Albistea entzun

Alaitasunez eta normaltasunez

Jaien balorazio ona egin arren, izandako lau sexu erasoak salatu ditu Joseba Asiron alkateak
Jendetza aurtengo sanferminetako txupinazoan.
Jendetza aurtengo sanferminetako txupinazoan. IDOIA ZABALETA / ARAGAZKI PRESS

Eneritz Dueso -

2015eko uztailak 16

Bizikidetza eta pluraltasunari dagokionez, aurtengo sanferminak «positiboak» izan direla adierazi du Joseba Asiron Iruñeko alkateak, jaien inguruan egindako balantzean: «Alaitasuna eta normaltasuna izan dira nagusi».

Herritarren parte hartzea ere izan du hizpide. Jaiak hasi aitzin, parte hartzeari garrantzia eman ziotela azpimarratu du. Esaterako, txupinazoan horretan asmatu dutela uste du. Iruñeko Orfeoiak eta La Veleta peñak bota dute aurten jaien hasierako suziria, eta ikurrina udaletxeko balkoian zintzilik izan da. Jaiak, oro har, txupinazoa bezala, «ezberdinak, sinbolikoak eta ez hain instituzionalizatuak» izan dira, Asironen arabera.

Jaiaren alde ilunena sexu erasoak izan dira; Asironek «onartezintzat» jo ditu. Gogor gaitzetsi ostean, horrelako erasoekin «bukatzeko» konpromisoa hartu du Nafarroako hiriburuko alkateak: «Berehala hasi behar dugu hori lortzeko lanean». Lau sexu eraso saiakera salatu dituzte guztira 2015. urteko Iruñeko jaietan. Iaz, bost izan ziren. Bestelako atxiloketak eta salaketak ere gutxiago izan dira beste urte batzuetan egindakoekin alderatuz.

Laurehun ekitalditik gorako egitarauak osatutako San Fermin jai hauetara 1,4 milioi pertsona gerturatu dira; iaz baino 90.000 pertsona gehiago. Ekitaldi jendetsuenak suak eta buruhandi eta erraldoien kalejirak izan dira. Hain zuzen ere, erraldoi eta kilikien konpartsaren agurraren antzerki kutsuak, Asironen hitzetan, «erabateko arrakasta» izan du. Hori konpartsan parte hartzen duten dultzainarien ekimenez egin dute.

Jaien amaieran Pobre de mí-rekin batera Asironek euskarazko agurra egin zuenean jasotako txistualdiaz ere galdetu diote alkateari. Hark «errespetua eta elkarbizitza» defendatu ditu, eta jaien amaiera iragartzera doanari txistu egitea «normala» ere izan daitekeela gaineratu, «jaien amaierak dakarren ondoezak eraginda». Halere, Iruñea «askotarikoa eta plurala» dela azpimarratzeaz batera, esan du «Iruñeak bi hizkuntza propio dituela ulertu ez duenak» ez dakiela Iruñea «zer den; jokoz kanpo dago».

Entzierroei dagokienez, 16.629 izan dira korrikalariak, iaz baino %2,9 gutxiago. Uztailaren 11ko larunbateko entzierroa izan da jendetsuena, baina ez da izan hori zauritu gehien eragin dituena. Uztailaren 7an, 11 pertsona artatu behar izan zituzten larrialdi zerbitzuek, horietatik hiru adarkadak jasota. 37 pertsona zauritu dira guztira entzierroetan; hamar, adarkadak jasota. Adarkadak jasotakoetatik bost ospitalean dira oraindik. Prozesioa, bestalde, azken urteotako «lasaiena» izan dela adierazi du Iruñeko udaleko buruak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Eguzki irratia ©Jaoba Manterola / Foku

Eguzki irratiak salatu du lege berriak ez diela lizentziarik bermatzen irrati komunitarioei

Urtzi Urkizu

Hala ere, Iruñeko Eguzki irrati libreak lizentzia eskaera egingo du. Irratiak uste du badaudela nahikoa arrazoi lege berriaz ez fidatzeko.

2020ko deialdian parte hartu zuen Oletzero bat. / ©Andrakatue

«Zarpail edo dotore, gizon edo emakume, sor ditzagun gure Olentzero propioak»

Jon Ordoñez Garmendia

Dantzan.eus atariak dei egin du etxean, eskolan, lantokian edo ikasgelan bakoitzak bere Olentzero egitera.

Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.