Ukraina ekialdeko gatazka. Bizitza bonba artean (V). Dima Jimic. Prizrak brigadako Errusiako unitatearen komandantea

«Errusiarrok lagundu ezean, ez die inork lagunduko miliziei»

Novorrosiako «anai-arreben» ondoan, zortzi eta hamar mila artean dira gerran ari diren boluntario errusiarrak: «Ez gara soldaduak».
IBAI TREBIÑO

Lur Gil, Berriemaile berezia -

2014ko azaroak 15

Ez da ezkutukoa errusiar boluntario ugari dabilela Donbassen borrokan. Ukrainako Gobernuak Errusiaren inbasiotzat jo du boluntario horien presentzia. Altxevskeko (Luhanskeko Herri Errepublika) Prizrak brigadako errusiar komandantearen iritzia jaso du BERRIAk.

Zein da hainbeste errusiar borrokan aritzearen arrazoia?

Ez dakit zehazki zenbat errusiar gauden hemen, Donbassen alde borrokan; zortzi edo hamar mila inguru. Boluntarioak gara denak, milizietan geure erabakiz sartu garenak.

Zertarako, zer helbururekin etorri zarete Donbassera?

Gure jendeak, gure anai-arrebek laguntza behar dutelako etorri gara. Ez dute jende nahikorik Ukrainako Gobernuari aurre egiteko. Guk, errusiarrok, lagundu ezean, ez die inork lagunduko. Argi gera dadila: ez gara soldaduak, boluntarioak gara, asko kosakoak, gure anai-arreben lurraldea defendatu nahi dugunak.

Gatazka hau Ukraina eta Errusiaren arteko gatazka dela esaten da; errusiarra izanik, zer daukazu horren inguruan esateko?

Mendebaldeak sortutako gatazka bat izan da, NATOk sortutakoa, Errusiaren aurka doana zuzenean, Ukraina eta Errusiako anai-arrebok bereizteko. Bi herriotako jendea senideak baikara: hizkuntza bera daukagu, kultura bera.

Novorrosiak garaipena lortzekotan, zer nahiko zenukete estatu hori izatea?

Afera hauek Novorrosian bizi den jendearen ardura dira soilik; hemengo jendearen erabakia da. Gu lurraldea askatzen laguntzera etorri gara.

Zer iruditzen zaizu Europako Batasunak gatazka honetan duen jarrera?

Europako Batasunak Errusiari zigor ekonomikoa ezartzea erabaki du. Zigor horiek ez dute ondoriorik ekarriko Errusiarentzat; Europako Batasuneko estatuak aterako dira galtzen.

Uste duzu gerra hau Errusiaren aurkako eraso bat dela, beste gerra hotz baterako pausua?

Ez nintzateke hori esatera ausartuko. Ez dakit NATOk zer nahi duen zehazki, baina argi dago errusiar jendearen aurkako eraso zuzen bat dela. Gure ekonomiaren aurkako zigorrek NATO eta Errusiaren arteko gatazka handitu baino ez dute egiten. Ildo horretatik ez dute lortuko Errusia isolatzea; BRICS [Brasil, Errusia, India, Txina eta Hegoafrika] bigarren potentzia ekonomikoa da jada munduan. Herrialde hauen arteko harremanak sendotzea baino ez du ekarriko Europako Batasunaren eta AEBen jarrerak, eta munduko lehen potentzia bihurtuko gara aurki.

Nola uste duzu dagoela Ukraina ekialdeko gatazka?

Ukrainako Gobernuaren presidente Poroxenkok ez du gerra amaitzeko interesik. Donbasseko lurraldeko jendea akabatu nahi du, bere agintepean ezartzeko. Orain entzuten ari zarena kontatu besterik ez duzu zure herrialdean [etengabeko bonba hotsak]. Hau da benetako egoera, eta honegatik behar dute gure laguntza Donbassen.

Nola uste duzu amaituko dela gerra hau?

Ezin dut iragarri gerra honen bukaera; hasi besterik ez da egin. Novorrosia aske denean soilik amaituko da gatazka, Ukrainarekiko guztiz aske eta independente denean.

Helburu hori gudu zelaian edo parlamentuetan lortuko dela uste duzu?

Guk ez dugu gerrarik nahi; gatazka hau politikoki konpontzen bada, militarki konpontzea baino hobea da: hildako gutxiago eragingo genituzke.

Badaukazu konfiantzarik azaroaren 2an Donetsken eta Luhansken aukeratuak izan ziren agintariengan?

Hauteskunde horiek hemen bizi den jendearentzat izan ziren. Haien aukera izan zen nor aukeratu herri errepublikak politikoki gidatzeko. Guri herria defendatzea dagokigu, agintean dagoena dagoela ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

COVID-19aren jarraipen batzordea, Iñigo Urkullu lehendakaria buru dela, atzo Gasteizen. ©JON RODRIGUEZ BILBAO / EFE

Pandemia osoan izan den kopururik handiena zenbatu dute Bizkaian: 402

Olatz Esteban Ezkati

Hego Euskal Herrian 651 positibo izan dira. Hamasei egoiliar eta 36 langile kutsaturik daude Bizkaiko zahar etxeetan. Eusko Jaurlaritzak ez du baztertzen osasun larrialdia berrezartzea

Nekane Murga Osasun sailburua, atzoko agerraldian. ©Miguel Toña / EFE

Etxeratze agindua, zalantzazko muga

Irati Urdalleta Lete

Eusko Jaurlaritzak etxeratze agindua izan du hizpide; hau da, herritarrei eskubidea kentzea ordu jakin batetik aurrera kalean ibiltzeko. Adituek ez dute argi horretarako eskumenik ba ote duen.

Emakume bat, elikagaiak kalean saltzen, Quiton, Ekuadorko hiriburuan. ©JOSE JACOME / EFE

Birusari, errenta unibertsala

Cecilia Valdez

Koronabirusaren pandemiak pobrezia hedatu eta desberdinkeria areagotu duela ikusita, Latinoamerikako zenbait herrialdetan oinarrizko errenta unibertsala eta haren gisako neurriak ari dira aztertzen. Errentarentzako dirua nondik bildu, horixe da erronkarik handienetako bat.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna