Albistea entzun

Kantatzen duen herri bat

Orreaga fundazioak deituta, ehunka pertsonak bat egin dute Sanferminetan Kantari egitasmoarekin; giroa berotzeaz gainera, euskarak jaietan duen tokia aldarrikatu dute kantuzaleek.
Sanferminak Kantari kantu jirako parte hartzaileak, San Domingo karrikan.
Sanferminak Kantari kantu jirako parte hartzaileak, San Domingo karrikan. IDOIA ZABALETA / ARGAZKI PRESS

Ion Orzaiz -

2015eko uztailak 12 - Iruñea

Atzerritar askok lepoa luzatzen zuten atzo eguerdian, San Domingo aldapatik igarotzean. Udaletxearen atzealdeko Donejakue plazan gertatzen ari zena ikusi nahi zuten: ehunka pertsona, aho batez, euskaraz kantatzen. «What's happening?», galdetu zion emakume australiar batek, harrituta, egitaraua eskuan zeraman senarrari. Programa ofizialean, baina, ez zen ezertxo ere ageri, herritar talde batek antolatutako ekitaldia baitzen atzo eguerdikoa. Jai eredu prefabrikatuetatik aldendutako kale-kantaldia.

Bederatzi urte daramatza Orreaga fundazioak Sanferminetan Kantari izeneko ekitaldi musikatua prestatzen, eta urtero-urtero jendetza biltzen den arren, aurreikuspen guztiak gainditu zituen atzokoak.

Hala, ehunka pertsona ibili ziren Alde Zaharreko karriketan gora eta behera, musikarien laguntzarekin, giroa berotzen. Donejakue plazan hasi, eta San Saturnino, Kale Nagusia, Eslava, San Frantzisko plaza eta Zapateria zeharkatu ostean, udaletxeko plazan amaitu zuten ibilbidea. Handik, katedralaren ingurumarietara abiatu ziren parte hartzaile guztiak, 650 bat lagunendako bazkariari hasiera emateko.

Euskal Herri osoko kantuzaleak bildu zituen ekitaldiak, gainera. «Bazter guztietako jendea ikusi dugu: Miarritze, Gernika, Bilbo, Tolosa, Sakana... Euskal Herri osoa dago gaur Iruñean, kantari», azaldu zuen Laurent Etxegarai baionarrak.

Agur jaunak kantarekin hasi ziren Orreagako kideak eztarriak berotzen. Horren ostean, Txoria txori-ren bertsio indartsu batek burrunba egin zuen Donejakue plazan, eta ibilbideari ekin zioten kantuzaleek. Lehen geldialdia San Domingo aldapan egin zuten, eta han, beste kantu mitiko bat abestu zuten: Isil isilik. Han zeuden turistek gogoz egin zuten txalo, kantua bukatutakoan. Baita udaletxeko balkoietako batean zegoen Joseba Asiron alkateak ere. Haren presentziaz jabetuta, Asiron, Asiron abesten hasi ziren kantuzaleak, txalo eta irri artean.

Kantuek ez zuten etenik izan hurrengo orduetan: Nafarroa jota herrikoia, Ikusi mendizaleak, eta Benito Lertxundiren Erribera eta Baldorba izan ziren ozenen entzun zirenak, parte hartzaileak San Jose plazara heldu ziren arte.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Eguzki irratia ©Jaoba Manterola / Foku

Eguzki irratiak salatu du lege berriak ez diela lizentziarik bermatzen irrati komunitarioei

Urtzi Urkizu

Hala ere, Iruñeko Eguzki irrati libreak lizentzia eskaera egingo du. Irratiak uste du badaudela nahikoa arrazoi lege berriaz ez fidatzeko.

2020ko deialdian parte hartu zuen Oletzero bat. / ©Andrakatue

«Zarpail edo dotore, gizon edo emakume, sor ditzagun gure Olentzero propioak»

Jon Ordoñez Garmendia

Dantzan.eus atariak dei egin du etxean, eskolan, lantokian edo ikasgelan bakoitzak bere Olentzero egitera.

Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.