Albistea entzun

Gorazarrea eredu «propioari»

Ikasturtea hasi dute ikastolek; hezkuntza legea egiteko «determinazioa» eskatu diote Jaurlaritzari
Tellitu eta Uriarte, atzo, ikastolen kartelaren atzean; inguruan, ikastoletako hainbat arduradun.
Tellitu eta Uriarte, atzo, ikastolen kartelaren atzean; inguruan, ikastoletako hainbat arduradun. JON URBE / ARGAZKI PRESS

Arantxa Iraola -

2015eko irailak 27 - Azpeitia

Ikastolek hasi dute ikasturte berria. Horretarako ekitaldi ofiziala atzo egin zuten, Azpeitian (Gipuzkoa), eta tokiaren aukeraketa bera, ikastolen hezkuntza eredu propioaren aldeko aldarrikapen argia izan zen, Azpeitiko Ikasberri ikastola 1990eko hamarkadan publifikazioari aurre eginez birsortu ziren zentroetako bat izan baitzen. Eta iraganeko urratsen gorazarrea egungo aldarrikapenekin lotu zuten; Eusko Jaurlaritzari egiten dizkioten eskariekin, bereziki. Ekitaldian zen Hezkuntza sailburu Cristina Uriarte, eta Ikastolen Elkarteko lehendakariak, Koldo Tellituk, haren aurrean ozen kritikatu zuen hezkuntza legearen inguruko eztabaida oraindik ez dela abiatu. «Indar eta determinazio handiagoa ikusi nahiko genuke Hezkuntza Sailaren jardunean».

Garbi utzi zuen, halaber, Tellituk zein irizpide segitu beharko dituen, beren ustetan, lege horrek. «Gure ustez, argi geratu behar du lege horretan zer den hezkuntza zerbitzu publikoa. Bestalde, berriz, lege horrek euskaran ardaztutako eleaniztasuna bultzatu eta ziurtatu behar du. Gainera, ezinbestean, konpetentzietan oinarritutako euskal curriculuma bultzatu eta sustatu behar du». Bide horretan, «baliabide mailan» aurrera urratsak eskatu zituen ikastolek eraturiko sarearentzat, eta «aitortza», haren aburuz oraindik apalegia baita: «Horretan ere, gure espektatibak ez dira betetzen ari». Kezka azaldu zuen Heziberri 2020 egitasmoko esparru pedagogikoa ez delako garatu ere: «Oraintxe, guk dakigunez, duela urtebete bezala gaude; ez dugu ikusten markoa garatzeko egitasmorik». Bide berean, hizpide izan zuen Espainiako Gobernuak ezarritako hezkuntza erreforma, LOMCE, haren aurka irmo segitu behar dela oroitaraziz: «Erabat indargabetu arte».

Adostasunerako bidean

Cristina Uriartek esan zuen prest daudela hezkuntza legea egiteko eragileen hitza entzuteko, eta horretarako prozesua abian jarriko dutela, bileretarako deiak eginez. Onartu zuen bide malkarra espero dutela: «Ez da erraza izango». Ohartarazi zuen egingo den legeak «denontzat» izan behar duela, eta adostasunerako bidean ahalegina egin beharko dela. Bide batez, Jaurlaritzak LOMCEren kontrako jarrera argia duela berretsi zuen: «Arduraz eta inteligentziaz ari gara aurre egiten».

Nafarroako Gobernuko ordezkaririk ez zen joan atzo ikastolek antolatutako ekitaldira. Hezkuntza kontseilari Jose Luis Mendoza joan ezinik geratu zela azaldu zuten Ikastolen Elkarteko arduradunek. Nolanahi ere, Tellituk argi utzi zuen han izan den gobernu aldaketaren ondorioz, jarrera hobea espero dutela. «Aldaketa esanguratsuak espero ditugu hizkuntza eta hezkuntza politiketan; onerako aldaketak, noski». Iparraldean, berriz, euskarazko irakaskuntzaren aldeko neurriak behar direla oroitarazi zuen: «Egiten ari den lanaren neurriko aitorpena behar du Seaskak; haren mesederako neurriak eta kolaborazio aktiboa behar ditu».

Iraganeko lorratzak

«Gordina». «Mingarria». Tankera horretako adjektiboak erabili zituzten atzo Ikastolen Elkarteko ordezkariek 1993an Eskola Publikoaren Legearen ondorioz hainbat ikastolatan izandako banaketei loturiko istorioak deskribatzeko. Malkoak ere izan ziren ekitaldian, garai hartako gertaera katramilatsuen lorratzak. Ikastolek saioa baliatu nahi izan zuten, ordea, «hezkuntza sistema propioaren» aldeko hazia ereiten jakin zutela aldarrikatuz, publifikazioari aurre egin eta birsortzea erabaki zuten ikastolei omen egiteko. Halaxe omendu zituzten Ikasberri ikastolako arduradunak bezalaxe, Beasaingo (Gipuzkoa) Andramendi ikastolakoak, eta Bizkaiko bi zentrotakoak: Leioako Betiko eta Elorrioko Txintxirri ikastoletakoak, hain zuzen ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Estitxu Villamor Lomas eta Ortzi Akizu-Gardoki ikerlariak, Errekaleorren. ©ENDIKA PORTILLO / FOKU

Bestelako eredu baterako akuilu

Edurne Begiristain

Gasteizko Errekaleor auzoarentzat «mugarria» izan zen duela bost urte Iberdrolak argindar sarerako lotura moztu izana. Ordutik, auzo okupatua burujabea da energia elektrikoari dagokionez, eta bizimodu autogestionatuari esker, aztarna energetikoa murriztea lortu du.

Itsaso Bengoetxea, Ana I. Rodriguez, Amaia Bacigalupe, Aintzane Orkaizagirre eta Maribel Romo, hitzaldiak hasi aurretik. ©ANDONI CANELLADA / FOKU

Zaintzaren bidetik osasunera

Arantxa Iraola

Pazienteen erabakimena sustatzea, zaintzaren alde ezkutuak aintzatestea, genero ikuspegia txertatzea, heriotzan laguntzea: osasun arta dira horiek ere

AHTaren obretan aurkitutak gaztelu erromatarraren aztarnak ©Nafarroako Gobernua

AHTaren obrek ondare arkeologikoan eginiko kalteak salatzeko deialdia egin dute, bi soldadu erromatarren mamuen izenean

Isabel Jaurena

Erromatar gaztelu baten aztarnak topatu dituzte Tafallan (Nafarroa), eta Nafarroako Gobernuak AHTaren obrak geldiarazi ditu.

Ortzi Akizu-Gardoki eta Estitxu Villamor Lomas ikerlariak, Errekaleorren. ©ENDIKA PORTILLO / FOKU

«Kontsumo ohiturak aldatuz egingo da trantsizioa»

Edurne Begiristain

EHUko bi ikertzaileek lehen aldiz kalkulatu dute auzo baten aztarna energetikoa. Gasteizko Errekaleor auzo komunitario eta autogestionatua izan dute aztergai.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...