Albistea entzun

Trenen arteko talka saihestu nahi du Masek

Batasunari eusteko deia egin du Kataluniako presidenteak.

Berretsi du galdeketa «berme demokratiko ororekin» soilik egin asmo duela

Oihan Vitoria -

2014ko irailak 16

Aste zinez erabakigarrian sartu da jada Kataluniako Parlamentua. Azaroaren 9ko galdeketa erdigunean jarrita egin zuten atzo politika orokorrari buruzko lehenbiziko eztabaida. Ezin zitekeen bestela izan, etzidamu onartuko baitute galdeketari atea irekiko liokeen legea. Artur Mas Kataluniako presidenteak hartu zuen hitza atzoko saioan, eta «berme demokratiko ororekin» bozkatzeko asmoa berretsi zuen: «Nahitaezkoa da, nazioartean ontzat jo ditzaten emaitzak. Baina dena ez dago nire esku». Ez da aurreneko aldia Masek hitz horiek erabiltzen dituela.

Badaki datozen asteak arriskutsuak izan daitezkeela, eta neurtzen ari da adierazpenak. Hartzen dituen erabakiek bere jarraipena baldintza dezaketelakoan dago. Nolanahi ere, argi utzi zuen bere nahia: «Posible baldin bada, legealdia amaitzea gustatuko litzaidake, orduan baitagokit kargua lagatzea». Alderdien txanda izango da gaurko debatean. Ebazpenak, berriz, bihar bozkatuko dituzte.

Masen esanetan, 2014ak «mugarri bat» ezarriko du Kataluniaren historian. «Galdeketa egiteko ausardia du gehiengoak». Espainiako Gobernua, berriz, berean itsututa dago oraindik, «erabat geldi», Masen hitzetan: «Katalunia eta Espainia noranzko eta bide ezberdinetatik doaz. Talkarik ez dago; bai, ordea, urruntzea».

Trenen arteko talka oro saihestu gura du Masek, baina ez bakarrik Madrilekin. Galdeketaren aldeko indar politikoen batasunari ere eutsi nahi dio, eta «elkar hartuta» segitzera deitu zituen atzo: «Denon erantzukizuna da». Azken egunotan, alabaina, sortu dira desadostasunak balizko debekuari erantzuteko moduan. CiU eta ERCren artean, batik bat: CiUren Kongresuko eledun Josep Antoni Duran i Lleidak «batasuna» urratzea leporatu zion herenegun Oriol Junqueras ERCko buruari, desobedientziaren alde egiteagatik. Zabalduz doa pitzadura, irekitzen ari da arrakala. Masek, hala ere, ez zuen nahi izan gehiegi sakondu, polemikak uxatze aldera. «Alderdien arteko batasuna portzelanazkoa da; kontu handiarekin zaindu behar da, leun-leun».

Ekonomia hazkundea, itota

Ekonomia gaiak ere hartu zituen hizpide Kataluniako Gobernuko buruak. Baikor mintzo zen. «Gai garrantzitsuetan onera egin dugu, baina hazkundea itota, mugatuta dago, Espainiak ezartzen dizkigun baldintza gogor, onartezin eta estuen eraginez», salatu zuen.

Masen ustez, erkidegoak profil politikorik gabeko zerbitzu emaile bilakatu nahi dituzte: «Ez dago herri propioa eraikitzeko aukerarik, erabakitzeko gaitasun gabe».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gerald Darmanin Frantziako Barne ministroa eta Gilles Simeoni Korsikako gobernuburua elkarri eskua ematen, iragan uztailean, negoziazioen lehen bilkura amaitu ostean, Parisen ©CHRISTOPHE PETIT TESSON / EFE

Korsikako hautetsien eta Frantziako Gobernuaren arteko negoziazioak, oinarri bila

Ander Perez Zala

Darmaninek atzeratu egin du bihar uhartera egitekoa zuen bisita, «eztabaida bare baterako baldintzarik» ez dagoela argudiatuta. Protestak antolatu dituzten gazte mugimenduek aho batez eskatu dute elkarrizketak hausteko.

Autodeterminazioaren eta Amnistiaren Aldeko Akordio Sozialaren prentsaurrekoa, gaur, Bartzelonan. ©INTERSINDICAL

Kataluniako berrehun udalerri daude amnistiaren eta autodeterminazioaren alde

Mikel Elkoroberezibar Beloki

Hirurehun erakundek eman diote babesa Autodeterminazioaren eta Amnistiaren Aldeko Akordio Sozialari, tartean alderdi politiko independentistak, zenbait sindikatu eta ikasle antolakunde.

Danimarkako lehen ministro Mette Frederiksen, gaur, Kopenhagen egindako agerraldian. ©Liselotte Sabroe / EFE

Danimarkako bozak azaroaren 1era aurreratu ditu lehen ministroak

Mikel O. Iribar

Gobernu sozialdemokrata babesten duten alderdiek behartuta hartu du erabakia Mette Frederiksenek.

Suhiltzaile batzuk, atzo, bonbardaketa batek Kharkiven (Ukraina) txikitutako lantegi batean lanean. ©SERGEY KOZLOV / EFE

Zelenskik berretsi du ez duela Putinekin negoziatzeko asmorik

Igor Susaeta

Errusiako goi ganberak Ukrainan partzialki okupatutako lurrak anexionatzeko itunak onartu ditu. Kremlinen mapek erakusten dute Moskuren indarrek segitzen dutela gerra frontean atzera egiten

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...