Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

HABANAKO LEKUKOA

Historia da jadanik

Iñaki Petxarroman -

2016ko abenduak 6

Egin dizkiote ohore guztiak, omenaldi masibo eta sentituak eta Santiagoko Santa Ifigenian utzi dituzte Fidel Castroren errautsak. Bukatu da dolua, bukatu dira festak egiteko eta alkohola kontsumitzeko mugak eta normaltasunak hartu ditu Santiago eta gainerako hirietako kaleak. Fidel Castrok ez zuen maite bere buruari gurtza egitea, eta azken geltokiraino eraman du erabaki hori. Kubako Santiagon larunbat iluntzean egin zioten omenaldi jendetsuan Raul anaiak iragarri zuen parlamentuaren hurrengo bilkuretan lege bihurtuko dutela Fidel Castroren borondate hori, hots, plaza, parke, etorbide, kale edo gainerako gune publikoei buruzagi iraultzailearen izena ematea galaraziko dute. Aldi berean, ezin izango dira eraiki bere omenezko monumentuak, estatuak edo bestelako oroigarriak. «Munduaren ohore guztia arto ale batean sar daitekeela dioen etika martiarrari leial jokatu du azken unera arte», iragarri zuen Raulek, erabakiaren berri emateko diskurtsoan.

Ulertzen hain erraza ere ez da, Fidel Castrok, bizi zen bitartean, orkestraren instrumento guztiak jotzea maite zuelako, hemengo analista batek egunotan zioen bezala. Eta, horrez gain, Kuban ohikoak dira Jose Marti, Antonio Maceo, Mariana Grajales independentziaren gerrako beste pertsonaia nagusien oroigarriak; eta, baita ere 'bizardunen gerrillan' castrotarrekin esku esku borrokan ibili ziren Che Guevara, Camilo Cienfuegos eta beste buruzagi ezagunen aldekoak. Castroren erabaki horrek memoria historikoan eragin dezakeen kalteak ere kezkatu ditu kubatar batzuk. Baina, oro har, ontzat hartu dute komandante sozialistaren azken borondate hori. Hala, aurrerantzean, leku publikoetan haren arrastorik topatzea ezinezkoa izango bada ere, herritarren memorian eta historia liburuetan geratuko dira Kubako iraultzaren buruzagi nagusiaren ideiak eta ekintzak. Gaur Habanan puro saltzaile batek zioen bezala, «Fidel historia da jadanik».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Beharrezkoa da tratamenduen erabilera profilaktikoa sustatzea»

Gorka Berasategi Otamendi

Gizadiak «askotariko epidemiei» aurre egiteko prestatu behar du, Abdool Karimen iritziz. Nabarmendu du GIBaren eta COVID-19aren aurkako borrokak ezin direla gainditu desberdinkeriari aurre egin gabe.
 ©BERRIA

«Afganistango emakumeek rol eta inplikazio baliotsua zuten gizartean»

Igor Susaeta

Afganistandik alde egin behar izan zuen duela hiru hilabete pasa, bestela ziur baitago talibanek hil egingo zutela seguru. Nazioarteari eskatu dio ez ditzala gobernu gisa onartu, eta lagun dezala erresistentzia fronte nazionala eratzen.
Carles Puigdemont, joan den irailean, Bruselan, bilera batean. ©STEPHANIE LECOCQ / EFE

Puigdemont ezin dela atxilotua izan berretsi du Europako justiziak

Igor Susaeta

Europako Batasuneko Auzitegi Orokorrarentzat, indargabetuta daude Kataluniako presidente ohi, Comin eta Ponsatiren aurkako euroaginduak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.