Albistea entzun

Txirrindularitza. Euskal Herriko Itzulia: 4. etaparen kronika. ERRELEBOKA

Liderra ihesean

Ion Izagirre - Movistar taldeko txirrindularia

2015eko apirilak 10

Oso gogorra izan da etapa, eta lehertuta amaitu dugu. Berez gogorra zen ibilbidea eta are gehiago gogortu dugu txirrindulariok, hasieratik oso erritmo bizian ibili garelako. Asko kosta da ihesaldia sortzea, eta kilometro askoan bitan zatituta ibili da tropela. Guri komeni zitzaigun erritmoa bizitzea eta etapa gogortzea, taldekide guztiok ondo gaudelako. Bakoitzak oso argi zeukan bere lana, eta ondo atera dela uste dut.

Hasieran, Visconti eta Anton aritu dira lanean, Tony Martin aurrean zela eta aldea bi minutu eta erdira igota, arriskutsua izan zitekeelako. Herrada aritu da gero erreleboka, eta anaiak egin du jaitsiera, ingurua ezagutzen duelako eta teknika pixka bat behar delako beherakoan. Kokapen lanean ondo aritu da Castroviejo, eta hasieran Orica lanean hasi den arren, Intxausti jarri da gero tropel buruan Arraten gora. Erasoak berehala iritsi dira, eta hor erantzun dut nik. Hori bai, ez nindoan batere eroso Zakarinekin, erritmo aldaketak egin dizkidalako une oro, eta atzera egin dut.

Harrigarri samarra izan da Henaoren erasoa, ez delako ohikoa liderrak horrelako erritmo aldaketa egitea. Begira geratu dira denak, eta zalantzaren bat edo beste izan da tropelean. Liderrak aurrera egiten duenean, gainerako taldeburuek erantzutea izaten da normalena, baina ez dakit ziur zer gertatu den, ez baitut hitz egin Nairorekin. Ez dizuet gezurrik esango, ez da seinalerik onena liderraren erasoari ez erantzutea, baina egun bakarreko kontua izatea espero dugu taldean.

Henao aurrean zela, tropel buruan jarri eta haiengana gerturatzeko lanean aritu naiz, eta hainbestean salbatu dugu eguna. Saiatu gara Nairorekin etapa irabazten, baina katea atera zaio azken 500 metroetan, eta ezinezkoa izan da. Zumarraga eta Arrateko etapak igarota, Aiakoa tokatzen da orain. Oso gogorra da etapa, eta ez amaiera bakarrik, egun guztian ibiliko garelako gora eta behera. Ezagutzen dugu Aiako igoera, eta triskantza handia egongo da azken aldapa horretan. Ikusi genuen zer gertatu zen Antioko lehen igoeran, eta adi Aian ere.

Sailkapen nagusian Nairo da gure apustua, eta lan egiteko eskatzen badu, inolako arazorik gabe egingo dugu. Baina egia da ni ere goi-goian nagoela sailkapen nagusian, eta hobea izaten dela beti bi aukera edukitzea bakarra edukitzea baino. Katuxarekin eta gurekin, garrantzi handia izango du estrategiak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Novack Djokovic 2021eko Roland Garroseko neurketa batean. ©YOAN VALAT, EFE

Txertatu ezean, Djokovicek ezinen du jokatu Roland Garrosen

Uxue Rey Gorraiz

Frantziako Gobernuak atzera egin du. Kirol ministroak iragarri du soilik txertoaren pauta osatua dutenek hartzen ahalko dutela parte kirol jardueretan.

Modric, Real Madrilen lehen gola ospatzen. ©STR / EFE

Ez du hozka egin

Iñaki Berastegi

Athleticek 0-2 galdu du Real Madrilen aurka Superkopako finala, Modricen eta Benzemaren golekin. Madrildarrak nagusi izan badira ere, Athleticek azken txanpan estutu du. Courtois atezainak penalti bat gelditu dio Raul Garciari.

Peña II. pilotari ematear, atzo, Gasteizko Ogeta pilotalekuan, Jaca begira duela. ©Jaizki Fontaneda, FOKU

Peña II.a eta Albisu gailendu dira Binakako Txapelketako bederatzigarren jardunaldian

Berria

Txapelketako laugarren garaipena erdietsi dute Peña II.ak eta Albisuk; hirugarrena dute segidan. Jaka eta Mariezkurrena ez dira fin aritu, huts franko egin dute, eta apenas izan duten lehiari eusteko aukerarik.

Joseba Ezkurdia, atzoko norgehiagokan egindako tantoetako bat ospatzen. ©IÑIGO URIZ / FOKU

Ez dute esan azken hitza

Ainara Arratibel Gascon

Ezkurdia-Tolosak 22-18 irabazi diete Altuna III.a-Martijari. Partida gogorra eta parekatua izan da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.