Albistea entzun

Katalunia. Independentziari buruzko galdeketa. Benet Salellas. Kontrol Batzorderako hautagaia

«Egiatan, ez dago argudio juridikorik kontsulta debekatzeko»

Kataluniako Parlamentuak gaur bozkatuko du azaroko kontsulta behatzeaz arduratuko den batzordea. Hura osatuko duten kideetako bat da Benet Salellas abokatua: galdeketa derrigor egin behar dela dio.

Samara Velte -

2014ko urriak 1

Hainbat hedabidek diote gaurko bozketa «desobedientziaren lehen urratsa» izango dela. Zuk ere hala uste duzu?

Hala baldin bada, denborarengatik izango da, ez ekintzak berak daukan garrantziarengatik. Jakina, kronologikoki, Kataluniako Parlamentuaren lehenbiziko erabakia izango da Auzitegi Konstituzionalaren behin-behineko debekuaren ondotik, eta, horrenbestez, termometro garrantzitsua izango da Kataluniako Gobernuaren desobedientziarako prestasuna neurtzeko. Neuk, behintzat, hala izatea nahi nuke.

Oraingoz dakiguna da PPk eta Ciutadansek eguneko gai zerrendatik atera nahi dutela bozketa: Konstituzio Auzitegiak indarrik gabe utzi dituen neurrien artean ei dago Kontrol Batzordea.

Batzordea izendatzea Kontsulta Legea gauzatzeko modu bat da. Auzitegiak legea indarrik gabe utzi duenean, ez du soilik azaroaren 9rako deialdia eten, hura antolatzeko tresna guztiak baizik. Dena den, ez dezagun ahatz etenaldi hau neurri automatikoa dela: auzitegiak oraindik ez du debekatu Kontsulta Legea, eta, beraz, benetan Konstituzio Auzitegi bat baldin bada, teknikoki oraindik badago aukera hura konstituzionaltzat jotzeko. Horixe da gure argudioa. Generalitateak debekua kentzeko eskatzen duenean, printzipio juridikoen arabera arrazoitu beharko dute.

Kataluniako Gobernuak kanpaina etetea erabaki du, baina galdeketarekin jarraitzea. Nola uler daiteke hori?

Niretzat ere nahasgarri samarra da gobernuak gauza bat esatea eta beste bat egitea; uste dut Konstituzio Auzitegiaren erabakiei men egiten hasi dela. Hemen herritarren agindu indartsu bat dago, eta, nire ustez, kanpainak aurrera egin beharra dauka: ez bagaude prest iragarki ofizialen debeku bati desobeditzeko, nola aterako ditugu hautetsontziak? Espero dut gobernuak kaleko indarrari kasu egingo diola; horrek ekar ditzakeen ondorio juridiko txikiekin ere, agindu hori bete beharra dauka, bestela gainetik igaroko zaio olatua.

Zeintzuk dira «ondorio txiki» horiek?

[Barre egiten du] Tira. Esan nahi dut ez dugula PPren beldurraren diskurtsoa elikatu behar. Pentsatu nahi nuke gure epaile eta fiskalek ez dutela gogo handirik herrien eskari demokratikoak zapaltzen dituzten makinak bihurtzeko. Eta hemen mundu guztiak dauka argi kontsulta nahi dugula; ez dakit zer zerikusi duen zigor zuzenbideak herri batek botoa eman nahi izatearekin.

Auzitegiak erabakitzen badu galdeketa konstituzioaren aurkakoa dela, zer aukera gelditzen zaizkie indar politikoei azaroaren 9rako?

Badira edozein epaimahairen gainetik dauden agindu batzuk, batez ere herritarren eskaria nahiko handia denean. Mahai bat zeinak PPko karneta duen presidentea duen ez da, preseski, epaile neutralena, eta, egiatan, ez dago argudio juridikorik kontsulta debekatzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.
Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste
Espainiako Polizia Ukrainaren enbaxadaren ingurumarietan, atzo. ©Chema Moya, EFE

AEBen enbaxadakoei eta Pedro Sanchezi ere bidali dizkiete lehergaiak

Uxue Rey Gorraiz

Sei dira guztira atzemandako bonbak; horietatik bost azken orduetan atzeman dituzte, Espainiako Defentsa Ministerioan, AEBen eta Ukrainaren Madrilgo enbaxadetan, Zaragozako arma lantegi batean eta Torrejon de Ardoz herriko aire basean. Pedro Sanchezen aurkako bonba bat atzeman zuten azaroan. Antzeko ezaugarriak dituzte, eta agian gehiago egongo direla ohartarazi dute.

 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainanan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...