Albistea entzun

Txirrindularitza. Euskal Herriko Itzulia: 3. etaparen kronika. ERRELEBOKA

Begiak itxita

Gorka Izagirre - Movistar taldeko txirrindularia

2015eko apirilak 9

Egur handia hartu dut etapa guztian zehar, eta leher eginda nago, egia esatea nahi baduzue. Igor Antonekin batera aritu nintzen lanean lehen etapan, Bilbon, baina gorputzaldi ona daukat, eta, etxe inguruko errepideak zirenez, niri eman didate lan egiteko ardura. Horrelakoetan, garrantzitsua izaten da potentziometroari begiratzea zenbateko indar gastua egiten ari zaren ikusteko. Dena den, anaiak eta biok begiak itxita ere egingo genuen etaparen azken zatia, umetatik inguru horietan ibili izan garelako beti bizikletan. Alde horretatik, oso polita izan da etapa.

Batzuek harrituta geratuko zineten Henaok eman duen mailarekin, eta guk ere bageneukan zalantzaren bat edo beste. Baina espero genuen ondo aritzea. Txirrindularitzak izan duen aldaketaren isla da Henaoren kasua. Garai batean, sasoia fintzeko baliatzen ziren itzuli asko, baina gaur egun hasiera-hasieratik egoten dira sasoi onean txirrindulari gehienak. Muturreko exijentzia daukate World Tourreko lasterketek, eta, lehiatu gabe egonda ere, prestaketa on-ona egiten dugu txirrindulari guztiok. Taldeek eskatu egiten dute sasoi on-on horretan egoteko.

Henaok jantzi du Itzuliko liderraren maillota, eta guretzat ez da izango txar-txarra ere hori egin izana, lanean ari garenok arnasa pixka bat hartzeko aukera izango dugulako. Oso ondo dago Nairo [Quintana], baina asko geratzen da oraindik. Itzuliko etaparik gogorrenak falta dira, Arraten eta Aian amaituko direnak, eta lan handia dago egiteko oraindik.

Zaleei dagokienez, ikusgarria izan da Antion bildu den jendetza, baina badakit arazo txikiren bat edo beste izan dela igoerako zenbait tokitan. Aurrerago nindoan ni, baina taldekide batek esan dit geratu egin behar izan dutela aurrera egin ezinik. Ondorioz, hautsi egin da lasterketa, noski. Pena da telebistan irudi horiek agertzea, baina arrisku horixe dauka hain errepide estuetatik barrena ibiltzeak.

Ez dakit ziur zein den irtenbidea, baina horrelako kasuetan antolatzaileek zintaren bat-edo jarri beharko lukete, agian, errepidearen bi aldeetan. Batzuei gustatu egingo zitzaien txirrindulariak oinez ikustea, baina hitzematen dizuet ez dela batere gustagarria minutuko 190 pultsazio dauzkagun momentuan egoera horri aurre egitea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Novack Djokovic 2021eko Roland Garroseko neurketa batean. ©YOAN VALAT, EFE

Txertatu ezean, Djokovicek ezinen du jokatu Roland Garrosen

Uxue Rey Gorraiz

Frantziako Gobernuak atzera egin du. Kirol ministroak iragarri du soilik txertoaren pauta osatua dutenek hartzen ahalko dutela parte kirol jardueretan.

Modric, Real Madrilen lehen gola ospatzen. ©STR / EFE

Ez du hozka egin

Iñaki Berastegi

Athleticek 0-2 galdu du Real Madrilen aurka Superkopako finala, Modricen eta Benzemaren golekin. Madrildarrak nagusi izan badira ere, Athleticek azken txanpan estutu du. Courtois atezainak penalti bat gelditu dio Raul Garciari.

Peña II. pilotari ematear, atzo, Gasteizko Ogeta pilotalekuan, Jaca begira duela. ©Jaizki Fontaneda, FOKU

Peña II.a eta Albisu gailendu dira Binakako Txapelketako bederatzigarren jardunaldian

Berria

Txapelketako laugarren garaipena erdietsi dute Peña II.ak eta Albisuk; hirugarrena dute segidan. Jaka eta Mariezkurrena ez dira fin aritu, huts franko egin dute, eta apenas izan duten lehiari eusteko aukerarik.

Joseba Ezkurdia, atzoko norgehiagokan egindako tantoetako bat ospatzen. ©IÑIGO URIZ / FOKU

Ez dute esan azken hitza

Ainara Arratibel Gascon

Ezkurdia-Tolosak 22-18 irabazi diete Altuna III.a-Martijari. Partida gogorra eta parekatua izan da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.