 7-13, 10-13, 10-16, 19-16, 19-17 eta 22-17.

Bestekakoak. Lepo bete zen berriro Iruñeko Labrit pilotalekua. 1.100 ikusle inguru izan ziren harmailetan, eta giro paregabea izan zen jaialdi osoan. Apustuak nabarmen atera ziren Bengoetxea VI.a-Larunberen alde, doblean.

Oinatz Bengoetxeak eta Mikel Larunbek egin dute euren eskuetan zegoena Binakako Txapelketako finala jokatzeko. 22-17 irabazi zieten atzo Erik Jakari eta Jose Javier Zabaletari Iruñean, Labrit pilotalekuan, finalerdietako ligaxkako azkeneko jardunaldiko azken-aurreko norgehiagokan. Garaipen horri esker, Asegarceko bikoteak beste urrats bat egin du heldu den apirilaren 9an Bilboko Bizkaia pilotalekuan jokatuko den finalerako bidean.

Gaur ikusiko da egindako urratsak helburua lortzeko balio dion edo ez. Iker Irribarriak eta Beñat Rezustak Aimar Olaizolaren eta Alvaro Untoriaren aurka Bilbon jokatuko duten norgehiagokak zehaztuko du balekoa den edo ez. Bi dira aukerak Bengoetxea VI.a-Larunbe finalerako sailka daitezen. Bata, Irribarria-Rezustak irabaztea da; horrela, Bengoetxea VI.a-Larunbek eta Irribarria-Rezustak jokatuko lukete finala. Beste aukera, berriz, Irribarria-Rezusta 11 tantora ez iristea da; horrela, Asegarceko bi bikoteak izango lirateke finalean. Gaur-gaurkoz, hiru bikotek dute aukera sailkatzeko. Elezkano II.a-Zabaletak osatutakoa, ordea, jada lehiaketatik kanpo dago, garaipenik ez baitu lortu azken ligaxkan.

Bengoetxea VI.a-Larunbek hamahiru tanto ez egitea; horixe zen Elezkano II.a-Zabaletaren aukera bakarra sailkatzeko itxaropenari eutsi ahal izateko. Eta hain zuzen ere, faktore hori erabakigarria izan zen atzoko partidan. Izan ere, Bengoetxea VI.a-Larunbe hamahirugarren tantora iristea eta Aspekoak behera egitea biak bat izan ziren. Bat-bateko txakalaldia izan zen, ezustekoa, ordu arte bikain ari baitziren, hasieratik aurretik, lehen tantotik euren jokoa inposatuz. Ederki ari zen Jaka aurrean, Bengoetxea VI.arekin nor baino nor, baita hura baino gehiago izaten ere. Oso deseroso ari zen Leitzakoa, baita Larunbe bera ere, Zabaletarekin lehian. Atzelari nafarra nagusi zen piloteoan, eta nagusitasun horrek urduritu egin zuen atzelari bizkaitarra, eta haren hutsak behartu.

Iraultza: 10-16tik 19-16ra

Baina bat-batean, erori egin zen Aspeko bikotea, eta txakalaldi horrek irauli egin zuen partida, eta, noski, baita emaitza ere: 10-16tik 19-16ra pasa zen ziztu batean. Konturatu orduko oso maldan gora zuten partida Aspekoek, eta oso maldan behera Asegarcekoek. Hazi egin zen tarte horretan Bengoetxea VI.a, eta aurkariak zigortzen hasi zen, sakez, boleaz... Partidako lehen zatian pattal aritu ondoren, ikusgarri aritu zen bigarrengoan. Azkenean, hamabost tantorekin amaitu zuen partida. Haren susperraldiak, gainera, Larunbe indarberritu zuen. Atzelari bizkaitarrak gainetik kendu zituen nerbioak bigarren zatian, ordu arte erabat lotuta jokatzera kondenatu zutenak. Pixkana-pixkana atzean nagusi izaten hasi zen, eta aurrean gertatu bezala, atzean ere goitik behera aldatu zen egoera: Zabaleta hasi zen hutsak bata bestearen atzetik egiten. Jabetu orduko, 22. tantora iritsi ziren Asegarcekoak.

Bengoetxea VI.a-Larunbe Bilbora begira egongo dira gaur, bertan jokatuko baitute Irribarria-Rezustak eta Olaizola II.a-Untoriak finalerdietako ligaxkako azkeneko norgehiagoka. Bi bikote horiek bitan jokatu dute elkarren aurka aurten Binakako Txapelketan, eta bietan nagusitu dira Aspekoak, 22-7 eta 22-19, hurrenez hurren. Gaur ere faborito argiak dira. Ikusgarri ari dira: hamasei partidetatik bi baino ez dituzte galdu; hamalau irabazi dituzte, azken zazpiak jarraian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Brais Mendez Realeko jokalaria, Omoniako jokalariez inguratuta, Europa ligako aurreko partidan. ©JON URBE / FOKU

Realak zigilua jarri nahi du

Jon Ander De la Hoz

Txuri-urdinek Moldavian jokatuko dute gaur Europa ligako hirugarren jardunaldian, Xeriffen aurka. Garaipena dute helburu, multzoko lidergoa indartzeko. Imanolek dio «lehia gogorra» izango dela
Shane Larkin eta Vasilje Micic, Efeseko bi izarrak, azken Euroligako finala irabazi berritan, elkar besarkatzeko prest. ©ANDREJ CUKIC / EFE

Inoizko Euroligarik gogorrena

Beñat Mujika Telleria

Urtero maila hobetuz badoa ere, Europako izarren ligak gogoangarria izateko osagai guztiak ditu sasoi honetan. Hemezortzi talde lehiatuko dira gorenera iristeko asmoz.
 ©JAIZKI FONTANEDA / FOKU

«Luzerako egon nahiko nuke hemen»

Iñaki Berastegi

Denbora gutxian «ondo» egokitu da Ghiorzi Euskal Herrira. Eibar egitasmo «polita» dela uste du, eta atzera ere kanporaketetarako sailkatzeko gai ikusten du taldea sasoi honetan.
 ©Athletic

20 urte Athleticek lehen partida jokatu zuela

Ainara Arratibel Gascon

Bihar beteko dira 20 urte talde zuri-gorriaren emakumezkoen taldeak lehen partida ofiziala jokatu zuenetik. 7-1 irabazi zion Torrejoni. 5 liga titulu ditu irabaziak. Baina hortik harago, emakumezkoen futbolean aitzindarietako bat izan zen, baita ondoren izan den profesionalizazioan ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...