Albistea entzun

Europaren xedea betez, %10 azpitik dago eskola uztea lehenbiziko aldiz

Europako Batasunak 2020rako jarritako xedea jada bete da.

Europako batez bestekoa baino txikiagoa da uztea.

Espainiatik oso urrun dago
Ikasle talde bat, ikasgelan. Artxiboko irudia da.
Ikasle talde bat, ikasgelan. Artxiboko irudia da. PACO CAMPO / EFE

Garikoitz Goikoetxea -

2016ko otsailak 14

Oinarrizko hezkuntza bukatu orduko edo hura bukatzerako eskola uzten dutenen kopurua inoizko mailarik txikienera heldu da. Europako Batasunak 2020rako ezarritako helburuak jada beteak ditu euskal hezkuntzak. Eskola uzte goiztiarra %10 baino txikiagoa izatea ezarri du Bruselak urte horretarako, eta iaz %9,9ko tasa izan zuen Hego Euskal Herriak. Espainiako Hezkuntza Ministerioak emandako datuetatik atera du kalkulua BERRIAk. Europako herrialde aurreratuenetara hurbildu da zenbaki horrekin euskal hezkuntza: Europako Batasuneko batez bestekoa baino txikiagoa da eskola goiz uzten dutenen tasa.

Hau adierazten du tasa horrek: 18-24 urte arteko gazteetatik zein portzentajek ez duten oinarrizko titulua baino handiagoa edo zenbat ez diren ari ikasketa horietan.

Egoera ekonomikoak zuzeneko eragina du joeran. Kualifikaziorik gabeko lanpostuak lortzeko aukera handia zegoenean, eskola uzte goiztiarra ez zen jaitsi; are, leku batzuetan gora ere egin zuen. Krisiarekin, lanpostuak gutxitzearekin, jaitsi egin da uztea, gazte asko eskolara bueltatu baitira —Lanbide Heziketan gorakada handia izan dute krisi garaian—.

Pareko herrialdeak

%10eko mugatik behera jarrita, Europako Batasuneko batez bestekotik ere jaitsi da euskal hezkuntza. Parean hauek ditu: Belgika (%9,8), Finlandia (%9,5), Alemania (%9,5)... Herrialde horien azken datua 2014koa da. Beherago ere badaude herrialde batzuk: Frantziak, adibidez, %8,5eko uzte tasa du. Taldean daude Austria (%7), Irlanda (%6,9) eta Lituania (%5,9), esaterako. Kroaziak du Europako tasarik txikiena: %2,7.

Beste muturrean, eskola uzte handienarekin daude Italia (%15), Portugal (%17) eta Errumania (%18), adibidez. Marka Espainiak dauka: %20ko eskola uztea. Asko jaitsi da tasa —2009an, esaterako, %31koa zen—, eta gobernuak dio LOMCEren eraginagatik izan dela. Adituek berretsi dute, ordea, krisi garaiko aldaketak direla oinarria.

Euskal Herrian, jaitsiera gorabehera, joera bat oraindik ere indarrean dago: emakumeen eskola uzte goiztiarra nabarmen txikiagoa da gizonena baino. Iazko uztearen datuei erreparatuta, adibidez, honako hau da diferentzia: 18-24 urte bitarteko gizonen eskola uzte goiztiarra %12,2 izan zen; emakumeena, berriz, %7,7.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Alarma egoeraren osteko aroaz kezkaz ari dira EAJ eta EH Bildu

Maria Ortega Zubiate

Jaurlaritza erabakiak hartzeko «subiranoa» ez izateak funtsezko arazoak dakartzala azaldu du Otegik. Aldi baterako neurrien eske ari da Ortuzar
Galdakaoko ospitaleko (Bizkaia) ZIUko gune bat. ©MIGUEL TOÑA/ EFE

Ospitaleetako okupazioa gora doa, eta ezinegona adierazi dute agintariek

Edurne Begiristain-Ion Orzaiz Uxue Rey Gorraiz-Arantxa Iraola

740 lagun daude erietxeratuta birusak jota, azken bi hilabeteetako kopururik handiena. Urkulluk baztertu egin du, oraingoz, Labi bilerara deitzea. Nafarroako lau herri perimetralki itxiko dituzte
Cecilia Themme Afan, Carmen A.Cares Mardones eta Izaskun Landaida atzo, Gasteizen. ©ENDIKA PORTILLO / FOKU

Andre migratuak eta arrazializatuak «giza kapitalaren» erreferente dira elkarteetan

Amaia Ramirez de Okariz Kortabarria

Arabako, Bizkaiko eta Gipuzkoako taldeetan jarduten duten hainbat emakume migratu eta arrazializaturi elkarrizketak egin dizkiete, feminismoa eta intersekzionalitatea ardatz. Landaidak goraipatu egin du lana, gogoeta bultzatzeagatik
Urretxindorra proiektuan parte hartutako mentore eta etorkin bat. ©COORDINADORA MENTORIA SOCIAL

Mentoretzak etorkinen gizarteratzea errazten duela ondorioztatu dute

Jone Bastida Alzuru

Mentoretzak dituen eraginak aztertzeko ikerketan parte hartu dute Gipuzkoako SOS Arrazakeriak eta Nafarroako Unibertsitate Publikoak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna