Albistea entzun

Maixa Zugasti eta Asier Serrano dira aurtengo Irun Hiria saridunak

Indarkeria matxista du ardatz Zugastiren 'L.A.A.' nobelak. 'Denen mina da nirea' poesia lanean, emakumeei ahotsa ematen saiatu da Serrano
Asier Serranok duela bi urte ere irabazi zuen poesia arloko Kutxa Irun Hiria saria.
Asier Serranok duela bi urte ere irabazi zuen poesia arloko Kutxa Irun Hiria saria. JUAN CARLOS RUIZ / ARGAZKI PRESS Tamaina handiagoan ikusi

Amagoia Gurrutxaga Uranga -

2017ko irailak 24 - Donostia

Maixa Zugasti Muñoak (Tolosa, Gipuzkoa, 1973) eta Asier Serrano Lasak (Eibar, Gipuzkoa, 1975) irabazi dute Kutxa Irun Hiria saria euskarazko eleberri eta poesia ataletan, hurrenez hurren. Zugastik, L.A.A. nobelarekin. «Ez da lehen aldia sariketa honetara aurkezten naizena; beste nobela batekin aurkeztua nintzen». Bigarrenarekin eskuratu ditu sariaren 25.000 euroak. «Emakumeen kontrako tratu txarren ingurukoa da nobela. Benetako istorio bat izan dut idazteko abiapuntua, baina dena fikzioa da». Benetako istorioaren abiapuntua telefono dei bat izan zen. Emakume batek hots egin zion behin Zugastiri, laguntza eske. «Ertzantzarengana eta mediku etxera lagundu nion, eta marka handia utzi zidan barruan». Marka horren arrastoa, «aurpegi baten deskribapena izan ezik», fikzio hutsez agertu du idazleak, eta Donostian kokatu du narrazioa.

«Oso hunkituta» agertu da saria irabazi izanarekin, Felipe Juaristi, Jon Martin Etxebeste, Jon Kortazar, Marijo Olaziregi eta Arantxa Urretabizkaiaren epaiaren berri jakin berritan. «Literatura irakaslea naiz Hernaniko ikastetxe batean, eta bizitza osoan aritu izan naiz idazten. Sari hau luxu bat da niretzat». Ez du sekula argitara eman bere idazlanik, izan ere, eta saria editorialen arreta eskuratzeko «laguntza» izan daitekeelakoan dago. «Ezezaguna zarenean, izan ere, zaila gerta daiteke haienganainoko bidea».

Bigarren aldiz jarraian

Bi urtean behin ematen da Irun Hiria saria, eta euskarazko poesia atalean duela bi urte irabazi zuen idazle berak irabazi du aurtengoa: Asier Serranok, Denen mina da nirea poesia bildumarekin. «Bizitzan zehar alboan izan ditudan emakumeekiko enpatia erakusteko ahalegin bat da bilduma hau, gizon edo bikotekide moduan izan ditudan akats guztien erantzukizuna onartuz», adierazi dio BERRIAri Serranok. Alde horretatik, lan «zintzoa» dela nabarmendu du, nahiz eta «tranpa» moduko bat ere baduen, emakume baten ahotsetik idazten saiatu delako. Aurreko lanen jarraipena da Iñaki Aldekoa, Lourdes Otaegi eta Itxaro Borda epaimahaikideek saritu berri diotena, erantsi duenez.

Euskarazko hemezortzi eleberri aurkeztu dituzte aurten Kutxa Irun Hiria sariketara, aurreko edizioan baino sei gehiago. Poesia sailean, berriz, hamasei lan aurkeztu dituzte.

Erdarazko atalean, 228 eleberri eta 186 olerki bilduma aurkeztu dituzte lehiaketara. Blanca Bettschen Caparen (Madril, 1971) Juegos de lógica-k irabazi du eleberri ataleko saria, eta Ramon Fernandez Reboirasen (Tallos, Galizia, 1961) Providencia de apremio-k olerkikoa.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Oier Guillan, Agurtzane Solaberrieta eta Haritz Azurmendi ©Jakin

Idoia Beratarbide eta Oier Guillan dira Joan Mari Torrealdai ikerketa bekaren irabazleak

Isabel Jaurena

'Artxibo biluzia' saritu dute, Torrealdairen artxiboen lapurreta abiapuntu duen proiektua.

Martxan da Durangoko 57. Azoka

Aurten bai: ohiko irudiak ikusi dira Durangoko Azokaren lehen egunean

Paulo Ostolaza

Goizean ireki ditu ateak Landako guneak, eta ikasleak izan dira protagonista han. Arratsaldean egin dute irekiera ekitaldia, Barrexerka antzerki taldearen eskutik.

Langileak Durangoko Landako guneko salamahaietako bat prestatzen, atzo. ©MARISOL RAMIREZ / FOKU

Eztanda baten esperantzan

Iñigo Astiz

Gaur hasiko da Durangoko 57. Azoka, eta, azken bi urteetako gorabeheren ondoren, pandemia aurreko itxura berreskuratzeko erronka izango du aurrez aurre igandera bitarte. Musikaren euskarri fisikoen krisiak eta prezioen igoerak eragindako ziurgabetasunari ere erantzun beharko dio.

 ©Aritz Loiola, FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.