Albistea entzun

Irujo: «Txapela irabaztearen adinako poza hartu dut»

Imanol Magro Eizmendi -

2014ko abuztuak 13 - Donostia

Juan Martinez de Irujo bihar itzuliko da jaialdietara, Mallabian. Herenegun erabaki zuen, proba egin eta ezker eskuan minik gabe bukatu zuenean. «Txapela irabaztearen adinako poza hartu nuen. Bizitza normala egiten hasi eta elastiko gorria estreinatzeko irrikan nago». Ondo sendatuta izan beharko du gainera, luze gabe partida asko jokatu beharko dituelako, are gehiago Zarauzko eta Bilboko torneoetan finalerako sailkatzen bada.

Buruz buruko txapeldun izan zenetik—ekainaren 29an— jokatu gabe dago. Ezker eskuan ubeldu handia zuen, eta ezin zuen ia pilota ukitu. Duela bi aste proba bat egin zuen, baina mina oraindik handiegia zen. «Gogorra da, astuna, baina erabat sendatu arte banekien ez nuela jokatuko. Arraroa egin zait, uztailean inoiz entrenatu gabea nintzen».

Eta erabat osatuta al dago? «Ez, ez dago erabat osatuta, baina berme handia du. Ubeldua asko txikitu da, eta babesak tokiz aldatzen asmatu dut. Dena den, badakit ezingo dudala beti jokatu orain erabiliko ditudan babesekin». Erabakia sendoa da, eta arrisku txikia duen arren, Irujok jokatu egingo du. «Berriz min hartzearen arriskua dago, baina berdin mindu dezaket eskuina. Aurrerago beste erresonantzia magnetiko batzuk egingo ditugu, eskua sendatzen ari den ikusteko».

Bestalde, Xala ere arazo fisikoekin dabil. Bizkarreko mina du, eta erabat sendatzea kostatzen ari zaio. Printzipioz, hilaren 20an du hurrengo partida, Bilboko Torneoko lehen finalerdian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Brais Mendez Realeko jokalaria, Omoniako jokalariez inguratuta, Europa ligako aurreko partidan. ©JON URBE / FOKU

Realak zigilua jarri nahi du

Jon Ander De la Hoz

Txuri-urdinek Moldavian jokatuko dute gaur Europa ligako hirugarren jardunaldian, Xeriffen aurka. Garaipena dute helburu, multzoko lidergoa indartzeko. Imanolek dio «lehia gogorra» izango dela

Shane Larkin eta Vasilje Micic, Efeseko bi izarrak, azken Euroligako finala irabazi berritan, elkar besarkatzeko prest. ©ANDREJ CUKIC / EFE

Inoizko Euroligarik gogorrena

Beñat Mujika Telleria

Urtero maila hobetuz badoa ere, Europako izarren ligak gogoangarria izateko osagai guztiak ditu sasoi honetan. Hemezortzi talde lehiatuko dira gorenera iristeko asmoz.

 ©JAIZKI FONTANEDA / FOKU

«Luzerako egon nahiko nuke hemen»

Iñaki Berastegi

Denbora gutxian «ondo» egokitu da Ghiorzi Euskal Herrira. Eibar egitasmo «polita» dela uste du, eta atzera ere kanporaketetarako sailkatzeko gai ikusten du taldea sasoi honetan.
Julen Lopetegi atzo, Sevillaren eta Dortmunden arteko neurketa bukatu berritan. ©Jose Manuel Vidal, EFE

Julen Lopetegik utzi egin dio Sevillako entrenatzaile izateari

Uxue Rey Gorraiz

Bart kargugabetu dute euskal teknikaria, taldearen bolada txarra dela eta. Klubak ez du iragarri Lopetegik utzitako hutsunea nork beteko duen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...