Noiz sortua: 2015-01-09 00:30:00

Atentatua Parisen. Musulmanak, islamofobiaren beldur

«Kolpea, musulman guztiei»

'Charlie Hebdo'-ren aurkako atentatuaren ondotik, bi meskitari eta kebab bati eraso diete. Musulmanak beldur dira islamofobia azkartuko ote den Frantzian.
Emakume bat loreak uzten <em>Charlie Hebdo</em> astekariaren egoitzan, atzo, Parisen.
Emakume bat loreak uzten Charlie Hebdo astekariaren egoitzan, atzo, Parisen. ETIENNE LAURENT / EFE

Patxi Berhouet -

2015eko urtarrilak 9

Le Mans eta Port-Las Nouvelleko meskitek tiroketak jasan dituzte asteazken arratsean eta ostegunean. Eta Villefranche-sur-Saoneko kebab batean ere leherketa bat gertatu da. Hiru eraso, Charlie Hebdo astekariaren aurkako atentatuaren ondotik, komunitate musulmunaren aurka.

Atzo, Parisen, goizeko zazpietan, eguzkirik ez da oraindik jeiki Barbes auzoan. Poliki-poliki hiriburua iratzartzen da, zorabiaturik. Aunitz, kazeta saltzailearen aitzinean gelditzen dira. Prentsa guziak beltzez beztitu dira. Saltzaileak nahasten ditu, kontuak gaizki egiten. «Barkatu, baina buruan min dut gaur», esplikatzen du Muhamedek kabina barnetik. Musulmana da, eta herenegungo atentatua ezin du onartu.

Asteazkenetik denbora gelditu bezala egin da Parisen. Errepublika plazako elkarretaratzean, 35.000 paristar bildu ziren arratsean. Haien artean, musulman anitz, oso hunkiturik. Emazte batek bere bi mutikoak tinkatzen zituen, nigarrez : «Egin dutena ez da muslim; zergatik egin dute hori?». Neska gazte batek kontsolatzen du: «Basakeria hori ez da islamari lotua. Ezin dituzte bizpahiru ero horiek frantses musulman guziak ordezkatu. Gu adierazpen eskubidearen alde gara!».

Islamofobia azkartu egin da azken urteotan Frantzian. 2014. urteko azken hilabeteak gogorrak izan dira musulmanentzat. Azken asteetan, polemika handi batek jorratu zuen Frantzia. Michel Houllebecq idazle ospetsuak. Soumission eleberriak, 2022. urtean presidente islamista bat ematen du Eliseoaren buru. Ez da berez liburua antimusulmana edo arrazista. Baina aste batzuk lehenago sortutako polemika berpiztu du. Orain, idazleak bertan behera utzi du liburuaren promozioa.

«Bi suren erdian gaude»

Eric Zemmour polemistak, Suicide français liburuaren 400.000 ale saldu zituen. Musulmanen aurkako probokazioz eta gezurrez betetako entsegu bat. FN eskuin muturreko alderditik hurbil den kronikalariak, italiar egunkari batean erran zuen bost milioi musulman Frantziatik berriro haien etxera igorri behar zirela. Deportatu behar zirela. Frantses prentsa guzian aipatu zen Zemmourren liburua, eta bere ideologia. Gehienek haren esanak kondenatzeko, baina aipatze hutsak bere mezua zabaldu zuen.

«Bi suren erdian gaude», aztertzen du Ghaleb Bencheikh zientzia ikerlariak. «Alde batetik, gure barnean, fanatikoen aurka borrokatu behar dugu: gure mezua eta gure erlijioa zikintzen dute. Eta kanpoan, polemista eta intelektual batzuen aurrean babestu behar dugu. Erraten baitute musulmanek ez dutela lekurik, hemen, Mendebaldeko herrietan. Asteazkenekoa gerla eraso bat zen, batasun nazionalera dei egin behar da, loturak indartu behar dira».

Charlie Hebdo-ren aurkako atentatua «musulman guziei emandako ukabilkada bat izan da», Dalil Boubakeur musulman kultuaren batzordearen presidenteak nabarmendu duenez. Tariq Ramadan teologoak ildo beretik erreakzionatu zuen Facebook sarean: «Ez dute Profeta mendekatu, gure erlijioa, balioak eta prinzipioak dituzte traditu eta zikindu».

Irratiak pizturik

Sare sozialetan berpizten ari da James Foley kazetari estatubatuarraren hilketan —lepoa moztu zion Estatu Islamikoko ekintzaile batek, bahituta zeukatela— sortu zuten #NotInMyName (Ez nire izenean) hashtag-a. Baina ez dute bakarrik musulmanek baliatzen. Gisa guztietako frantsesek baliatu dute, haien herrikide musulmanei elkartasuna adierazteko. Michel Mompontet kazetariaren txioa, sostengu horren erakusle: «Bitxi da, hiru hiltzaileen gisan, gizon bat naiz, eta ez dit inork galdegiten haiengandik banatzea?».

Oro har, #NotInMyName hashtag-a Herve Gourdel frantses mendilariaren Algeriako erahilketan baino anitz gutxiago baliatua da. Eskuin muturreko estremista batzu ez ezik, ahul dira, musulmanak zuzenki kondenatzen dituztenak. Front National alderdiko Marine Le Penek bere sostengua eman dio musulmanen komunitateari, fanatikoenak kondenatu aitzin.

Barbes auzoan, Twitterren baino jende gutxiago mintzo zen atzo. Jota. Eguzkirik ez da atera azkenean, zerua gris egon da. Usaian, Chateau Rouge, metro irteeraren ondoan, karrikak mukurru beteak dira. Atzo, langileak ezik, auzoa hutsa zen. Hallal harakinek musikarik ez dute eman. Irratiak ziren piztuak, informazioa uhinetan. «Egun, ez dugu airoski lanean hartzeko gogorik», azpimarratzen du harakin batek. «Usaian baino bezero guttiago bada, jendeak arrangura dira, baina segitu behar da». Denek belarriak tente, zer pasatuko den zain.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Ertzaintzaren kontrol bat, Kantabriako (Espainia) mugan. ©Aritz Loiola / Foku

Beste hiru pertsona hil dira COVID-19ak jota

Berria

Hamalau pertsonak eman dute positibo Hego Euskal Herrian PCR proban. Ez dute inor ospitaleratu, eta pertsona bat atera dute zainketa intentsiboen unitatetik.

Herritarrak paseoan, Donostiako Ondarreta hondartzaren ondoan. ©JON URBE / FOKU

Hirugarren fasera igaroko da Hego Euskal Herri guztia

Ainhoa Larretxea Agirre

Hirugarren fasetik aitzinera, autonomia erkidegoetako lehendakariek izango dute erabakiak hartzeko eskumena. Alarma egoera bukatu arte, etenda egongo dira Nafarroaren eta EAEren arteko joan-etorriak. Nafarroan elkarte gastronomikoak irekiko dituzte, baina tabernetako barrek itxita jarraituko dute. Jaurlaritzak bihar emango ditu hirugarren faseari buruzko azalpenak.

Arroabeko haur eskola, artxiboko irudi batean ©urola kostako hitza

Partzuergoko haur eskolak ekainaren 22an irekiko dituztela jakinarazi diete sindikatuei

Irati Urdalleta Lete

LABek plantorako deia egingo du, «prebentzio plan egokia» adostu ezean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna