Mendekoste festak Lezon

Dantzarako gogorik ez da falta

Gaur hasiko dituzte Lezoko Mendekoste jaiak. Lezoko Dantzazaleak taldeak emanaldia egingo du bihar, musika bandarekin. Sagardo dastaketan, 'Mahai gaineko dantza' egingo dute.
Lezoko Dantzazaleak taldeko dantzariek XX. mende hasierako jantziak eramaten dituzte soinean jaietako saioetarako.
Lezoko Dantzazaleak taldeko dantzariek XX. mende hasierako jantziak eramaten dituzte soinean jaietako saioetarako. BERRIA Tamaina handiagoan ikusi

Urtzi Urkizu -

2017ko ekainak 2

Azkeneko urteko ondasunak bilduta, Zabarre pirata Lezoko (Gipuzkoa) kaira iritsiko da gaur arratsaldean. Ongietorria egingo diote lezoarrek —pirataz mozorrotuta joatea proposatzen dute—, eta, ondoren, pirata txikiek pregoia irakurriko dute Gurutze Santuaren plazan. Horrela hasiko dituzte Mendekoste jaiak.

Baina pirata bihurrien kontuez gain, Lezoko jaian bada zertaz gozatua. Euskal dantza tradizionalez, esate baterako. Bihar, 12:00etan, erromeria egingo dute kaskoko kaleetan; Lezoko Dantzazaleak taldeak joko du. Talde horrek emanaldia egingo du 13:00etan, Gurutze Santuaren plazan, Lezoko Udalaren musika eskolako bandaren laguntzarekin.

Gurutze Alberdik sortu zuen Lezoko Dantzazaleak taldea, 2009. urtean. «Proposamena egin nuen hainbat euskal dantza erakusteko. Herritar asko prest azaldu ziren, eta horrela hasi ginen, gaur arte». 50 lagun inguru daude taldean. «Gazteenak 25 urte ditu, eta zaharrenak 79 urte». Garai bateko jantziak erabiltzen dituzte jaietan, XX. mende hasierakoak.

Bihar arratsaldean ere ariko dira dantzan Lezoko Dantzazaleak. XIX. Sagardo Eguna ospatuko dute Gurutze Santuaren plazan, 18:00etatik aurrera, eta Mahai gaineko dantza egingo dute. «Markina-Xemeingo [Bizkaia] dantza bat da, baina guri Ipar Euskal Herriko dantzari batzuek erakutsi ziguten», zehaztu du Alberdik. «Sagardoaren bueltan dantzatzen da, mahai gainean. Badira zazpi urte sagardo egunean dantzatzen dugula». Jatorriz mutilen dantza zela oroitarazi du dantzariak. «Baina gu emakumezkoak eta gizonezkoak aritzen gara dantzan».

Lezoko Dantzazaleak taldeko sortzailearentzat «pozgarria» da jaietan izaten duten harrera. «Azken finean, dantza tradizionalekin jarraitzen dugula erakustea da. Garrantzitsua da antzinako dantzak ez galtzea». Alberdik nabarmendu du Errenteriako eta Irungo (Gipuzkoa) herritarrek ere parte hartzen dutela haien taldean. Urte osoan, dantza ikastaroak antolatzen dituzte, eta herritar guztientzat irekiak direla nabarmendu du Alberdik. «Beti gaude prest dantza erakusteko. Hau ez da etekin ekonomikoak ateratzeko».

Mendekosteko urteroko ekitaldiez gain, bestalde, izango da berrikuntzarik Lezoko jaietan: aurreneko aldiz Oiartzualdea eskualdeko motozaleen topaketa egingo dute. Bihar, 09:30ean bilduko dira Lezotarra tabernaren ondoan. Gero, bazkaria egingo dute Tiñelun, eta, bitartean, motoak ikusgai izango dira.

Bihar gaueko musika emanaldia ere berezia izango da, Usurbilgo musika eskolako (Gipuzkoa) taldeen kontzertuak izango baitira. Horrela, inguruko herrietako talde gazteei bultzada eman nahi die Lezoko Udalak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©ENDIKA PORTILLO / FOKU

«Nire bizitzarekin komedia egitea terapia bat da»

Jone Arruabarrena

Bartzelonan bizi den arren, edonon sentitzen da etxean otxandiarra, etxea berarekin baitarama doan lekura doala: furgoneta batean bizi da. Han egiten ditu umorezko bakarrizketak ere.
 ©BERRIA

Zentzua duten akatsak

Jakes Goikoetxea

BERRIAko kazetariek tarteka laprast egiten dute egunero-egunero idazten dituzten milaka hizki eta hitzetan. Baina, batzuetan, akatsak eta deskuiduak izanda ere, okerreko hitz horiek esanahi propioa izaten dute: adierazkorragoa, gordinagoa, umoretsua, poetikoa... 'Hiztripuak' dira.
Gaur gauean emango dute <em>Hondar ahoak</em> telesailaren laugarren eta azken atala, ETB1en. ©EITB

Ezustekoekin bukatuko da 'Hondar ahoak' telesaila, gaur

Amaia Igartua Aristondo

Denbora eta aurrekontua «murritzak» izan diren arren, emaitza «ona» izan dela dio Marian Fernandez Txintxua Filmseko ekoizleak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Urtzi Urkizu

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna