Albistea entzun

Lau guardia zibil epaituko dituzte martxoan, torturak leporatuta

Sandra Barrenetxearen salaketen epaiketa egingo dute Bilboko Epaitegian. Duela sei urte atxilotu zuten, Ekinekoa zelakoan, eta iazko epaiak ez zuen espetxeratu. Martxoaren 11n, manifestazioa
Compains eta Barrenetxea Intxaurrondon, atzo, tortura salatu duten beste hainbat lagunekin.
Compains eta Barrenetxea Intxaurrondon, atzo, tortura salatu duten beste hainbat lagunekin. JON URBE / ARGAZKI PRESS

Hodei Iruretagoiena Enekoitz Esnaola -

2017ko otsailak 12 - Donostia

Espainiako Estatuak jarrera aldatu ezean, baliteke martxoaren 14-16 artean Bilboko Epaitegian izango den epaiketa izatea torturaren aurkako azkena. Hala esan du Sortuk. Sandra Barrenetxea (Bilbo, 1975) ezker abertzaleko kidearen tortura salaketei buruzko epaiketa izango da. Lau guardia zibil daude auzipetuta.

Torturak salatutako hainbat pertsonak eman dute berria, Intxaurrondoko kuartelaren aurrean. 2010eko irailean atxilotu zuen Guardia Zibilak Barrenetxea, beste zortzi lagunekin batera, eta baldintzarik gabe espetxeratu zuen Fernando Grande-Marlaska epaileak. Besteak beste, kolpeak, biluzteak, eraso sexistak, bortxaketa mehatxuak eta poltsa salatu zituen —Berria.eus-en dago testigantza irakurgai—. 2012ko otsailean baldintzapean aske geratu zen. Iaz epaitu zuten; beste kideen gisan, fiskaltzarekin akordioa lortu, eta ez zuten kartzelatu.

«Gureak ez dira kasu bakanak izan», oroitarazi dute agerraldian Eneko Compainsek eta Barrenetxeak. Atzean zuten gutxienez 5.657 torturatu izan direla zioen afixa —Euskal Memoriak berretsitako kopurua da—. Hainbat alderdi eta hedabideren «isiltasuna» salatu dute: «Tortura ez litzateke posible izango segurtasun indarren arduradun politikoek oniritzia eman izan ez baliote».

Nafarroako erakundeei deia

Pixkanaka, ordea, «isiltasun» hori gainditzen ari dela adierazi dute agerraldian parte hartu dutenek; Eusko Jaurlaritzak bultzatutako ikerketa aipatu dute, eta Nafarroako erakundeei ere bide beretik jotzeko eskatu diete.

Martxoaren 11n Bilbon manifestazio bat izango da: aitortza, erreparazioa eta berriz ez gertatzeko bermeak eskatuko dituzte. Gaur Zizurkilen, berriz, Joxe Arregiren omenaldia, eta Sortuk mobilizazio batzuk egingo ditu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal Hirigune Elkargoko batzarra, joan den abenduan, Baionako Arteen Hirian. ©BOB EDME

Ezinegonak agerian, elkargoko aurrekontuaren eztabaidan

Ekhi Erremundegi Beloki

Martxoaren 4ko batzarrean bozkatuko dute Euskal Hirigune Elkargoko 2023ko aurrekontua. 2026 arte hogei milioi euro emanen dituzte herrientzat. Lurralde desoreka salatu dute hautetsi batzuek
 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Gregorio Eskuderoren aldeko manifestazioa, gaur, Orion. ©Gorka Rubio / FOKU

Gregorio Eskudero 70 urteko presoa Euskal Herriratzeko eskatu dute Orion

Berria

Eskuderori hirugarren gradua ezartzeko ere eskatu du Sarek. Orain, Dueñaseko (Espainia) kartzelan dago preso, lehen graduan.

Plaza Hutsan 350 lagun baino gehiago elkartu dira. ©SORTU

«Herrigintza aro berri bat pizteko oinarria» jarri du Sortuk Burlatan

Mikel Elkoroberezibar Beloki

Plaza Hutsa bete dute 350 lagunek baino gehiagok, herrigintzaren eta estrategia independentistaren arteko lotura sakontzeko helburuarekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...