Albistea entzun

Hauteskundeen truke, bakea aurrekontuetan

Negoziazioetako «giroa» arintzeko, ERCk ez dio osoko zuzenketarik jarriko Kataluniako Generalitatearen 2015erako aurrekontuari
Pere Aragones, ERCren gai ekonomikoetarako bozeramailea.
Pere Aragones, ERCren gai ekonomikoetarako bozeramailea. ANDREU DALMAU / EFE

Samara Velte -

2014ko abenduak 16

ERCk ez dio osoko zuzenketarik aurkeztuko Kataluniako Gobernuaren datorren urterako aurrekontuari. Hala egitea erabaki duen alderdi bakarra da, eta, gainera, beste taldeek jarritako helegiteen aurka bozkatuko duela iragarri du. Pere Aragones ERCko ekonomia gaietarako bozeramaileak azaldu duenez, hauteskunde plebiszitarioei buruzko negoziazioak «errazte» aldera erabaki du alderdiak CiUri aurrekontuetan kontra ez egitea: «Probokaziora jo genezake, baina halako hauteskunde prozesu bat abiatzeko modu txarra litzateke, are gehiago independentziara iristeko kontzentrazioko gobernu bat adostu nahi dugunean». CiUko bozeramale Jordi Turullek onartu du erabakiak mesede egiten diola «mandatu demokratikorako bide orria negoziatzeko giroari».

Osoko zuzenketarik ez, baina azpiataletan egingo ditu ERCk kontrako proposamenak. Horrek blokeo egoerara eraman dezake aurrekontua, eta CiU datorren urterako lege proposamenik gabe utzi, baina Esquerrak espero du ez dela iritsiko proposamena gauzatzera ere; badaezpada, oraingo aurrekontua luzatzeko lege proposamena aurkeztu du. Urtarrilaren 19tik aurrera jarriko dituzte aurrekontuen azpiatalen helegiteak, eta otsailaren 4an izango da lege proposamenari buruzko azken eztabaida. Urtarrilerako hauteskundeetara deituta egotea nahi du Esquerrak, parlamentua aurrekontuak onartu baino lehen —edo onartu eta gutxira— deseginda egoteko.

AMC Kataluniako Udalerrien Elkarteko presidentea ziur agertu da CiU eta ERC ados jarriko direla berandu baino lehen, eta iragarri du AMC dagoeneko ari dela bere liburu zuria prestatzen, udalek Katalunia independentean izango luketen funtzioa zehazteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gerald Darmanin Frantziako Barne ministroa eta Gilles Simeoni Korsikako gobernuburua elkarri eskua ematen, iragan uztailean, negoziazioen lehen bilkura amaitu ostean, Parisen ©CHRISTOPHE PETIT TESSON / EFE

Korsikako hautetsien eta Frantziako Gobernuaren arteko negoziazioak, oinarri bila

Ander Perez Zala

Darmaninek atzeratu egin du bihar uhartera egitekoa zuen bisita, «eztabaida bare baterako baldintzarik» ez dagoela argudiatuta. Protestak antolatu dituzten gazte mugimenduek aho batez eskatu dute elkarrizketak hausteko.

Autodeterminazioaren eta Amnistiaren Aldeko Akordio Sozialaren prentsaurrekoa, gaur, Bartzelonan. ©INTERSINDICAL

Kataluniako berrehun udalerri daude amnistiaren eta autodeterminazioaren alde

Mikel Elkoroberezibar Beloki

Hirurehun erakundek eman diote babesa Autodeterminazioaren eta Amnistiaren Aldeko Akordio Sozialari, tartean alderdi politiko independentistak, zenbait sindikatu eta ikasle antolakunde.

Danimarkako lehen ministro Mette Frederiksen, gaur, Kopenhagen egindako agerraldian. ©Liselotte Sabroe / EFE

Danimarkako bozak azaroaren 1era aurreratu ditu lehen ministroak

Mikel O. Iribar

Gobernu sozialdemokrata babesten duten alderdiek behartuta hartu du erabakia Mette Frederiksenek.

Suhiltzaile batzuk, atzo, bonbardaketa batek Kharkiven (Ukraina) txikitutako lantegi batean lanean. ©SERGEY KOZLOV / EFE

Zelenskik berretsi du ez duela Putinekin negoziatzeko asmorik

Igor Susaeta

Errusiako goi ganberak Ukrainan partzialki okupatutako lurrak anexionatzeko itunak onartu ditu. Kremlinen mapek erakusten dute Moskuren indarrek segitzen dutela gerra frontean atzera egiten

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.