Albistea entzun

Podemosek Hego Euskal Herriko 48 herritan izango du ordezkaritza, oraingoz

Hannot Sansinenea izango da idazkari nagusia Donostian, Lander Martinez Bilbon, Oscar Fresan Iruñean eta Fernando Iglesias Gasteizen
Podemoseko ordezkariak, atzo, Madrilen egindako agerraldian.
Podemoseko ordezkariak, atzo, Madrilen egindako agerraldian. EFE

Aitziber Laskibar Lizarribar -

2015eko urtarrilak 3

Egituratzeko urratsak egiten arida oraindik ere Podemos. Taldea osatzea lortu duen herrietako zuzendaritzak aukeratu ditu. Hego Euskal Herrian 48 herritan izango du ordezkaritza alderdi berriak, eta dagoeneko erabaki du nor izango den, horietako bakoitzean, idazkari nagusia: Donostian Hannot Sansinenea izango da burua, Bilbon Lander Martinez, Iruñean Oscar Fresan eta Gasteizen Fernando Iglesias. Hurrengo pausoa, berriz, erkidegoetako zuzendaritzak aukeratzea izango da.

Internet bidez aukeratu ditu idazkari nagusiak Podemosek, abenduaren 26 eta 31 bitartean emandako botoekin. Parte hartzea nahiko handia izan da, baina boto kopurua urruti geratu da alderdian izena emanda dauden milaka pertsonatik. Donostian, esaterako, 974 lagunek emana dute izena Podemosen; horietako 539k parte hartu dute hauteskunde prozesuan, eta, 297 botorekin, Hannot Sansinenea aukeratu dute idazkari nagusi. Noski, Ahal Dugu taldekoa da buru hautatu dutena, 40 urtekoa.

Donostian ez ezik, Zarautzen, Eibarren, Irunen, Hernanin, Lasarten, Pasaian eta Errenterian ere baditu taldeak Podemosek Gipuzkoan, eta horietako idazkari nagusiak ere aukeratu dituzte.

Bilboko emaitzak, aztergai

Berez Gasteizekoa den eta 25 urte dituen Lander Martinez aukeratu dute Bilboko idazkari nagusi. Antolatu eta Parte Hartu ildokoa da, eta boto-emaileen %45,32ren babesa eskuratu du. 1.568 pertsona daude Bilbon Podemoseko kide gisa izena emanda, horietako 689k eman dute botoa, eta 266ren babesa jaso du Martinezek. Hala ere, alderdiak bere web orrian jakinarazi duenez, bozketa aztertzen ari da Berme Demokratikoen Batzordea.

Herritarren Kontseilua osatzeko hautagaitzak beste bi taldek ere aurkeztu zituzten Bilbon (Ahal Dugu Guztiok Gara eta Noski Ahal Dela). Beste bost pertsonak ere aurkeztu zuten zuzendaritza osatzeko hautagaitza, modu indibidualean.

Beste 21 herritan du taldea Podemosek Bizkaian, eta horietan ere aukeratu dituzte Hiritarren Kontseilua eta idazkari nagusia. Besteak beste, Barakaldon, Portugaleten, Santurtzin, Urdulizen, Derion, Ermuan, Plentzian, Sopelan, Leioan, Basaurin, Mungian, Durangon, Bakion, Muskizen eta Larrabetzun.

Iruñean 950 lagun daude Podemosen zerrendan, eta horien erdiek parte hartu dute bozketan: 439k. Oscar Fresan zen idazkari nagusi kargurako hautagai bakarra, eta 286 pertsonaren babesa jaso du. Nafarroako beste 14 herritan ere aukeratu dituzte zuzendaritzak: Tuteran, Eguesen, Barañainen, Zizur Nagusian, Huarten, Antsoainen, Mendabian, Lizarran, Altsasun, Burlatan, Noainen, Atarrabian, Corellan eta Bruñelen.

Gasteizen 1.012k dute izena emana Podemosen, eta heren batek besterik ez du botoa eman: 339 pertsonak. 164 botorekin aukeratu dute Fernando Iglesias idazkari nagusi. Denok Elkarrekin ildokoa da. Amurrion eta Dulantzin ere aukeratu dituzte idazkari nagusiak Araban. Bi horietako bakoitzean, hautagai bakarra aurkeztu zen bozetara.

Erkidegoetara salto

Herrietako barne prozesua amaitu eta berehala, hurrengo urratsari begira jarriko da Podemos: Erkidegoetako zuzendaritzak aukeratzeko prozesua jarriko du martxan datorren asteazkenean, urtarrilaren 7an.

Hautagaiek Podemos inguruko talderen baten babesa jaso eta hautagaitza aurkeztu beharko dute, eta bozketa otsailaren 9a eta 13a bitartean egingo da.

Botoa emateko epea amaitu eta biharamunean, otsailaren 17an, ezagutaraziko dira Espainiako Estatuko 17 erkidegoetako idazkari nagusiak. Alderdiak berak azaldu duenez, Estatu osoko Herritarren Kontseilua osatuko dute horiek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mertxe Aizpurua Espainiako Kongresuan. ©JUANCARLOS HIDALGO / EFE

'Mozal legearen' erreforma ez blokeatzeko eskatu die PSOEk bazkideei

Xabier Martin

EAJko Aitor Estebanek uste du orain arte adostutako zuzenketak egun indarrean dagoen legea hobetzen dutela. EH Bilduko Mertxe Aizpuruak, berriz, ohartarazi du Espainiako Gobernuak «hitzemandakoa» bete beharko duela koalizioaren babesa jaso nahi badu Herritarren Segurtasun Legearen erreformarako.

PSNk atea itxi dio Mañeru eremu mistoan sartzeari

Berria

Etzi bozkatuko dute proposamena parlamentuan. Alzorrizek esan du ez dela gaiaz «hitz egiteko garaia»
Odon Elorza, 2021eko urtarrilaren 22an egindako agerraldi batean. ©Gorka Rubio / Foku

Odon Elorzak dimisioa eman du diputatu gisa

Jon O. Urain

Donostiako alkate ohiak aitortu du PSOEko zuzendaritzarekin «desadostasunak» saihesteko hartu duela erabakia. 11 urte egin ditu Espainiako Kongresuan.

Onintze Oleaga eta Unai Urruzuno, otsailaren 11ko topaketa aurkezten. ©/ EH Bildu

EH Bilduk jardunaldi munizipalistak egingo ditu otsailaren 11n

Jon O. Urain

Bost erronkaren inguruan ariko dira, eta indar subiranistak saio horrekin abiatuko du udal hauteskundeetako kanpaina.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.