Albistea entzun

Sei euskaltzain urgazle berri izendatu ditu Euskaltzaindiak

Amaia Apalauza, Xabier Erize, Maite Lakar, Patxi Petrirena, Rosa Ramos eta Castillo Suarez dira Iruñean izendatutako urgazle berriak
Harrera ekitaldian, Leizarragaren eta Axularren liburuak oparitu zizkion Urrutiak Asironi.
Harrera ekitaldian, Leizarragaren eta Axularren liburuak oparitu zizkion Urrutiak Asironi. IDOIA ZABALETA / ARGAZKI PRESS

Naiara Elola -

2016ko apirilak 30 - Iruñea

Euskaltzaindiak osoko bilkura egin zuen, atzo, Iruñeko udaletxean. Bileraren aurretik, Joseba Asiron alkateak udalbatzako gainontzeko kideekin batera harrera egin zien Nafarroako hiriburuan bildutako euskaltzainei. Bigarren aldia da Iruñeko Udalak Euskaltzaindiari harrera egiten diona. Ondoren egindako osoko bilkuran hartu zuen Euskaltzaindiak, hain zuzen, Amaia Apalauza, Xabier Erize, Maite Lakar, Patxi Petrirena, Rosa Ramos eta Castillo Suarez euskaltzain urgazle berri izendatzeko erabakia.

Nafarrak dira Euskaltzaindiko sei kide berriak, eta euskararekin lotutako ikerketa eta sorkuntza lanetan oso trebatuak guztiak. Amaia Apalauza (Iruñea, 1979) Euskal Filologian doktorea da, eta Nafarroako hizkerez eta ahozko tradizioez hainbat azterlan egin ditu. Xabier Erize (Iruñea, 1955) Euskal Filologian doktorea da, eta soziolinguistikan hainbat ikerlan egin eta argitaratu ditu. Maite Lakar (Elizondo, 1978) Euskal Filologian lizentziaduna da, bai eta Baztango, Malerrekako eta Bortzirietako ahozko tradizioaren eta beste hainbat azterlanen egilea ere. Patxi Petrirena (Sunbilla, 1963) EHUn Psikologia ikasitakoa da; euskara itzultzaile eta zuzentzaile hainbat lan argitaratua da, Euskaldunon Egunkaria-ren eta EIMAren estilo liburuen egile (elkarlanean), eta, 2008tik, Elhuyar Fundazioan ari da. Rosa Ramos (Iruñea, 1966) Euskal Filologian lizentziaduna da, eta soziolinguistika arloan aditua; Euskara teknikaria ere bada Berriozarren 1999. urtetik hona. Azkenik, Castillo Suarez (Altsasu, 1976) idazlea da, eta urte luzez BERRIA egunkariko kolaboratzailea izana; gaur egun, BERRIA Taldeko administrazio kontseiluko kideetako bat da.

Izendapenen aurretik egindako harreran, Joseba Asiron Iruñeko alkateak Euskaltzaindiari berretsi dio euskararen normalizazioan lanean jarraitzeko asmoa dutela. Horrekin batera, aurrerantzean bi erakundeen arteko elkarlana indartuko dutela azaldu du. Antzera mintzatu da Andres Urrutia Euskaltzaindiko presidentea ere: «Euskararen alde bat eginda egin behar da lan, denon ondarea delako». Euskarak Nafarroan duen egoera «esperantza» izateko modukoa dela nabarmendu du Urrutiak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

'Irati' fimaren irudi bat. ©

'Irati' filma bost Goya jasotzeko hautagai da

Uxue Rey Gorraiz

'Ainhoa: Black is beltza 2' filma da hautagaien artean beste euskarazko lan bakarra

 

<b>Txomin Urriza, Camille Dizabo, Annelise Arnaud-Cazamayou eta Alan Billi, Orbel taldeko kideak.</b> ©FANNY MAILLARD

Orbel, isiltasunari plaza eskainita

Ainize Madariaga

'Lur hezea' diskoa jalgi berri du taldeak. Hirugarren obra honetan, giro «mistiko» eta «berezia» landu dute taldekideek

Vincent Bestaven, Jurgi Ekiza, Xan Bidegain eta Felix Buff, Willis Drummondeko kideak. ©GUILLAUME FAUVEAU

«Ez dago itxaropena beste biderik»

Julen Korkostegi Elortza

Willis Drummond musika taldeak «garai askotako soinuaren konbinazio bat» bildu du 'Hala ere' disko berrian. Kontraesanen ideiak inguratzen du lana, izenburutik hasi eta azalean ageri den mandarinaraino.
Rafael Moneok bere ibilbidean ondutako arkitektura proiektuen marrazkiz eta planoz josia da Nafarroako Artxiboko erakusketa aretoa. ©JAGOBA MANTEROLA / FOKU

Rafael Moneo, garabirik gabe eraikitzea

Uxue Rey Gorraiz

‘Rafael Moneo Nafarroan’ erakusketa zabaldu dute Nafarroako Artxiboan. Arkitektoaren ibilbidearen atzera begirakoa egiten du bildumak, eta haren bizitza pertsonalari ere egiten dio so

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...